Бишкекте 2-мартта өткөн митинг

Митингди кууп таратуудан канча киши жабыркаганы айтылды

273
(жаңыланган 10:30 03.03.2020)
Саламаттык сактоо министрлиги укук коргоо органдарынын кызматкерлеринин арасынан 19 киши жабыркаганын билдирсе, ИИМ 24 адам тууралуу айтууда.

БИШКЕК, 3-мар. — Sputnik. Бишкекте 2-мартта өткөн митингде жалпысынан 22 адам ар кандай жаракат алып, ооруканаларга кайрылды. Бул тууралуу Саламаттык сактоо министрлигинен билдиришти.

Алардын арасынан 19 киши укук коргоо органдарынын кызматкерлери.

"Жалпысынан 22 киши кайрылды. Алардын ичинен үчөө жөнөкөй жарандар. Алгачкы медициналык жардам көрсөтүлгөн соң 21 киши амбулатордук дарыланууга жөнөтүлдү. Баш мээси чайкалган жана мойну жабыркаган бир милиция кызматкери Улуттук госпиталга жаткырылды. Абалы канааттандырарлык", — деп айтылат билдирүүдө.

Ал эми Ички иштер министрлигинин маалыматына караганда, митингде жабыркаган кызматкерлердин саны 24кө жеткен.

Жапаровду колдогондордун кууп таратылган митинги

2020-жылдын 2-мартында экс-депутат Садыр Жапаровдун боштондугун талап кылгандар Бишкек шаарынын чок ортосунда митинг өткөргөн. Саат 10дордон тарта эле чекесинен чогулуп отуруп, митинг 13:00дөр чамасында башталган. Анда чыгып сүйлөгөндөр саясатчыны бошотуу талабынан сырткары бийликти сындаган пикирлерин айткан. Алардын ичинен 10 кишиден турган топ президент Сооронбай Жээнбековго жолугуу үчүн барып, бирок аппараттын кызматкери менен сүйлөшкөндөн кийин кайра келген.

Ал арада чогулган элдин бир тобу кээ бир уюштуруучулардын кебине кулак салбай Ак үйдү көздөй жөнөгөн. Ал жерден милиция менен тирешип калган. Бирок милиция демонстранттарды "Ала-Тоодон" басымы жогору суу, жаш агызуучу газ колдонуп сүрүп чыгарган. Эл каршылык көрсөткөнү менен күчү жетпей качып жөнөгөн. Алардын кээ бирлерин милиция кармап кеткен. Ал эми митингдин уюштуруучулары болгон Садыр Жапаровдун агасы Сабыр Жапаровду, Каныбек Осмоналиевди жана Амангелди Артыковду УКМК кармаган.

Митингчилер кантип кууп таратылганы Sputnik Кыргызстандын тексттик трансляциясында кеңири баяндалган.

273
Белгилер:
жаракат, ден соолук, оорукана, милиция, митинг, Бишкек
Тема:
Садыр Жапаровдун тарапташтарынын Бишкектеги митинги (25)
Тема боюнча
Садыр Жапаровдун агасы менен Каныбек Осмоналиевди УКМК кармады
Качпагыла! Милициянын митингчилерди үйлөрдү аралата кууган видеосу

Имараттарды кыйраткан ракеталар. Газа тилкесинен тартылган видео

295
(жаңыланган 18:49 14.05.2021)
Израиль армиясынын Газага абадан урган соккуларынан улам курман болгондордун саны өсүүдө. Алардын арасында аялдар менен балдар бар. Расмий маалыматтар боюнча, 119 адам каза таап, жүздөгөн киши жаракат алган.

Израиль менен Палестинанын ортосундагы конфликт 10-май күнү кечинде курчуган. Эки жак тең ракета менен аткылоону токтотпой жатат.

Газа тилкесинен 1 500дөн ашык ракета коё берилген. Израиль дагы ХАМАС кыймылына жооп кайтарууда.

Буга чейин ЖМКлар Израиль сотунун чечими менен Чыгыш Иерусалимдеги Шейх-Жаррахта жашаган бир нече палестиналык үй-бүлө аталган аймактан чыгарылганын жазган. Ал эми 7-майда палестиналыктар менен Израилдин полициясы кагылышкан. Тартип сакчылары Аль-Акс мечитине чабуул коюу үчүн атайын каражаттарды колдонушкан.

10-майда ХАМАС аталган аймактан аскерлерди чыгарып кетүү талабын койгон. Кечинде массалык түрдө ракета менен аткылоо башталган.

295
Белгилер:
мечит, Палестина, Израиль
Тема боюнча
Эмнеге Пентагонго Борбор Азияда орун жок? Сереп
Кишенчен киши. Архив

Бишкекте энеси менен кызын өлтүрүүгө шектелип өспүрүм кармалды

128
(жаңыланган 18:18 14.05.2021)
Милициянын маалыматы боюнча, кармалган шектүү буга чейин соттолгон. Ал Ысык-Көл облусунда окуп, 2018-жылдан бери Токмок шаарында жашап келген.

БИШКЕК, 14-май — Sputnik. Милиция Бишкектин борборунда эки аялды өлтүрүүгө шектүү катары 16 жаштагы Ж.М. аттуу жаранды колго түшүрдү. Бул тууралуу Свердлов райондук милициянын маалымат кызматы билдирди.

Бишкектеги Жибек жолу жана Ибраимов көчөлөрүнүн кесилишиндеги турак үйлөрдүн биринде киши колдуу болгон эки аялдын сөөгү табылганы тууралуу кабар укук коргоо органдарына 12-майда саат 11:25те келген. Окуя болгон жерге барган милиция каза болгондор 63 жаштагы А.А. жана анын 31 жаштагы А.А. аттуу кызы экенин аныкташкан. Маркумдардын денесинде зомбулуктун издери байкалган. Шаардык милиция Кылмыш кодексинин 130-беренеси ("Эки же андан көп адамды өлтүрүү") боюнча кылмыш ишин козгогон. 13-майда тергөөчүлөр кылмышкердин изине түшкөн.

Маалыматка ылайык, шектүү буга чейин соттолгон, Ысык-Көл облусунун тургуну.

"Шектүү жаран мыйзамдуу өкүлдөрү, жактоочусунун катышуусунда өткөрүлгөн суракта жасаган ишин мойнуна алган. Мындан сырткары, атайын тергөө амалдарынын жүрүшүндө кылмыш жасоодо колдонулган далил буюмдарды берген. Ал сотко чейинки өндүрүшкө камтылды", — деп айтылат ШИИБдин билдирүүсүндө.

Мындан сырткары, шектүү Ысык-Көл облусунда орто мектепте 7-класска чейин окуп, 2018-жылы Чүйдүн Токмок шаарына көчүп келип жашаганы аныкталган.

Алдын ала маалыматка ылайык, 31 жаштагы аял өлөр алдында зордукталган.

128
Белгилер:
шектүү, адам өлтүрүү, аялдар, милиция, Бишкек
Тема боюнча
Өзгөндө таксистти өлтүрүп, сөөгүн өрттөп салган өспүрүмдөргө өкүм чыкты
Лебединовкада кыз ала качууга шектелген жаран милицияга өзү келди

Жыгылып баратып тепти. Австралиялык футболчунун гол киргизген видеосу

0
Германия чемпионатынын 32-турунун алкагында "Айнтрахт" өз үйүндө "Майнц" клубун кабыл алган. Беттеш 1:1 тең эсеп менен аяктаган.

Германия чемпионатындагы "Айнтрахт" клубунун оюнчусу Айдин Хрустич жыгылып жаткан жеринен тээп гол киргизди. Кызыктуу учур Бундеслиганын Youtube каналына жарыяланды.

Чемпионаттын 32-турунун алкагында "Айнтрахт" өз үйүндө "Майнц" клубун кабыл алган. Коноктор биринчи бөлүктө эле эсепти ачып, алдыга чыккан. Талаа ээлери беттештин акыркы мүнөттөрүндө эсепти теңеди.

Австралиялык футболчу капталдан чыгарылган топту дарбазаны көздөй тээп, ошол учурда атаандаштын бутуна чалынып жерге кулаган. Топ коргоочуга тийип, кайра өзүнө келген. Жерде кулап жатканына карабай Хрустич топту сол буттап дарбазага багыттаган. Топ асманга көкөлөгөн бойдон голго айланган. Дарбазачы бийик секирип, тосууга аракет кылганына карабай аны тосо алган эмес.

"Майнтс" Бундеслигада калуу аракетинде болсо, "Айнтрахт" Европа кубокторуна ойноо мүмкүнчүлүгүн алууга умтулган.

0
Белгилер:
видео, гол, футбол
Тема боюнча
Футболчу Кайраттын "Каганатка" киргизген голу мыкты деп аныкталды. Видео