Шаардын көчөсүндө басып жүргөн киши. Архив

ИИМ: былтыртан бери Москвада изделип жаткан КР жараны жанын кыйганы аныкталды

272
(жаңыланган 19:48 07.03.2020)
Ош облусунан барган киши соңку ирет былтыркы жылдын август айында байланышка чыккан. Туугандары аны өз алдынча издеп таба алышкан эмес.

БИШКЕК, 7-мар. — Sputnik. Былтыркы жылдан бери Москвада изделип жаткан Кыргызстандын жараны өзүнүн өмүрүн кыйганы жакында эле белгилүү болгонун ИИМдин маалымат кызматы кабарлады.

ИИМдин Россиядагы өкүлчүлүгүнө декабрдын башында 45 жаштагы аял кайрылып, 43 жаштагы күйөөсүн таап берүүнү өтүнгөн. Ош облусунан барган киши соңку ирет былтыркы жылдын август айында байланышка чыккан.

Ал 2011-жылдан тарта Москванын Бабушкин районунда убактылуу жашап, иштеп келген. Туугандары аны өз алдынча издеп таба алышкан эмес.

ИИМдин өкүлчүлүгү менен москвалык укук коргоо органдары тарабынан шаардын бардык жерлеринде издөө иштери жүргүзүлгөн. Ошондой эле өлүкканалардан окшош белгилери боюнча карашкан.

24-октябрда кыргызстандыктын сөөгү Москва облусунун М-4 "Дон" унаа жолунун 20-чакырымынан табылганы белгилүү болду. Тергөө иштеринин натыйжасында анын өз өмүрүн кыйганы аныкталган. Сөөгү соттук-медициналык экспертиза жүргүзүү үчүн өлүкканага жиберилип, андан кийин мамлекеттин эсебинен жерге беришкен.

5-мартта туугандары иштин материалдары менен таанышышкан. Эркек кишинин сөөгүн жерден каздырып, мекенине жиберүү пландалып жатканы айтылды.

272
Белгилер:
өлүм, издөө, ИИМ, Москва, Кыргызстан
Тема боюнча
Кайрадан маршрутка... Бишкекте кырсыктаган автоунаалардын видеосу
Бишкек: атасы бычактады делген тестиердин абалы айтылды
МИС ААКсы имараты. Архивдик сүрөт

Финпол: Акылбек Жапаровго тиешеси бар ишкана салыктан качты деп айыпталууда

68
(жаңыланган 12:39 30.10.2020)
Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы.

БИШКЕК, 30-окт. — Sputnik. Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады. Бул тууралуу Экономикалык кылмыштарга каршы күрөшүү мамлекеттик кызматынан билдиришти.

Финполдун маалыматына караганда, "МИС" ААКсына эки юридикалык тарап ээлик кылат. Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.

  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Финполдун маалыматына караганда, "МИС" ААКсына эки юридикалык тарап ээлик кылат
    © Фото / пресс-служба ГСБЭП
  • Территория ОАО МИС в Чуйской области, которая подозревается в уклонении от уплаты налогов в особо крупном размере
    Алардын бири — офшордук компания жана жогорку кызматтагы аткаминерлердин биринин жубайы Ж. А. Б. аттуу жаран.
    © Фото / пресс-служба ГСБЭП
1 / 3
© Фото / пресс-служба ГСБЭП
Аламүдүн жана Ысык-Ата райондору боюнча Финансы полициясы ири суммадагы салык төлөөдөн качуу фактысын аныктады.
"Менчигинде 30га чукул өндүрүш, коммерциялык жана айыл чарба багытындагы кыймылсыз мүлкү бар ишкана милдеттүү төлөмдөрдү төлөбөй жүргөн. Ошондой эле акыркы жылдары ири кирешесине карабай нөлдүк отчетторду тапшырып келген. Мунун кесепетинен мамлекетке 90 миллион сомдук чыгым келген", — деп айтылат билдирүүдө.

Вагондорду араалап салышкан. "Кыргыз темир жолунун" бөлүм башчысы кармалды

Ошондой эле Финансы полициясына тиешелүү органдардан келип түшкөн маалыматтарга караганда, аталган компания 2009-жылы этти тазалоо жана үрөн чыгаруу боюнча заводду реконструкциялоо үчүн Финансы министрлигинин алдындагы Экономиканы өнүктүрүү фонду аркылуу 200 миллион сом өлчөмүндө бюджеттик ссуда алган. Аны 2012-жылы төлөп бүтүшү керек болчу.

Бирок Финполдун маалыматына караганда, каражат башка максаттарга колдонулуп, кутулуу мөөнөтү эки ирет жылдырылып, 2025-жылга калтырылган. Андан кутулуу боюнча пайыздарын кыскартып салуу боюнча жеңилдиктер дагы каралган.

Ошондой эле аталган компания университет, жеке мектеп, дүкөн, дарыкана, кампа жана цехтерге ижарага имарат берери кошумчаланган.

Кымырылган 9 млрд. сом: Салык кызматы Финполдун кинеси негизсиз экенин айтты

Учурда иш иликтенип жатат.

Өздүк булактардан билдиришкендей, аталган компанияга EURASIA CAPITAL LIMITED офшордук компаниясы жана ЖК депутаты Акылбек Жапаровдун жубайы Анара Жапарова ээлик кылат.

68
Белгилер:
мыйзам, салык, финансы полициясы, Акылбек Жапаров, Кыргызстан
Тема боюнча
31 млн. сом чыгым. УКМК Ветинспекциянын башчысын кармады
Ниццада куралдуу кол салуу

Ниццадагы трагедия: чиркөөдө мууздалгандар, араб парламентинин чакырыгы

104
(жаңыланган 12:07 30.10.2020)
Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алды.

БИШКЕК, 30-окт. — Sputnik. Франциянын антитеррордук прокуратурасынын башчысы Жан-Франсуа Рикар Ниццада куралдуу кол салуу жасап, үч адамдын өмүрүн алган киши тунистик жаран экендигин билдирди. Бул туурасында РИА Новости жазды.

Буга чейин ЖМКлар анын Францияга октябрдын башында келгенин айтышкан.

Прокуратура башчысы террорчунун жанынан 1999-жылы туулган деген жана анын атына жазылган Италиянын Кызыл Ай уюмунун документин табышканын белгиледи.

"Биздеги маалыматтарга караганда, Лампедуза аралына Италия аркылуу 20-сентябрда кирип, 9-октябрда Парижде болуп калган", — деди  маалымат жыйында.

Учурда тергөө иштери жүрүп жаткандыгы, анын маршруту жана шериктери болгон же болбогондугу такталып жаткандыгы айтылды. Прокурордун маалыматына караганда, террорчу буга чейин шектүү катары алардын көзүнө түшкөн эмес.

Лондондо киши элге бычак менен кол салды. Видео

Ниццадагы кол салуу

Бейшемби күнү эртең менен эркек киши Ниццадагы Нотр-Дам чиркөөсүнө сыйынуу үчүн келгендерге кол салып, бычактап кеткен. Үч адам өлүп, бир нече киши жаракат алган.

Бир катар ЖМКлар кол салган киши экөөнүн башын кесип салганын жазды.

Ницца мэри ал кол салып жатканда "Аллах акбар" деп бир нече ирет кайталап тургандыгын айтып берген. Террорчу жарадар болуп, андан соң кармалган. Полиция аны дарылоо үчүн ооруканага жеткирген.

Франция президенти Эммануэль Макрон бул трагедияны теракт деп атады.

Окуядан кийин террорчулукка каршы пландан кийин Vigipirate операциясы Франциянын бардык аймагы боюнча иштеп баштады.

Лондондо мечиттин жанындагы адамдарды жүк ташуучу унаа тебелеп кетти

Окуя боюнча бир-эки сап менен маалыматтар:

— Чиркөөдөгү өлтүрүүдөн кийин Авиньон аймагында полицияга бычак менен кол салуу катталган, бирок ал теракт деп эсептелген эмес;

— Нотр-Дамда өлгөн үч адамдын бири — чиркөө күзөтчүсү, экинчиси — Бразилиядан келген 44 жаштагы үч балалуу аял, үчүнчүсү 60 жаштагы аял экени айтылды;

— Кол салган кишинин баштыгынан колдоно элек 30 сантиметрлик эки бычак, Куран, мобилдик эки телефон табылган;

— Франциянын премьер-министри Жан Кастекс өкмөттүн жообу катуу жана аеосуз болорун айтты;

— Франциянын да жараны болуп эсептелген теле алып баруучу Владимир Познер катуу чараларды көрүп, Ниццадагы терактыдан кийин Франциядан мигранттарды чыгарып салууну сунуштады;

— Ниццанын имамы Абделькадер Садуни чиркөөгө кол салган кандай гана киши болбосун, ал канкор жана варвар болуп кала берерин айтты;

— Ал арада араб парламенти эл аралык коомчулукту, БУУну Мухаммед пайгамбарды жана мусулмандарды мазактагандарды кылмыш жоопкерчилигине тартуу тартибин киргизүүгө чакырды;

— Ниццадагы окуя боюнча Тунис прокуратурасы да иликтөө баштаган. Ал чын эле Ибрагим бен Мухаммед Салих аль-Исауи аттуу Тунис жараны болуп чыккан. Ал буга чейин Тунистин түндүгүндөгү Кайруан провинциясынын Бу-Хаджла деп аталган шаарында жашап турган

104
Белгилер:
чиркөө, өлүм, теракт, бычактоо, кол салуу, Ницца, Франция
Тема боюнча
Москвадагы теракт: ФСБнын кызматкери каза таап, 5 киши жабыркады
Жарылуудан улам бир мамлекет жарыксыз калды. Теракт болгону айтылууда
Биринчи-вице-премьер Артем Новиков Sputnik агенттигинин мультимедиалык маалымат борборунда

Артем Новиков Садыр Жапаровдон кийин президенттин милдетин аткарабы? Өзүнүн жообу

0
(жаңыланган 13:53 30.10.2020)
Первый вице-премьер-министр КР Артем Новиков ответил на вопрос журналистов, займет ли он пост исполняющего обязанности президента после Садыра Жапарова.

БИШКЕК, 30-окт. — Sputnik. Биринчи вице-премьер Артем Новиков президенттин милдетин аткаруучулук боюнча өз пикирин айтты. Бул тууралуу Sputnik агенттигинин мультимедиалык маалымат борборунда өтүп жаткан "Артем Новиковдун биринчи вице-премьер кызматындагы пландары" аттуу онлайн-брифинг учурунда сөз болду.

"Бул боюнча юристтердин жана серепчилердин ар кандай пикирлери бар. Ачыгын айтсам, менде президенттин милдетин аткаруучулукка чейин барууга саясий амбициям жок. Учурда менин алдымда финансы-экономикалык тармакта бир топ тапшырмалар турат", — деди Новиков.

Жапаров президенттиктен кетсе өлкө башчынын милдетин ким аткарат

Эске салсак, өткөн аптада президенттин милдетин аткаруучу, премьер-министр Садыр Жапаров кийинки жылдын башында өтчү президенттик шайлоого талапкер катары катыша турганын билдирген. Анын милдетин андан ары ким аткарат, азырынча белгисиз. Ал эми премьердин биринчи орун басары болуп Артем Новиков иштеп жатат.

 

0
Белгилер:
саясат, экономика, президент, Артем Новиков, Кыргызстан
Тема боюнча
Жапаров: Кыргызстанда бир гана тармак жабыркаган жок
Жапаров менен өкмөттүн 19 мүчөсү бир мүнөттө ант берсе кандай болмок. Видео