Бычак крамаган адам. Архив

Милиция: Аксы районунда бычакталган келин каза болду, ага кайниси шектелүүдө

987
(жаңыланган 00:58 19.04.2020)
Бычак жеген келин ооруканага жетпей каза тапкан. Милиция шектелген жаранды айылдан чыгарбай кармаган.

БИШКЕК, 18-апр. — Sputnik. Аксы районунда бычакталып 35 жаштагы келин каза болду. Бул тууралуу облустук милициянын маалымат катчысы Нурдин Жээнтаев Sputnik Кыргызстан агенттигине билдирди.

Маалыматка ылайык, окуя бүгүн, 18-апрелде, катталган.

"Кербен шаарынын 35 жаштагы тургунун өз үйүндө бир тууган кайниси ич тарапка бычак сайган деп шектелүүдө. Ал окуя болгон жерден качып кеткен. Ал эми жабырлануучу ооруканага жетпей каза болгон. 30 жаштагы шектүү жигит окуя болгон айылдан качууга аракет кылып жаткан учурда ыкчам иш-аракеттердин негизинде колго түшүрүлгөн", - деп айтылат маалыматта.

Бул факты Кылмыш жана жоруктардын бирдиктүү реестрине катталып, Жазык кодексинин 138-беренесинин ("Ден соолукка оор зыян келтирүү") негизинде сотко чейинки өндүрүш иши ачылган. Милициядан учурда тергөө иштери жүрүп жатканын, окуянын эмнеден келип чыкканын кийинчерээк маалымдай турганын айтышты.

987
Белгилер:
өлүм, кылмыш, келин, бычактоо, Аксы, Жалал-Абад облусу
Тема боюнча
Алтыбаева: балдар, аялдар кордоло берсе өлүм жазасын киргизүү зарыл
Акчанын айынан... Кочкордо дагы бир келин күйөөсүнүн токмогунан көз жумду
Муштум. Архив

Москва: элчилик сабалган кыргызстандык боюнча ИИББге кайрылды

117
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

117
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Наручники на военной форме. Архивное фото

Алай: постто турган кайгуулчуну сүзүп из сууткан чек арачы кармалды

146
(жаңыланган 11:38 29.05.2020)
Чек арачынын автоунаасы 27-майга караган түнү саат 3:00дөр чамасында Гүлчө айылынын борбордук базарынын алдынан табылган. Өзү эртеси кармалып, убактылуу кармоочу жайга 48 саатка камалган.

ОШ, 29-май — Sputnik. Ош облусунун Алай районундагы Таш-Короо айылында жайгашкан санитардык-карантиндик постто турган ЖКККББ өкүлүн чек ара кызматкери сүзүп, из суутуп кеткен. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, окуя 26-майда түнкү саат 22:00дөр чамасында Ош — Сары-Таш — Эркеч-Там жолунда болгон.

"Чек ара кызматынын жоокери BMW үлгүсүндөгү унаасы менен санитардык-карантиндик постко келген учурда ЖКККББ өкүлү токтотуп, текшерген. Ошол учурда ортолорунда пикир келишпестик жаралып, чек ара кызматкери жол тескөөчүнү сөгүп, унаасы менен сүзүп, буттарын тебелетип окуя болгон жерден качып кеткен",— деди Аширбаев.

Чек арачынын автоунаасы 27-майга караган түнү саат 3:00дөр чамасында Гүлчө айылынын борбордук базарынын алдынан табылган. 28-май күнү өзү кармалып, убактылуу кармоочу жайга 48 саатка камалды.

Ал эми буту жабыркаган кайгуулчу Алай райондук ооруканасында дарыланууда.

Окуя Кылмыш жана жоруктардын бирдиктүү реестерине Жазык кодексинин 266-беренесинин 2-бөлүгү ("Укук коргоо органдарына карата бейбаштык") менен катталып, кылмыш иши козголгон.

Маалым болгондой, 28-май күнү шектүүнүн баш коргоо чарасы каралып, үй камагына чыгарылган. Автоунаасы айып короого киргизилген. Дайындалган медициналык экспертизанын жыйынтыгында чек ара кызматкери окуя учурунда мас абалында экендиги аныкталды.

146
Белгилер:
кырсык, пост, ЖКККББ, чек арачы, Алай району, Ош
Тема боюнча
Бишкек: жолдун кесилишинде жети автоунаа сүзүштү. Кырсык учурундагы видео
Алматы: блокпостту сүзгөн айдоочу полициянын мурдагы кызматкери болуп чыкты
Олимпиадалык шакектер жана желек. Архив

Кыргыз спортчулары олимпиадага 1-июндан тарта даярдана баштайт

13
(жаңыланган 18:47 29.05.2020)
Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турат.

БИШКЕК, 29-май — Sputnik. Кыргызстандык курама командалар эл аралык мелдештерге 1-июндан тарта даярдануусун баштап, машыгууларга киришет. Бул тууралуу Жаштар иши, дене тарбия жана спорт боюнча мамлекеттик агенттигинин маалымат кызматы билдирди.

Биринчи кезекте сөз Токио Олимпиадасына жолдомо берилчү мелдештерге катыша турган курама командалар тууралуу болуп жатат.

Эл аралык мелдештер башталса, катышуу үчүн олимпиадалык эмес жана улуттук спорттук оюндардын түрлөрү боюнча дагы машыгуулар башталат.

"Курама командалардын мүчөлөрү машыгуудан мурда медициналык кароодон өтүшөт. Машыгуулар өтчү жайларда бардык санитардык нормалар сакталып, эпидемияга каршы иш-чаралар маал-маалы менен өткөрүлүп турмакчы. Спортчулардын дене табы текшерилет", — деп айтылат билдирүүдө.

Бирок өлкө ичиндеги мелдештер боюнча азырынча так маалымат айтыла элек.

Эске салсак, Токио шаарындагы Олимпиада 2021-жылы өтмөкчү. Ал пандемиядан улам ары жылдырылган.

13
Белгилер:
карантин, машыгуу, спорт, Кыргызстан
Тема боюнча
"Спартак" стадионунда машыгууга уруксат берилип, бирок бир шарт коюлду