Сотрудники правоохранительных органов Казахстана стоят на страже после беспорядков в приграничных селах Казахстана. 8 февраля 2020 года

Казакстандагы жапырт мушташ эмнеден чыкканын ИИМ түшүндүрүп берди

2152
(жаңыланган 12:04 10.02.2020)
Министрдин орун басарынын айтымында, Казакстандын башка аймактарынан интернет аркылуу билдирүүлөрдү жиберген чагымчылдар табылган. Алардын арасында жалаң эле жаштар эмес, жашы өйдөлөп калгандар да бар.

БИШКЕК, 10-фев. — Sputnik. Кыргызстандын чек арасына жакын жайгашкан Казакстандын Жамбыл облусуна караштуу Кордай районундагы жапырт мушташ жолдогу чатактан улам чыккан. Бул туурасында Sputnik Казакстан аталган өлкөнүн ички иштер министринин орун басары Алексей Калайчидиге таянып кабарлады.

"5-февралда чатак жол талаштан улам болгон. Үч автоунаа кетип бара жаткан, дагы үчөө жүк ташуучу автокөлүк менен үйүнөн жаңы гана чыккан экен. Чырга алардын бири-бирине жол бербей койгону себеп болгон. Анын кесепетинен айтышып, андан соң мушташып кетишкен", — деди Калайчиди.

Чатак боюнча маалымат социалдык тармакка тарап, жаштардын арасында кызуу кандуулукту жаратып, андан соң жапырт мушташка айланган.

Министрдин орун басарынын айтымында, Казакстандын башка аймактарынан интернет аркылуу билдирүүлөрдү жиберген чагымчылдар табылган. Алардын арасында жалаң эле жаштар эмес, жашы өйдөлөп калгандар да бар.

"Алар урушту көргөн да эмес. Өздөрүнүн божомолу менен ой жүгүртүп, социалдык тармакка коюш керек деген ойго жетеленген. Анын кесепети ушундай абалга алып келди", — деген ИИМдин орун басар министри.

Ал учурда ведомство чагымчыл маалыматтарды кимдер тараткандыгын иликтөө уланып жаткандыгын кошумчалады.

Окуянын чоо-жайы

Эске салсак, 7-февралда Казакстандын Жамбыл облусундагы Масанчи айылында жергиликтүү тургундар ортосунда массалык мушташ болгон. Жергиликтүү укук коргоо кызматкерлери ал окуяга тиешеси бар адамдарды аныктоо иштерин жүргүзгөн.

Ошол эле күнү Жамбыл облусунун Сортөбе айылында эки жаран автоунаасы менен полициядан качып барып өз үйүнүн алдынан колго түшкөн. Алар погончондорго баш ийбей, окуя болгон жерге алардын жакындары чогулуп тартип сакчыларына кол көтөрүп, кызматтык автоунаасына таш ыргыткан.

Аталган мушташтан бир нече адам каза тапкан.

Ал күндөрү Кордай тараптан Кыргызстанга чек арадан балдар, аялдар, улгайганар өтүп, алардын бир нечеси Токмоктогу ооруканага жаткырылган.

9-февралда Казакстандын вице-министри келип Токмокто жаткан бейтаптарды алып кеткен.

Кордайдагы окуя тартип коргоо органдарынын көзөмөлүнө алынып, окуянын кесепетин жоюу жана анын кантип чыкканын аныктоо максатында Казакстандын өкмөт башчысынын орун басары Бердибек Сапарбаев башында турган өкмөттүк комиссия түзүлгөн.

Кийинчерээк Казакстандын Ички иштер министрлигинен Кордай районунун Масанчи айылындагы башаламандык кандай башталгандыгын айтып беришкен.

2152
Белгилер:
мушташ, чек ара, Кыргызстан, Казакстан
Тема:
Казакстандын Кыргызстан менен чектешкен аймагындагы чыр (21)
Тема боюнча
Казак бийлиги Кыргызстанга качкан жарандарына кайрылуу жасады
Казакстандын вице-министри келип Токмокто жаткан бейтаптарды алып кетти
Табличка на заборе, означающая высокое напряжение.

Алайда балык уулоого барган 45 жаштагы киши ток уруп каза болду

34
Маркум бир тууганы жана кошунасы менен балык уулоо үчүн Кара-Суу районунун Шарк айылынан Алайдагы Кызыл-Суу дарыясына барган.

ОШ, 2-июн. – Sputnik. Ош облусунун Алай районундагы Коңур-Дөбө айыл өкмөтүндө Кызыл-Суу дарыясына балык кармоо үчүн барган 45 жаштагы киши ток уруп каза болду. Маалыматты Облустук ички иштер башкармалыгынын маалымат катчысы Жеңиш Аширбаев тастыктады.

Анын айтымында, окуя 1-июнь күнү саат 18:30дар чамасында болгон.

Балык уулоого баргандар ага-ини жана алардын кошунасы экени айтылды.

Маркум кайырмагын суудан алып чыгуу үчүн катуу тартканда жогорку чыңалуудагы электр чубалгысына тийип кеткен. Чубалгы үзүлүп, кайырмак суу болгондуктан аны кармап турган кишини ток уруп, ал окуя болгон жерде каза болгон.

Жакындары аны соттук-медициналык экспертизадан өткөрүүдөн баш тартып, сөөктү алып кетишкен. Бирок сөөккө сырттан гана байкоо жүргүзүлгөн. Натыйжада ал токко урунуп, жүрөгү ошол замат токтоп калгандыгы аныкталган.

Бул факты райондук милиция тарабынан кокустук катары катталды.

34
Белгилер:
Алай району, Кара-Суу району, сөөк, аба чубалгысы, дарыя, балык
ДЕНВЕР, CO - 29 мая: полицейский направляет пистолет для перца на людей во время акции протеста 29 мая 2020 года в Денвере, штат Колорадо.

АКШ полициясы ЖМК өкүлү экенин билип туруп Sputnik продюсерине ок чыгарды

123
(жаңыланган 00:23 03.06.2020)
Продюсердин билдиришинче, ал полиция кызматкерлерине журналист экендигин бир нече жолу айткан. Мындан тышкары мойнунда пресс-картасы да бар болчу.

БИШКЕК, 2-июн. — Sputnik. АКШда полиция нааразычылык акцияларын чагылдырып жүргөн Sputnik агенттигинин продюсери Николь Русселдин журналист экендигин билип туруп резина ок менен аткылады. Бул тууралуу РИА Новости жазды.

Продюсер окуяны төкпөй-чачпай баяндап берген.

"Мен Ак үйдүн жанында жүргөн элем. Митингчилерге ок атыла баштаган маалда окуяны видеодон көрсөтүү үчүн ал жакка жакындадым. Полиция ошол замат аткылап баштады. Байкашымча, травматикалык граната менен резина окторду колдонушту. Ошондой эле биз тарапка көздөн жаш агызуучу газ чачышып, бардыгыбыз жөтөлдүк", — деген журналист.

Продюсердин билдиришинче, ал укук коргоо органдарынын кызматкерлерине журналист экендигин бир нече жолу айткан. Мындан тышкары, мойнунда пресс-картасы да бар болчу.

"Мен кабарчы дегенимде, полиция "Артка!" деп кыйкырып, катуу үн чыгаруучу гранаталарды ыргыта баштады. Соккунун издери ичим менен санымда калды. Бир нече секундадан кийин кайрадан тартууну улантып жатканымда резина ок менен аткандай болду. Ал жаракаттан бутум көгөрүп, канады", — деп кошумчалады Руссел.

Жерге жыгылып калган аялга демонстранттардын бири жардам берген.

"Митингчилерге кандай чара көрүлсө, бардык журналисттерге дагы ошондой мамиле болуп жатат", — деди продюсер.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

123
Белгилер:
ок атуу, журналист, башаламандык, Sputnik, АКШ
Тема:
АКШда афроамерикалыктын өлүмүнөн кийинки башаламандык
Россия сегодня эл аралык агенттигинин башкы редактору Маргарита Симоньян

Сотко беришибиз мүмкүн! Симоньян АКШда жабыркаган журналисттер тууралуу

19
(жаңыланган 01:05 03.06.2020)
Америкадагы нааразычылык акцияларын чагылдырып жүргөн РИА Новости жана Sputnik агенттигинин кабарчылары полиция тарабынан одоно аракеттерге туш болушкан.

БИШКЕК, 3-июн. — Sputnik. "Россия сегодня" эл аралык агенттигинин башкы редактору Маргарита Симоньян редакциянын кабарчыларына кол салган америкалык полиция кызматкерлерине каршы доо арыз берилиши мүмкүн экендигин билдирди. Бул тууралуу РИА Новости жазды.

"Акыркы үч күндүн ичинде Американын полициясы РИА Новостинин Миннеаполистеги кабарчысы менен Вашингтондогу Sputnik агенттигинин продюсерине кол салды. Экөө тең пресс-карталарын көрсөтүп, кабарчы экендигин айтып кыйкырышкан. Аны полиция көрүп да, угуп да койгон эмес. Учурда АКШ өзүнүн медиасына да ушундай мамиле кылып жатат. Мыйзам бар мамлекетте, албетте, биз сотко кайрылмакпыз. Бирок бүгүнкү Америкада мыйзам полициядан да жакшы иштейт деп айтууга негиз жок. Биз муну ойлонуп көрөбүз", — деген Симоньян.

Өткөн жекшембиде полиция Миннеаполистеги башаламандыкты чагылдырып жаткан РИА Новостинин кабарчысы Михаил Тургиевге көздөн жаш агызуучу газ чачып жиберген. Буга байланыштуу Россиянын элчилиги мамлекеттик департаментке нааразычылык нотасын жөнөткөн.

Ал эми шейшемби күнү Вашингтон полициясы нааразычылык акциясын видеого тартып жүргөн Sputnik агенттигинин продюсери Николь Русселдин журналист экендигин билип туруп желим ок менен аткылаган.

Полиция Тургиев менен Руссел журналист экендигин тастыктаганына карабастан, атайылап орой мамиле жасаган.

Афроамерикалык жарандын өлүмүнөн кийин АКШда өткөн жумадан тарта нааразычылык акциялары башталып, ал башаламандыкка айланып кетти. Бир нече шаарга коменданттык саат киргизилип, полиция кызматкерлери тартипке көз салганы менен башаламандыктын аягы сууй элек. Ири шаарларда дүкөндөр талкаланып, мародёрлук күч алганын ЖМКлар жазып жатышат.

Ал эми АКШ президенти Дональд Трамп башаламандыкты террорчулук деп сыпаттаган.

19