Фура айдоочусу. Архивдик сүрөт

КамАЗ айдаган мас киши милиционерлерди аткылап... 90-жылдардагы кылмыштар

151
(жаңыланган 18:28 09.02.2020)
Өлкө өзүнүн улуттук валютасына ээ болуп, базар экономикасы кайнап турган учурда республика аймагында бир топ чуулуу кылмыштар катталган.

Sputnik Кыргызстан агенттиги гезит беттерин барактап, 25 жыл мурун февраль айында катталган кылмыштарды тизмектеди.

Окуучуну бычактаган

Буга чейин бир тууганын өзгөчө мыкаачылык менен өлтүргөн айыпталуучу 11 жылга эркинен ажыратылган. Кийин амнистия берилип, ал боштондукка чыгып да жөн жүрө алган эмес. Шектүү шаардын четинде эки окуучуга кол салган. Алардын бири кылмышкерден качканга үлгүрсө, экинчиси анын курмандыгына айланган. Эргул ээн талаада тогуз жаштагы окуучуну моюнга, төшкө, далысына бир нече жолу бычак сайып өлтүргөн. Сот ал зөөкүрдү өлүм жазасына тартты.

Бишкектеги атышуу

48 жаштагы бишкектик тургун мас болуп алып борбор калаанын көчөлөрүндө жүк ташуучу КамАЗ менен милиция кызматкерлерине ок чыгарган. Ал укук коргоо кызматкерлеринин колуна түшкөнгө чейин эки жеңил унааны сүзүп, бир нече адамга оор жаракат келтирген. Бул кылыгы менен көпкө чейин шаардыктардын эсинде калган.

Өлтүрүлгөн ишкер жана анын аялы

Адам өлтүрүүгө баргандар кол салган түгөйлөрдү жакшы билип, аларга көптөн бери көз салып жүргөн. Каргаша болгон күнү ишкер келинчеги менен мейманга барып, кечинде өз үйүнө келип, айдоочуусун эртең менен кечикпей кел деп узатып жиберген. Ошол бойдон ал эки күн дайынсыз болуп, достору, жакындары, өнөктөштөрү да издеп таба алган эмес. Кылмышкерлер ишкерди, анын аялын өз үйүндө муунтуп өлтүрүп, ири суммадагы акчасын алып, үйдү бекитип качып кетип калган.

Үч өлкөнү куруткан кылмышкер

Буга чейин жети жолу соттолгон казакстандык жаран жаңы эркиндикке чыгып, Бишкек шаарынан бир аялды бычактап өлтүрүп, бир ишкердин үйүн тоногон. Аны менен гана токтоп калбастан, өзүнүн кылмыштуу аракеттерин Россия, Казакстандын шаарларында улантып, соңунда Кыргызстанда колго түшкөн. Жергиликтүү фемида өкүлдөрү аны 14 жыл төрт айга темир тор артында калтырды.

Погончон кылмышкерлер

Милициялык окуу жайда окуган төрт курсант кечкисин курал көтөрүп чыгып күйүүчү май ташыган айдоочуларды тоноп келген. Погончон жаш кылмышкерлер Калашников автоматы менен унаа ээлерин коркутуп, акча алып турган. Прокуратура жалпы 11 опузалоону аныктап, сот айыпталуучуларды төрт жылдан сегиз жылга чейин эркинен ажыраткан.

Төртөөлөп кызды зордуктаган

Борбор калаада 20 жаштагы кызды колунда барлардын төрт уулу зордуктап, колго түшкөн. Коомчулукту дүрбөлөңгө салган окуядан кийин прокуратура кызматкерлеринин алдына ишти аягына чыгаруу тапшырмасы коюлган. Бирок сот аларды мыйзам боюнча 15 жылга чейин эркинен ажыратуусу керек болсо, фемида өкүлдөрү алардын ар бирин беш жылдан темир тор артында калтырган.

151
Белгилер:
кылмышкер, газета, 90-жылдар, Кыргызстан
Тема боюнча
ЦУМдун жанында муш жеп көз жумган нигериялык жаран. Айыпкерге өкүм чыкты
Медициналык кызматкерлер COVID-19дан каза болгон адамдын өрттөө үчүн көтөрүп жатышат. Архив

Сөөгү өрттөлүп, о дүйнөгө узаган "маркум" кайтып келди. Индиядагы окуя

276
(жаңыланган 19:37 29.11.2020)
Эркек киши коронавирус инфекциясы менен ооруканага жаткырылып, бир нече күндөн кийин каза болду деген кабар келген.

БИШКЕК, 29-ноя. — Sputnik. Индияда эркек киши үй-бүлөсү сөөгүн ооруканадан алып кетип өрттөп салгандан бир жумадан кийин үйүнө келди. Бул тууралуу NDTV телеканалына таянуу менен РИА Новости жазды.

Ноябрдын башында 75 жаштагы кишини коронавирус инфекциясы менен ооруканага жаткырышкан. Бир нече күндөн кийин ал каза болду деген кабар жакындарына угузулган. Сөөгү вирусту алдын алуу протоколуна ылайык сакталып, жакындарына анын бети гана көрсөтүлгөн.

Туугандарынын айтымында, сөөктү өрттөп, атайын ырым-жырымды өткөрүүгө даяр турушкан. Бирок аларга ооруканадан чалышып, сакайып чыккан жакынын алып кетүүнү өтүнүшкөн.

"Биздин оозубуз ачылып калды. Атабызды аман-соо үйгө алып келдик. Бирок кимдин сөөгүн өрттөгөнүбүздү билбейбиз", — деген кишинин уулу.

Кийин териштире келгенде, үй-бүлө мүчөлөрү коронавирус жуктурган дагы бир улгайган бейтапты кремациялаганы белгилүү болгон.

276
Белгилер:
өрттөө, сөөк, коронавирус, Индия
Тема:
Дүйнөгө жайылган коронавирус
Тема боюнча
Казакстанда эки ай мурда сөөгү жерге берилген адам үйүнө кайтып келди
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

210
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

210
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш
Студент сабак учурунда. Архив

Сурабалдиева ЖОЖ, мектеп, бала бакчалардын качан иштей турганын айтты

345
(жаңыланган 23:21 29.11.2020)
Өкмөттүн мүчөсү өлкөдөгү бала бакчалардын иши боюнча бир катар маселелери бар экенин белгилеп өткөн.

БИШКЕК, 29-ноя. — Sputnik. Кыргызстандагы жогорку окуу жайлар жаңы жылдан кийин иштейт баштайт. Ал эми бала бакчалар боюнча айрым татаалдыктар бар. Бул тууралуу вице-премьер Эльвира Сурабалдиева соцтармактагы баракчасы аркылуу билдирди.

​Суроо бергендерге жооп берип жатып өкмөт мүчөсү мектептерди ата-энелердин суранычынын негизинде ачуу маселеси турганын белгиледи.

​Сурабалдиеванын айтымында, азыр оору жайылып кетсе, илдетке кабылгандардын агымын тейлөөгө ооруканалар, тийиштүү кызматтар жетише алабы деген гана көйгөй турат.

"Ансыз деле ата-энелер улам бир мугалимге акы төлөп барып жатышат. Демек азыркыдай махинациянын зарылдыгы жок", — деп жазган чиновник.

Белгилей кетсек, республиканын айрым жерлеринде мектептер, бала бакчалар иштеп жатат. Эпидемиологиялык абал курч деген аймактарда гана окуу онлайн жүрүүдө.

345
Белгилер:
өкмөт, Эльвира Сурабалдиева, бала бакча, ЖОЖ, мектеп
Тема:
Коронавируска байланыштуу Кыргызстандагы кырдаал
Тема боюнча
Бишкектин кинотеатрлары качан ачылары айтылды
Бишкекте бир шарт менен компьютердик клубдардын ишин жандантуу каралууда