Пакистандагы коронавируска байланыштуу абал. Архивдик сүрөт

Нарында коронавирус жукканы аныкталган киши Пакистандан келип, Бишкекте 4 күн болгон

7677
(жаңыланган 16:42 30.03.2020)
Вирус жуктурган 61 жаштагы киши Бишкекте төрт күн жүргөн. Кийин Нарынга жети киши менен бир таксиде кеткен. Ал 100дөн ашык адам менен байланышкан.

БИШКЕК, 29-мар. — Sputnik. Бүгүн, 29-мартта, Нарын облусунда алгачкы жолу коронавирус жуктуруп алган бир факт катталды. Бул туурасында өкмөттүн Нарын облусу боюнча өкүлчүлүгүнүн маалымат кызматынан кабарлашты.

Жалпы жонунан 26 адамдан COVID-19 табылып, Кыргызстан боюнча вируска кабылгандардын саны 84кө жетти

Пустая улица в Нарыне из-за коронавируса
© Фото / © Sputnik
Нарын шаары

Маалыматка караганда, Нарын шаарынын тургуну 61 жашта. Ал 2019-жылдын 15-ноябрында Пакистанга дааватка кеткен. Ал эми 2020-жылдын 15-мартында Лахор – Ташкент  – Бишкек рейси менен саат 10.00дө “Манас” аэропортуна учкан. Ташкенттен Бишкекти көздөй уча турган рейсти 5-6 саат күтүшкөн.

“Манас” аэропортунан үйдөн чыкпай отуруу, эч ким менен байланышпоо, дене табы көтөрүлсө Тез жардамга кайрылуу боюнча түшүндүрүү иштери жүргүзүлгөн. Бирок бул адам Бишкек шаарындагы уулунун үйүндө төрт күн жүргөн. 19-март күнү Бишкек шаарынан Нарынга жети киши менен чогуу бир таксиде келген. 22-март күнү 18.30дар чамасында Нарын облустук бириктирилген ооруканасына обсервацияга жаткырылып, анализ алынган. 28-мартта вирус бар экени аныкталды. Азыркы учурда изоляцияда. Абалы канааттандырарлык. Эч кандай даттануусу жок”, - дешти облустук штабдан.

Учурда аны менен байланышта болгон адамдардын баары көзөмөлдө. Биринчи категориядагы контакт болгон 16 адамдан анализ алынып, үй-бүлө мүчөлөрү обсервацияга жаткырылды.

Экинчи категориядагы байланыш болгон 117 адамга үйүнөн чыкпоо боюнча түшүндүрүү иштери жүргүзүлду. Жашаган көчөсүнө пост коюлду. Эгер биринчи категориядагы 16 адамдан вирус табылса, экинчи категориядагы адамдардан да анализ алынат.

Коронавирус Кыргызстанда

Кыргызстан жана Кытайдын желектери. Архивное фото
© Пресс-служба президента КР / Султан Досалиев
29-март күнү Кыргызстанда дагы 26 адам COVID-19 инфекциясын жуктурганы аныкталды. Ушуну менен өлкөдө коронавируска кабылгандардын саны 84кө жетти. Алардын басымдуу бөлүгү Ош жана Жалал-Абад облустарында.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна өзгөчө абал киргизилип, кечки саат 20:00дөн кийин көчөгө чыгууга тыюу салынган. Мындай режим 15-апрелге чейин уланат.

Ушу тапта өлкө ичинде абал кандай болуп жатканын Sputnik жүргүзгөн тексттик баяндамадан билүүгө болот.

7677
Белгилер:
коронавирус, Нарын, Кыргызстан
Тема:
Кыргызстандагы коронавирус жуктуруп алгандар (1088)
Тема боюнча
Кытай бийлиги коронавирус эпидемиясын токтоткондугун жар салды
Москвада калган 400дөй кыргызстандык Бишкекке алып келинди. Видео
Ооруканада жаткан бейтап. Архивдик сүрөт

Бир күндө пневмониядан 44 адам каза болуп, жалпы саны 268ге жетти

769
(жаңыланган 10:25 08.07.2020)
Ушуну менен март айынан бери өпкөнү сезгенткен оорудан каза болгондордун жалпы саны 268 адамга жетти.

БИШКЕК, 8-июл. — Sputnik. Өлкө аймагында кечээтен бери 44 бейтап пневмония оорусунан улам каза тапты. Бул туурасында Коомдук саламаттык сактоо башкармалыгынын башчысы Айнура Акматова брифинг учурунда билдирди.

Анын ичинен 30 адам Бишкекте, 14 киши өлкөнүн башка аймактарынан катталган. Ушуну менен март айынан бери жалпы каза болгондордун саны 268 адамга жетти.

Коронавирус бир суткада 13 адамдын өмүрүн алды

Жалпы жонунан 3 695 бейтап пневмония менен ооруканага кайрылган. Бүгүнкү күндө 1 907 адам айыгып чыкты.

Өлкө аймагындагы соңку кабарлар менен биздин Telegram-каналдан таанышып туруңуз.

769
Белгилер:
Бишкек, оорукана, өлүм, Кыргызстан, кыргызстандыктар, пневмония
Тема:
Кыргызстандыктарды кыйнаган пневмония
Тема боюнча
Коронавирус бир суткада 13 адамдын өмүрүн алды
Өлкөдө бир суткада 345 адам COVID жугузуп алганы аныкталды
Каза болгон бейтап. Архивдик сүрөт

Коронавирус бир суткада 13 адамдын өмүрүн алды

424
(жаңыланган 10:27 08.07.2020)
Коронавирус жуктуруп алып каза болгондордун саны 112ге жетти. Ал эми пневмониядан көз жумгандар өзүнчө эсептелүүдө.

БИШКЕК, 8-июл. — Sputnik. Кыргызстанда акыркы суткада коронавирус 13 адамдын өмүрүн алды. Бул тууралуу Коомдук саламаттык сактоо башкармалыгынын жетекчиси Айнура Акматова брифинг учурунда билдирди.

Анын айтымында, каза болгондордун тогузу эркек, төртөө аял киши.

"Бишкекте Кыргыз-түрк "Достук" ооруканасынан 67 жаштагы эркек киши, № 6 шаардык клиникалык ооруканасынан 52 жаштагы эркек киши жана Республикалык инфекциялык клиникалык ооруканасынан 69, 55, 70 жаштардагы үч эркек көз жумган. Ал эми Ош шаардык клиникалык ооруканасынан 52 жаштагы киши, Жалал-Абад облустук ооруканасынан 53 жаштагы бейтап да коронавирус менен алышып үзүлгөн. Ат-Башы аймактык ооруканасынан 64 жаштагы эркек киши жана 55 жаштагы аял каза болсо, Жайыл аймактык ооруканасынан үч адам көз жумган. Алардын бирөө 63 жаштагы эркек, экөө 59 жана 70 жаштагы аялдар. Москва аймактык ооруканасынан да 49 жаштагы бир аял каза тапкан", — деди Акматова.

Ушуну менен коронавирус жуктуруп алып каза тапкандардын саны 112ге жетти.

424
Белгилер:
КР Саламаттык сактоо министрлиги, брифинг, бейтап, өлүм, Кыргызстан, коронавирус
Тема:
Кыргызстандагы коронавирус жуктуруп алгандар (1088)
Укук коргоо органдарынын кызматкерлери текшерүү пунктунда турушат. Архив

Баткен карантин режимин күчөтүп облуска кирип-чыгууга тыюу салды. Тизме

0
(жаңыланган 19:39 08.07.2020)
Жаңы эрежелерге ылайык облустар аралык жүргүнчү ташыган автобустар жана таксилердин иши токтотулат.

БИШКЕК, 8-июл. — Sputnik. Баткен облустук штабында акыркы кырдаал талкууланып, коронавирустун жайылып кетүүсүнө жол бербөө максатында дагы бир катар чектөөлөр кабыл алынды. Бул туурасында Республикалык штаб билдирди.

Ага ылайык, облус өз алдынча обочолонуп, жарандардын кирип-чугуусуна толугу менен тыюу салынды.

Чектөөлөрдүн тизмеси:

  • 10-июлдан тарта Баткен облусу менен Бишкек, Ош шаарларынын жана башка облустарынын ортосундагы коомдук транспорт жана жеке такси кызматтары токтотулат;
  • Санитардык карантиндик посттордун иши күчөтүлөт. Жарандардын негизсиз башка аймактарга чыгуусуна жол берилбейт;
  • Азык-түлүк, тамак-аш, курулуш материалдарын ташыган оор жүк ташуучу унааларга гана облуска кирүүгө уруксат берилет. Жүктүн мыйзамдуулугун салык кызматы көзөмөлгө алат. Ошол эле учурда бул унаалар жүргүнчү ташыбашы керек;

Ферганадан Баткенге гуманитардык жардам келди

  • Жаратылышка эс алууга чыгууга тыюу салынат;
  • Той-мааракелерди өткөрбөө боюнча кабыл алынган чектөөлөргө баш ийбегендерге катуу чара көрүлөт;
  • Дары-дармек, тамак-аш азыктарынын баасын кымбаттаткан тараптарга катуу чара көрүлөт;
  • Өлкөнүн башка аймактарына дарыланууга барчу жарандар дарыгердин жолдомосу менен облустан чыга алат;
  • Облустун аймагындагы мал базарлар бир жумада бир күн гана иштөөсү белгиленет.
0
Белгилер:
токтотуу, такси, тыюу салуу, чектөө, Баткен
Тема:
Коронавируска байланыштуу Кыргызстандагы кырдаал
Тема боюнча
Ошто мечиттер жабылып, базарлар бир жумада эки күн тазаланат. Жаңы эрежелер
Жалал-Абад мэриясы жума намазга, той-аштарга чектөө киргизди