Жалал-Абад шаары жана Сузак району боюнча комендант Жеңиш Жоробеков

9 бала кырсыктады. Жалал-Абад коменданты ата-энелерге кайрылды

233
(жаңыланган 14:28 28.04.2020)
Үч жаш бала сууга агып кетип, бирөөнү куткарып калууга жетишишкен. Тилекке каршы, экөөнүн сөөгү табылган.

БИШКЕК, 28-апр. — Sputnik. Карантин маалында Жалал-Абадда жашы жете элек тогуз бала ар кандай кырсыкка кабылды. Бул тууралуу Жалал-Абад шаары жана Сузак району боюнча комендант Жеңиш Жоробеков брифинг учурунда билдирди.

Кырдаалга байланыштуу комендант ата-энелерге кайрылып, балдарды кароосуз калтырбоого чакырды.

“Ар убак үй-бүлөңүздөр менен мүмкүн болушунча үйдө отуруңуздар деп айтып жатабыз. Өкүнүчтүүсү, ага карабай “ата-эненин кайдыгерлиги баланын көз жашы” дегендей болуп, 25-марттан ушул күнгө чейин жашы жете элек балдар арасында 9 кырсык катталды. Анын ичинен үч жаш бала сууга агып кетип, бирөөнү куткарып калышкан. Тилекке каршы, экөөнүн сөөгү табылды. Ата-энелерге кайрыларым, ушул күндөрү тарбия иштерине көбүрөөк көңүл буруп, дистанттык окууларына каралашып, балдарыңыздарга баш болсоңуздар”, — деди комендант.

Мындан сырткары ал өзгөчө абал режими киргенден бери облуста 61 үй-бүлөлүк зомбулук катталганын белгиледи.

Коронавирустун кесепети

Кыргызстанда COVID-19 жуктуруп алгандардын саны 708ге жетип, анын жарымынан көбү, 416сы айыкты. Тилекке каршы, вирус сегиз кишинин өмүрүн алды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Sputnik Кыргызстан редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

233
Белгилер:
өзгөчө абал, ата-эне, кайрылуу, комендант, Жалал-Абад
Тема:
Коронавируска байланыштуу Кыргызстандагы кырдаал (1413)
Тема боюнча
Таласта сууга агып кеткен 6 жашар баланын сөөгүн айылдаштары тапты
Ошто 8 жашар бала канал суусуна агып кетти
Кош бойлуу. Архивдик сүрөт

Россияда эки жарым миңден ашык кош бойлуу аял COVID-19 жуктуруп алган

68
Адистин айтымында, вирус жуктурган аялдардын балдары илдетке кабылбай, соо төрөлөт. Ооруну энеси менен байланышкан учурда жуктуруп алышат.

БИШКЕК, 25-май — Sputnik. Россияда жалпысынан эки жарым миңден ашык кош бойлуу аялдан коронавирус аныкталган. Бул маалыматты РИА Новости Россиянын Саламаттыкты сактоо министрлигинин акушерия жана гинекология боюнча штаттан тышкаркы башкы адиси Лейла Адамянга шилтеме берип таратты.

Анын айтымында, вирус жуктурган аялдардын илдетке кабылбай, соо төрөлөт. Инфекцияны энеси менен байланышкан учурда жуктуруп алышат.

"Учурда өлкөдө 2561 кош бойлуу аялдан вирус аныкталган. Эң көп жуктургандар Москвада. Каза болгондор жок", — деген адис.

Адамян белгилегендей, коронавирус менен ооруган аялдарды операция жолу менен эмес,  табигый түрдө гана төрөткөнгө аракет кылышат. Хирургиялык жактан киришүү өтө зарыл учурда гана колдонулат.

Адис ымыркайды төрөлөрү менен энесинин колуна бербей, обочолонтуу керектигин кошумчалаган.

68
Белгилер:
ымыркай, коронавирус, кош бойлуу, Россия
Тема:
Кытайдагы жаңы типтеги коронавирус
Тема боюнча
Россия мигранттарга патент мөөнөтүн автоматтык түрдө узартып берет
Англия: кош бойлуу экендигин билбей жүрө берген медайым көз жарды
Жол кырсыкка кабылган унаа. Архивдик сүрөт

Ош—Бишкек жолундагы автокырсык: каза тапкан айдоочу бир үйдүн жалгыз уулу болгон

573
Маркумдун артында 74 жаштагы апасы, жубайы жана эки кызы калды. Ал көп жылдан бери Ош—Бишкек жолунда жүргүнчү ташып, үй-бүлөсүн багып келген.

ОШ, 25-май – Sputnik. Ош — Бишкек жолундагы Көк-Бел ашуусунда автокырсыктан каза болгон 31 жаштагы айдоочу бир үйдүн жалгыз уулу болгон. Бул тууралуу маркум жашаган Ноокат районунун Көтөрмө айылынын башчысы Таалай Сабиров билдирди.

Эске сала кетсек,  25-майга караган түнү саат 1:00 чамасында Honda Odissey автоунаасы Бишкекти көздөй бара жатып кырсыктаган. Айдоочу автокөлүктү чукул бурулуштан башкара албай, жол четинен 150-200 метр тик ылдыйга түшүп кеткен. Маркумдун Ноокат районунун Кыргыз-Ата айыл өкмөтүнө караштуу Көтөрмө айылынын 31 жаштагы жашоочусу экени аныкталды.

Анын кесепетинен Кыргыз-Ата айылынын үч тургуну жаракат алып, Кара-Көл шаарынын аймактык ооруканасына түшкөн. Айдоочу жана жанындагы үч адам каза болгон.

Сабировдун айтымында, маркумдун атасы мындан бир топ жыл мурда каза болгон.

"Ал үй-бүлөдө эки кыздан кийинки жалгыз уул эле. Үйүндө 74 жаштагы апасы, келинчеги жана төрт, эки жаштагы кыздары менен жашачу", — деди Сабиров.

Айыл башчы каза болгон кишинин көп жылдан бери Ош — Бишкек жолунда жүргүнчү ташып, үй-бүлөсүн багып келгендигин кошумчалады.

573
Белгилер:
жүргүнчү, кырсык, жол кырсык, Бишкек – Ош жолу
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте милициянын унаасы жол кырсыгына кабылды. Күбөнүн видеосу
Асманда күйүп, жерге кулаган учак. Казак бийлиги себебин иликтеп баштады
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

0
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

0
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу