Карачи шаарында бет кап кийген Пакистан полиция кызматкерлери. Архивдик сүрөт

Пакистандагы кыргызстандыктан коронавирус аныкталды. Ал дааватта жүргөн

3409
(жаңыланган 13:02 23.03.2020)
Covid-19 вирусун жуктуруп алган мекендеш 57 жаштагы эркек киши. Ал төрт мекендеши менен Пакистанга дааватка барган.

БИШКЕК, 23-мар. — Sputnik. Пакистанда жүргөн кыргызстандык жарандан коронавирус аныкталды. Бул тууралуу КР ТИМ маалымат кызматы билдирди.

Билдирмеге ылайык, Covid-19 вирусун жуктуруп алган мекендеш 57 жаштагы эркек киши.

"Алдын ала маалыматтар боюнча, вирусту жуктуруп алган адам дагы төрт киши менен Пакистанга дааватка барышкан. Жанындагы мекендештеринин экөө 60 жашта, бири 42 жана 24 жаштагы кыргызстандыктар. Бул жарандар консулдук каттоого турган эмес. Пакистандагы Кыргызстандын элчилигине жардам сурап да кайрылышкан эмес. Азыркы тапта ооруну жуктуруп алган жаран Пакистандагы PIMS (Pakistan Institute of Medical Sciences) ооруканасына жаткырылды. Жанындагы калган төртөө карантинге алынды", — деп жазылат маалыматта.

Кыргызстандын Пакистандагы элчилиги Исламабад шаарынын администрациясы жана укук коргоо органдары менен дайыма байланышта экени айтылды.

3409
Белгилер:
Кыргызстан, оорукана, даават, коронавирус, Пакистан
Тема:
Кыргызстандагы коронавирус жуктуруп алгандар (421)
Тема боюнча
ТИМ: Египет менен Таиланддан 137 турист кайтып, карантинге киргизилди
Пакистанда кыргызстандык коронавирус жуктурганы айтылып, ТИМ текшерүүдө
Кыргыз элчилиги бир айда 17 600 тест-система берген Россияга ыраазычылык билдирди