Автоунаадагы адамдарды блокпостто дене-табынын температурасын текшерүү. Архивдик сүрөт

Кыргызстанда коронавирус жуктурган 144 учур катталды. Алар кайсы аймактарда?

1152
(жаңыланган 17:07 04.04.2020)
COVID-19 Кыргызстандын дээрлик бардык облустарынан табылды. Учурда бир гана Талас дубанында ооруну жугузгандар жок.

БИШКЕК, 4-апр. – Sputnik. Коронавируска чалдыккан адамдардын эң көбү учурда Жалал-Абад облусунда (67 киши) болууда. Бул тууралуу Республикалык штабдын маалыматында айтылат.

Бүгүн, 4-апрелге карата, COVID-19га чалдыккандардын саны 144 кишиге жетти.

Алардын кайсы аймакта экендигин төмөнкү тизмеден көрүүгө болот:

  • Бишкек шаарында – 15 киши
  • Ош шаарында – 12 киши
  • Ош облусунда – 35 киши
  • Баткен облусунда – 3 киши
  • Жалал-Абад облусунда – 67 киши
  • Чуй облусунда – 6 киши
  • Ысык-Көл облусунда – 2 киши
  • Нарын облусунда – 4 киши

COVID-19 Кыргызстандын дээрлик бардык облустарынан табылды. Учурда бир гана Талас дубанында ооруну жугузгандар жок.

Коронавирустун кесепети

Кыргызстанда 144 адам коронавирус жуктурганы аныкталды. Тилекке каршы, вируска кабылган Ноокат районунун 61 жаштагы тургуну 2-апрелде көз жумду.

Андан сырткары, 9 медицина кызматкеринин COVID-19 жуктуруп алганы маалым болду.

Бишкек, Ош, Жалал-Абад шаарлары менен Сузак, Кара-Суу, Ноокат райондоруна 25-марттан 15-апрелге чейин өзгөчө абал киргизилген. Бул аймактарда саат 20:00дөн 7.00гө чейин көчөгө чыгууга тыюу салынган.

Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик баяндамадан билүүгө болот.

1152
Белгилер:
өзгөчө кырдаал, дарыгер, жугузуу, оору, коронавирус, Кыргызстан
Тема:
Кыргызстандагы коронавирус жуктуруп алгандар (1455)
Тема боюнча
Кыргызстанда 9 дарыгер коронавирус жуктуруп алды
Коменданттык саатты 159 киши бузуп, бир нече автоунаа айып короого токтотулду
Жасалма дем алып жатат. Реанимацияда жаткандардын абалы айтылды
Кыргызстанда дагы 14 адамдан вирус табылып, бейтаптардын саны 144кө жетти
Коронавирустан каза болгон бейтап. Архивдик сүрөт

COVID-19: өткөн суткада Бишкек менен Ошто бирден киши көз жумду

33
(жаңыланган 09:59 02.12.2020)
Каза болгон эки жарандын бири Бишкек шаарынын, экинчиси Ош облусунун тургуну болгон. Ушуну менен көз жумгандардын жалпы саны 1 277ге жетти.

БИШКЕК, 2-дек. — Sputnik. Өткөн суткада коронавирустан эки адам каза тапты. Бул тууралуу Республикалык штаб маалымдады.

Билдирүүгө ылайык, көз жумгандардын бири Бишкек шаарынын, экинчиси Ош облусунун тургуну болгон.

Ушуну менен көз жумгандардын жалпы саны 1 277ге жетти.

Азыркы тапта ооруканада 2 651 бейтап дарыланып жатат. Анын ичинен 119 бейтаптын абалы өтө оор деп бааланууда.

Ооруканада жаткандар:

  • 27 — канааттандырарлык абалда;
  • 1 794 — орто оор;
  • 711 — оор;
  • 119 — өтө оор абалда.

Ал эми 3 600 бейтаптын медициналык жардамды үйлөрүнөн алып жатканы маалым болду.

33
Белгилер:
статистика, өлүм, коронавирус, Кыргызстан
Тема боюнча
Чүй менен Бишкекте азайбай койду. Коронавирус боюнча соңку маалымат
Биолог: коронавирустун жеңил формасынын да кесепети оор болот

Өзбекстандагы футболдук беттеш массалык мушташ менен аяктады. Видео

145
(жаңыланган 09:54 02.12.2020)
Беттеш бүткөндөн кийин жеңилген команданын футболчусу калысты бир тепкен. Бул чыр заматта ырбап, мушташка көрүүчүлөр да кошулуп кеткени айтылды.

Өзбекстандын экинчи дивизионундагы ферганалык "Нефтчи" жана жайсаңдык "Турон" командаларынын футболдук беттеши массалык мушташ менен коштолду. Бул тууралуу Р-Спорт жазды.

Беттеште "Турон" 1:0 эсебинде утуп, өлкөнүн жогорку лигасына жолдомо алган. Оюндун соңунда жеңилген "Нефтчи" командасынын бир футболчусу белгисиз себептерден улам калысты көкүрөккө тепкен. Бул чыр заматта ырбап, көрүүчүлөр да оюн талаасына чыгып, мушташ массалык түргө айланган.

Бул окуя боюнча "Нефтчи" командасы да, Өзбекстандын футбол ассоциациясы да азырынча эч кандай билдирүү тарата электиги белгиленет.

145
Белгилер:
мушташ, футбол, Өзбекстан
Тема боюнча
Көтөрүп чапты. Валерий Кичиндин оюн учурунда мушташа кеткен видеосу
Тепкен тобу улам дарбазанын кырына тийип... Айласы кеткен футболчунун видеосу
Депутаты и чиновники на заседании Жогорку Кенеша

ЖК өкүлү: референдум өтпөсө депутаттар мөөнөтүн дагы 6 айга узарта алат

0
Учурда Жогорку соттун Конституциялык палатасы парламенттин мөөнөтүнүн узартылышынын мыйзамдуулугу боюнча кайрылууну карап жатат.

БИШКЕК, 2-дек. — Sputnik. Эгер Конституциялык реформа кийинки жылдын июнь айына чейин бүтпөсө, Жогорку Кеңештин депутаттары мөөнөтүн дагы алты айга узарта алат. Бул туурасында Конституциялык палатанын отурумунда ЖКнын өкүлү Камила Бейшенбек кызы билдирди.

Учурда Жогорку соттун Конституциялык палатасы парламенттин мөөнөтүнүн узартылышынын мыйзамдуулугу боюнча кайрылууну карап жатат.

ЖКнын өкүлү парламенттик шайлоонун мөөнөтү өлкөдөгү кырдаалды турукташтыруу, эпидемиологиялык абалды эске алуу жана бюджеттин дефицитинен улам жылдырылганын билдирди. Ошондой эле ал Конституциялык реформа жүргүзүп анан парламенттик шайлоо өткөрүүнүн талап кылынышы себеп болгонун айтты.

Анда даттануучулардын бири Нурбек Касымбеков: "Эгер Конституциялык реформа 2021-жылдын июнь айына чейин бүтпөсө, ЖК мөөнөтүн дагы алты айга узартып алышы мүмкүнбү?" - деп сурады. Ага Бейшенбек кызы "ооба, мөөнөтүн дагы узартып алса болот" деп жооп берди.

Эске салсак, 21-октябрда Борбордук шайлоо комиссиясы жаңы парламенттик шайлоо мөөнөтүн 20-декабрга дайындаган. Бирок эртеси эле Жогорку Кеңеш өзүнчө мыйзам кабыл алган. Ага ылайык, шайлоо күнү конституциялык реформадан кийин, бирок 2021-жылдын 1-июнунан кеч эмес мөөнөткө белгиленген. Ал мыйзамга ошол убактагы президенттин милдетин аткаруучу Садыр Жапаров кол койгон. БШК өз мөөнөтүндө өткөрүү талабы менен Жогорку сотко чейин даттанып, утулуп калган болчу.

0
Белгилер:
өкүл, узартуу, мөөнөт, Жогорку Кеңеш