Балта. Архив

Балта менен коркутуп аялыма арак алдырайын дегем... Марттагы соттук өкүмдөр

534
(жаңыланган 22:15 11.04.2020)
Узап кеткен айдын акыркы жумасында өлкө аймагындагы бир катар соттор өз ишмердүүлүгүн убактылуу токтотту. Бирок алар өткөн айда бир топ чуулуу иштерди карап чыгып, айыпкерлерди жоопкерчиликке тарткан.

Sputnik Кыргызстан маалымат агенттиги фемида өкүлдөрүнүн март айында чыгарган айрым өкүмдөрүн сунуштайт.

Өзбекстанга качкан кылмышкер

Айыпталуучу буга чейин жасаган кылмышынын негизинде түрмөдө жазасын өтөп жүрүп, 2010-жылы ал жактан качып чыгып Өзбекстанга кетип калган. Бул боюнча кылмыш иши козголуп, издөө иштери натыйжа бербей, тергөө убактылуу токтотулган. Бирок он жылдан кийин, 2020-жылы, милиция кызматкерлеринин колуна түшүп сот жоопкерчилигине тартылган. Фемида өкүлдөрү мурда бир нече жолу соттолгон эркекти эки жарым жылга темир тор артында калтырды.

Койнундагы аялына кол салган мыкаачы

52 жаштагы эркек көптөн бери чогуу жашап келген 43 жаштагы жубайын түндө балта менен башка койгулап өлтүргөн. Каргаша Чүй облусундагы айылдардын биринде болгон.

Сот отурумунда айыпталуучу кылганын толугу менен мойнуна алган.

"Аялымдын көзүн тазалайын деп базардан атайын балта сатып келип, аны сарайга катып койгом. Эки жылдан бери башымды оорутту, телевизор көрсөм өчүрүп жиниме тие берчү. Окуя болгон күнү сыналгы көрүп атайын уктабай отургам. Түндө балам менен келинчегимдин укташын күтүп, таңкы саат 4төр чамасында төшөктө жатканда башка үч-төрт жолу балта менен чаап жибергем. Эртең менен балам ойгонгондо кошунаныкына таштап кеткем. Кылган кылмышыма эч өкүнбөйм, мен аны мурун эле өлтүрөйүн деп жүргөм", — деп көрсөтмө берген ал.

Соттук-медициналык экспертиза келиндин мээси менен баш сөөгү катуу жабыркап каза болгондугун аныктаган. Мыкаачы эркек 14 жылга кесилип кетти.

КР жаранына айланган тажикстандык чекист

Тажикстандын 56 жаштагы жараны Кыргызстанга келип жумушка орношуп, Ысык-Көл облусунда жашай баштаган. Ал коңшу өлкөнүн жараны болуп туруп, жергиликтүү мамлекеттик органдарга союз учурундагы паспортун көргөзүп, алдап КРдин паспортун, айдоочулук күбөлүгүн алып, унаасы менен жүргүнчүлөрдү ташып иштеген. Тажикстандын улуттук коопсуздук комитетинин мурдагы кызматкеринин үйүн укук коргоо кызматкерлери тинтүүгө алып, чет элдик документтерди таап чыккан. Сот ишти карап чыгып айыпталуучуну сегиз жылга эркинен ажыратып, жаза мөөнөтү аяктагандан кийин аны өлкө аймагынан чыгарып салуу чечимин кабыл алды.

Арак үчүн аялын өлтүрүүгө аракет кылган

Айыпталуучу таң эрте төшөктө уктап жаткан келинчегин бетке, башка балта менен бир нече жолу урган. Ызы-чуу, ачуу кыйкырыктан ойгонгон он жаштагы небереси чоң атасынын колунан балтаны алып ыргытып жиберген. Ал эми кожойке кошунасынын автоунаасы менен тез арада ооруканага жеткирилип аман калган.

Сот отурумунда мурда эркинен ажыратылган эркек кылганын жарым-жартылай мойнуна алып, жеңил жаза берүүсүн суранган.

"Ал күнү аялыма арак алып бер деп чатак салгам. Кээде мас болгондо эмне кылып жатканымды билбей калам. Мен аялымды балта менен коркутсам, арак сатып келет деп ойлогом. Бирок колуман ал балта түшүп кетип бетине тийген. Жубайымды өлтүрүү оюмда жок болчу. Мага жеңил жаза берүүңүздү суранам", — деп айткан ал.

Ал эми жабырлануучу жолдошунун эки айдан бери арак ичпей тура албай калгандыгын жана ага доосу жок экендигин айткан.

Үй ээси 11 жыл үч айга эркинен ажыратылды.

Беш адамдын өмүрүн алган кырсык

Мас аял жолдошунун автоунаасы менен Ысык-Көлгө баратып, жолдун каршы тилкесинде келе жаткан жеңил унааны сүзгөн. Кырсык болгон жерден төрт адам жана бир ымыркай көз жумган. Ал эми жолтанбасты башкарган аял аман калган. Сот келинди тогуз жылга кесип, 90 миң сом айып салып, үч жыл бою автоунаа айдоого тыюу салды.

534
Белгилер:
өкүм, сот, айыпталуучу, кылмыш, Кыргызстан
Тема боюнча
Эки жыл башымды оорутту... Аялын өлтүргөн мыкаачы күйөөгө өкүм чыкты
Бишкек менен аймактагы бир катар соттор ишин токтотот
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

302
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

302
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

99
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

99
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Кыргызстан футбол курамасы. Архивдик сүрөт

Дүйнө чемпионатына жолдомо: КР футболчуларынын оюнга чыкчу күндөрү айтылды

18
Мурдагы график боюнча Кыргызстан командасынын тандап алуу турлары марттан июнь айына чейин өтүшү керек эле, бирок коронавирус пандемиясынан улам жылдырылган.

БИШКЕК, 7-июн. — Sputnik. Кыргызстан футбол союзу 2022-жылкы Дүйнө чемпионатына тандап алуу оюндардын боюнча болжолдуу датасын жарыялады.

Улуттук курама команда өткөн жылы Тажикстан, Мьянма, Монголия, Япония өлкөлөрүнүн футболчулары менен төрт жолу беттешкен. Ал эми экинчи айлампада 2019-жылы ноябрь айында Тажикстан менен ойногон. Калган таймаштар март-июнь айларына белгиленген болчу. Бирок коронавирус пандемиясынан улам мелдештер жылган.

Мындан улам оюндарды күздө өткөрүү пландалууда.

  • Мьянма — Кыргызстан (конокто) — 13-октябрь;
  • Кыргызстан — Монголия (өз үйүндө) — 12-ноябрь;
  • Япония — Кыргызстан (конокто) — 17-ноябрь.

Учурда F тайпасында Кыргызстан экинчи орунда турат.

18
Белгилер:
график, дүйнө чемпионаты, дүйнө, оюн, футбол, Кыргызстан
Тема боюнча
Франциялык футболчу дүйнө чемпионатында алган алтын медалын сатып жиберди
Кирешеси 1 млрд. долларга жете турган биринчи футболчунун ысымы аталды