Садыр Жапаровдун тарапташтарынын митинги

Милиция митинг учурунда ЖК кызматкерлерине кол көтөргөн аялдарды издеп жатат

239
(жаңыланган 18:26 04.03.2020)
Факт Кылмыш жана жоруктардын бирдиктүү реестрине катталып, сотко чейинки өндүрүш ачылды.

БИШКЕК, 3-мар. — Sputnik. Милиция митинг учурунда Ак үйдүн дарбазасына келип, Жогорку Кеңеште иштеген кызматкерлерге кол көтөргөн аялдарды издеп жатат. Бул тууралуу Бишкек ШИИБдин маалымат кызматынын жетекчиси Улан Жумаков кабарлады.

Кечээ, 2-мартта, митингге чыккан 20-30 чакты аял Ак үйгө барып дарбазасын каккылап, кирүүгө аракет кылган. Андан соң жумуштан чыгып бараткан кызматкерлерди жулкулдатып, кол көтөргөн. Алар депутаттардын жана президенттин чыгышын талап кылган.

Аталган факт Кылмыш жана жоруктардын бирдиктүү реестрине катталып, Жоруктар кодексинин 119-беренеси ("Майда бейбаштык") боюнча сотко чейинки өндүрүш ачылды.

Эске салсак, 2-мартта саат 11:00дөр чамасында Бишкекте Садыр Жапаровду абактан чыгарууну талап кылып 1000ден ашык адам митингге чыккан.
Анда чыгып сүйлөгөндөр саясатчыны бошотуу талабынан сырткары бийликти сындаган пикирлерин айткан. Алардын ичинен 10 кишиден турган топ президент Сооронбай Жээнбековго жолугуу үчүн барып, бирок аппарат кызматкери менен сүйлөшүп кайра келген.
Ал арада чогулган элдин бир тобу кээ бир уюштуруучулардын кебине кулак салбай Ак үйдү көздөй жөнөгөн. Ал жерден милиция менен тирешип калган. Бирок милиция демонстранттарды "Ала-Тоодон" басымы жогору суу, жаш агызуучу газ колдонуп сүрүп чыгарган.

Айрым аялдардын жоругун бул видеодон көрө аласыз.

 

239
Белгилер:
кол, издөө, аял, Митинг
Тема:
Садыр Жапаровдун тарапташтарынын Бишкектеги митинги (25)
Тема боюнча
Экс-депутат Каныбек Осмоналиев УКМКнын тергөө абагына киргизилди
Мэрия Бишкектин борборунда митинг өткөрүүгө тыюу салган чечимге кызыкдар
МИС ААКсы имараты. Архивдик сүрөт

Финпол: Акылбек Жапаровго тиешеси бар ишкана салыктан качты деп айыпталууда

73
(жаңыланган 12:39 30.10.2020)
Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы.

БИШКЕК, 30-окт. — Sputnik. Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады. Бул тууралуу Экономикалык кылмыштарга каршы күрөшүү мамлекеттик кызматынан билдиришти.

Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.

  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Финполдун маалыматына караганда, "МИС" ААКсына эки юридикалык тарап ээлик кылат
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.
    © Фото / пресс-служба ГСБЭП
1 / 3
© Фото / пресс-служба ГСБЭП
Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
"Менчигинде 30га чукул өндүрүш, коммерциялык жана айыл чарба багытындагы кыймылсыз мүлкү бар ишкана милдеттүү төлөмдөрдү төлөбөй жүргөн. Ошондой эле акыркы жылдары ири кирешесине карабай нөлдүк отчетторду тапшырып келген. Мунун кесепетинен мамлекетке 90 миллион сомдук чыгым келген", — деп айтылат билдирүүдө.

Вагондорду араалап салышкан. "Кыргыз темир жолунун" бөлүм башчысы кармалды

Ошондой эле Финансы полициясына тиешелүү органдардан келип түшкөн маалыматтарга караганда, аталган компания 2009-жылы этти тазалоо жана үрөн чыгаруу боюнча заводду реконструкциялоо үчүн Финансы министрлигинин алдындагы Экономиканы өнүктүрүү фонду аркылуу 200 миллион сом өлчөмүндө бюджеттик ссуда алган. Аны 2012-жылы төлөп бүтүшү керек болчу.

Бирок Финполдун маалыматына караганда, каражат башка максаттарга колдонулуп, кутулуу мөөнөтү эки ирет жылдырылып, 2025-жылга калтырылган. Андан кутулуу боюнча пайыздарын кыскартып салуу боюнча жеңилдиктер дагы каралган.

Ошондой эле аталган компания университет, жеке мектеп, дүкөн, дарыкана, кампа жана цехтерге ижарага имарат берери кошумчаланган.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш иликтенип жатат.

Өздүк булактардан билдиришкендей, аталган компанияга EURASIA CAPITAL LIMITED офшордук компаниясы жана ЖК депутаты Акылбек Жапаровдун жубайы Анара Жапарова ээлик кылат.

73
Белгилер:
мыйзам, салык, финансы полициясы, Акылбек Жапаров, Кыргызстан
Тема боюнча
31 млн. сом чыгым. УКМК Ветинспекциянын башчысын кармады
Ниццада куралдуу кол салуу

Ниццадагы трагедия: чиркөөдө мууздалгандар, араб парламентинин чакырыгы

106
(жаңыланган 12:07 30.10.2020)
Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алды.

БИШКЕК, 30-окт. — Sputnik. Франциянын антитеррордук прокуратурасынын башчысы Жан-Франсуа Рикар Ниццада куралдуу кол салуу жасап, үч адамдын өмүрүн алган киши тунистик жаран экендигин билдирди. Бул туурасында РИА Новости жазды.

Буга чейин ЖМКлар анын Францияга октябрдын башында келгенин айтышкан.

Прокуратура башчысы террорчунун жанынан 1999-жылы туулган деген жана анын атына жазылган Италиянын Кызыл Ай уюмунун документин табышканын белгиледи.

"Биздеги маалыматтарга караганда, Лампедуза аралына Италия аркылуу 20-сентябрда кирип, 9-октябрда Парижде болуп калган", — деди  маалымат жыйында.

Учурда тергөө иштери жүрүп жаткандыгы, анын маршруту жана шериктери болгон же болбогондугу такталып жаткандыгы айтылды. Прокурордун маалыматына караганда, террорчу буга чейин шектүү катары алардын көзүнө түшкөн эмес.

Лондондо киши элге бычак менен кол салды. Видео

Ниццадагы кол салуу

Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алган.

Бир катар ЖМКлар кол салган киши экөөнүн башын кесип салганын жазды.

Ницца мэри ал кол салып жатканда "Аллах акбар" деп бир нече ирет кайталап тургандыгын айтып берген. Террорчу жарадар болуп, андан соң кармалган. Полиция аны дарылоо үчүн ооруканага жеткирген.

Франция президенти Эммануэль Макрон бул трагедияны теракт деп атады.

Окуядан кийин террорчулукка каршы пландан кийин Vigipirate операциясы Франциянын бардык аймагы боюнча иштеп баштады.

Лондондо мечиттин жанындагы адамдарды жүк ташуучу унаа тебелеп кетти

Окуя боюнча бир-эки сап менен маалыматтар:

— Чиркөөдөгү өлтүрүүдөн кийин Авиньон аймагында полицияга бычак менен кол салуу катталган, бирок ал теракт деп эсептелген эмес;

— Нотр-Дамда өлгөн үч адамдын бири — чиркөө күзөтчүсү, экинчиси — Бразилиядан келген 44 жаштагы үч балалуу аял, үчүнчүсү 60 жаштагы аял экени айтылды;

— Кол салган кишинин баштыгынан колдоно элек 30 сантиметрлик эки бычак, Куран, мобилдик эки телефон табылган;

— Франциянын премьер-министри Жан Кастекс өкмөттүн жообу катуу жана аеосуз болорун айтты;

— Франциянын да жараны болуп эсептелген теле алып баруучу Владимир Познер катуу чараларды көрүп, Ниццадагы терактыдан кийин Франциядан мигранттарды чыгарып салууну сунуштады;

— Ниццанын имамы Абделькадер Садуни чиркөөгө кол салган кандай гана киши болбосун, ал канкор жана варвар болуп кала берерин айтты;

— Ал арада араб парламенти эл аралык коомчулукту, БУУну Мухаммед пайгамбарды жана мусулмандарды мазактагандарды кылмыш жоопкерчилигине тартуу тартибин киргизүүгө чакырды;

— Ниццадагы окуя боюнча Тунис прокуратурасы да иликтөө баштаган. Ал чын эле Ибрагим бен Мухаммед Салих аль-Исауи аттуу Тунис жараны болуп чыккан. Ал буга чейин Тунистин түндүгүндөгү Кайруан провинциясынын Бу-Хаджла деп аталган шаарында жашап турган

106
Белгилер:
чиркөө, өлүм, теракт, бычактоо, кол салуу, Ницца, Франция
Тема боюнча
Москвадагы теракт: ФСБнын кызматкери каза таап, 5 киши жабыркады
Жарылуудан улам бир мамлекет жарыксыз калды. Теракт болгону айтылууда
Продажа угля. Архивное фото

Көмүр кымбаттап жатабы? Кара алтындын баасына саресеп

0
(жаңыланган 13:59 30.10.2020)
Күн сууктап кыш жакындаганы калк да көмүр алууга камылга көрө баштайт. Күн жылуу кезде кара алтындын баасы арзаныраак болгону менен күн сууктаган сайын ортомчулар бааны көтөрө берери белгилүү.

Sputnik Кыргызстан агенттиги калаадагы айрым көмүр кампаларын кыдырып, республика боюнча көмүрдүн баасын сурап билди.

Ушу тапта Бишкектеги көмүр сатуучу кампаларда Казакстандан келүүчү Каражыра, Шабыркүл көмүрлөрүнүн баасы 4000 сомдон сатылып жатат. Жеткирип берүү үчүн жолдун алыс-жакынына жараша шаар ичинде 500 сомдон 1500 сомго чейин акча сарптайсыз.

Биз шаардагы айрым кампаларды кыдырган убакта Каражыра көмүрүн саткан кээ бир базалар жабык экен. Ошол жерге келген кардар бул көмүр келери менен эле эл дароо алып кетип жатканын кеп кылды.

Ал эми Шабыркүл көмүрүн сатуучу кампанын жумушчусунун айтымында, быйыл жылдагыга караганда Казакстандан көмүр аз ташылууда. Бирок ал мунун себебин түшүндүрө алган жок.

"Кыргыз көмүр" мамлекеттик ишканасынын маалымат кызматынын билдирүүсү боюнча, быйыл жалпы 2 миллион 460 миң тонна көмүр даяр болушу керек. Анын бир миллион 110 миң тоннасы (480 миң тоннасы даяр) калкка пайдаланууга берилсе, бир миллион 110 миң тоннасы (261 миң тоннасы даяр) ЖЭБге жана 240 миң тонна (140 миң тоннасы даяр) көмүр бюджеттик социалдык мекемелерге сарпталат. Ошондой эле республика боюнча жалпы 710 көмүр кампасы иштеп жатат.

Ушу тапта Кара-Кеченин көмүрү Бишкекке эч үзгүлтүксүз ташылып жатат.

"Кара-Кечеден азыр кесек көмүрлөр казылууда. Күнүнө карьерден 3500 тоннадан 5000 тоннага чейин чыгып, 200-300 машинага жүктөлүп турат. Биз карьердеги казуу иштерин онлайн көзөмөлдөп турабыз. Пандемия маалында, андан кийин басып алуулар болгондо дагы ишти токтотпостон көмүр казуу күнү-түнү жүрүп жатты" , — деди аталган ишкананын маалымат катчысы Жийде Зоотбекова.

Кара-Кечеден Бишкекке көмүр ташып иштеген Бактияр Айткул уулунун айтымында, ушу тапта Кара-Кечеде таразалар убагы менен иштебей бир аз кыйынчылыктар жаралууда.

"Кара-Кече көмүр кенинде негизинен өздөрүнүн эле машинасы кирип-чыгып иштеп жатат. Эми таразанын түбүнө келип эки күндөй түнөп калган учурлар да болууда. "Бузулуп калды, свет жок" деген шылтоолорду айтып эле ары-бери басып кетишет. Биздей карапайымдарга кыйын эле. Кезекке турсаң деле кароолдо тургандар өздөрүнүн тааныштарын дароо киргизишет. Биз жумалап жатабыз. Ошонун баарына каражат кетип жатпайбы. Мисалга, тамагынын бир порциясы 200 сом. Жардамчы балдарды да ээрчите барууга туура келгендиктен тамагыбызга эле бир топ акча чыгып кетет. Суукта машинаны жылытуу үчүн улам от алдырганыңа да күйүүчү май сарпталат. Ошого карабай, Бишкекке келгенде көмүрдү 3200-3300 сомго чейин дүңүнөн сатып кетип жатабыз. Ортомчулар каалаган бааны коюп жатат. Эгер кезекте тургандагы чыгымды кошсок, элге эле кыйын болуп калат. Ошол себептен аны баага кошкон жокпуз", — деди Бактияр.

Кара-Кечедеги карьерден чыккан көмүрдүн бир тоннасы 1 330 сомду түзүүдө.

"Жол киресин кошкондо Бишкекте көмүрдүн баасы канчага чыгып жаткандыгын айта албайбыз. "Кыргыз көмүр" ишканасы баа саясатын көзмөлдөй албайт. Кампаларды кыдырып чыгып, быйыл былтыркыга салыштырмалуу көмүр сатып алуучулардын саны көп болуп жатканына күбө болдук. Учурда Кара-Кечеден көмүр эч үзгүлтүксүз ташылууда", — деди Зоотбекова.

Шаар ичинде Кара-Кече көмүрүнүн баасы 3700дөн 4200 сомго чейин болуп жатат. Ал эми бир кабы 180 сомдон 200 сомго чейин сатылууда. Шаар тургундарынын божомолунда, суук түшсө бул баа дагы өсүшү мүмкүн.

Кара алтындын туруктуу баасын бир дагы мамлекеттик орган ишкерлерге бекитип бербейт. Мамлекет тарабынан көзөмөлгө алынбайт. Монополияга каршы жөнгө салуу агенттигинин Жөнгө салынуучу аймактар башкармалыгынын жетекчиси Сагындык Маматоморовдун бизге берген маалыматы боюнча, бааны көзөмөлдөө үчүн Экономика министрлиги өкмөткө атайын токтомдун долбоорун жиберген.

"Эгер ушул токтом кабыл алынып калса, биз көмүрдүн баасын аныктап, жер-жерлерде наркты коюп беребиз. Бүгүнкү күндө баага көзөмөл жок. Бирок керектөөчүлөрдүн укугун коргоо мыйзамынын негизинде көмүр саткандар менен сүйлөшүүлөр жана түшүндүрүү иштери жүргүзүлүп жатат. Саткан жеринде сөзсүз түрдө тараза жана көмүрдүн баасы жазылышы керек. Көмүр кампалары жана ташып келүүчүлөргө да түшүндүрүү иштери жүргүзүлүүдө. Себеби эртең бирдиктүү баа коюлуп калса, бааны көтөрбөө маселесин алдын ала түшүндүрүп жатабыз", — деди Маматоморов.

Алайда талкаланган петроглифтер маданий баалуулуктар тизмесинде жок болуп чыкты

Бишкектеги көмүр сатылган жайлардын даректери:

Ленин району:

  • "Ак-Жол" ЖЧКсы, Мурманск көчөсү, №1а;
  • "Торг-Синтез" ЖЧКсы, Мурманск көчөсү, №59а;
  • Кара-Кече, Мурманск көчөсү,186;
  • "Береке" ЖЧКсы, Мурманск көчөсү, 259;
  • "КЭЧ" ЖЧКсы, Ден Сяопин көчөсү ("Акундун" маңдайы);
  • Гагарин көчөсү, 67;
  • Гагарин көчөсү, 86;
  • Баррикадный туюк көчөсү;
  • Саранск туюк көчөсү;
  • Пушкин көчөсү, 182
  • Алыкулов көчөсү (темир жолдун жанында);

Биринчи май району:

  • Ден Сяопин көчөсү, 451
  • Месарош көчөсү, 100
  • Кайназаров/ Профсоюз көчөлөрүнүн кесилиши;
  • Щербаков көчөсү, 121;

Свердлов району

  • Фере — Орозбеков көчөлөрүнүн кесилишинде;
  • Достоевский көчөсү, 1;
  • Орозбеков — Саадаев көчөлөрүнүн кесилишинде;
  • Келечек жаңы конушу (мектептин жаны);
  • Ак-Бата ж/к (айланма жолдун жаны, контейнерде сатылып жатат);

Октябрь району

  • "Торго Синтез" ЖЧКсы, Төкөлдөш жаңы конушу, "Аламедин" станциясы.
  • Даректер "Кыргыз көмүр" мамлекеттик ишканасынан алынды.

Ал эми түштүк тарапта калк Сүлүктү, Таш-Көмүр, Кызыл-Кыя жана Чоң Алайдан казылып алынган Сары-Могол көмүрүн пайдаланышат.

Ош шаарынын тургуну Жеңиш Жолоев билдиргендей, эл көбүнчө сапаты жакшы Сары-Могол көмүрүн алат.

"Түштүк аймагында көмүр кени көп, бирок жолу алыс болгону үчүн казганга караганда алып келүү бир топ татаал. Ош облусунда Сары-Могол көмүрүнүн тоннасы 5300 сомго туура келген. Азыр суук түшкөнгө байланыштуу 6000 сомго чыгып кетти. Мындан тышкары, сапаты начар көмүрлөр бар. Эл аларды мешти ыштап салат деп анча албайт. Сүлүктүнүн көмүрүн көбүнчө нан жапкандар колдонушат. Кечинде салып койсо чок болуп тура берет. Анын тоннасы азыр 9 миңден 12 миңге чейин жетти. Түштүк аймакта көмүрдүн баасы кымбат болгондуктан көбү электр кубаттуулугу менен отурууга муктаж. Анткени элдин жашоо шарты кыйын болуп турат", — деди Жолоев.

Анын айтымында, Таш-Көмүр көмүрүн көбүнчө Жалал-Абад облусунун тургундары колдонот. Аны Ошко алып келгенде жол киресине бир топ чыгым болгондуктан тоннасы 7000 сомго чыгып кетет.

Ал эми Нарында ушул тапта Кара-Кеченин көмүрүнүн тоннасы 3500-3800 сомдон сатылып жатат. Ак-Тааладагы Турук кени учурда жабык. Көмүр сатуу менен алектенген Улан Кыштообаевдин айтымында, кар жааганда эле Туруктан көмүр ташылбай калат.

"Себеби жол аябай жаман. Былтыркыга салыштырмалуу быйыл Туруктун көмүрү начар чыкты. Ошол себептен учурда Бишкекте дээрлик сатыкта жок",  - деди ал.

Негизинен Турук көмүрүнүн тоннасы 4000 сомдун тегерегинде сатылчу.

0
Белгилер:
баалар, Казакстан, Сүлүктү, Кара-Кече, көмүр