Кишен. Архивдик сүрөт

Жалал-Абадда 37 тонна мунай уурдоого шектелген эки киши үй камагына чыгарылды

341
(жаңыланган 11:51 02.05.2020)
Чечим кабыл алууда кылмыштын даражасы, шектүүлөрдүн үй-бүлѳлүк абалы, жашы жете элек балдары жана карыган ата-энелери бар экени, үй-бүлѳсүнүн жалгыз багуучусу экени эске алынган.

ОШ, 2-май — Sputnik. Ноокен районунун аймагында мунай уурдоого шектелип убактылуу жайга киргизилген эки тургунду сот үй камагына чыгарды. Бул тууралуу Жалал-Абад облустук сотунун маалымат кызматы билдирди.

Эске сала кетсек, 2020-жылдын 16-апрель күнү Ноокен райондук милициясынын кызматкерлери "Кыргыз нефтегаз" ишканасынын коопсуздук кызматы менен биргеликте Бүргөндү айыл аймагынын З.Н. аттуу тургунунун короосунан 7 тонна мунайзат табышкан.

"Жалал-Абад шаарындагы мунайды кайра иштетүүчү заводдун лабораториясы табылган мунайзат жер алдынан алынгандыгын, курамында 87 пайыз мунай, 13 пайыз суу бар экенин аныктап, корутунду чыгарып берген. Кылмыш жана жаза кодексинин 200-беренесинин 2-бөлүмү менен сотко чейинки өндүрүш иши ачылган. Шектүү катары кармалган жаран 24-апрель күнү 48 саатка камакка алынган болчу.

Мындан сырткары, мунай уурдоого шектүү катары Кочкор-Ата шаарынын Ю.А. аттуу жашоочусу көрсөтмө берген. Ага ылайык, Ноокен районунун Момбеков айыл өкмөтүндөгү Тоскоол-Ата токой чарбасынын №6 жайытындагы "Кыргыз нефтегаз" ишканасынын №82 объектисинен Т.К. аттуу тургун желим идиштерге куюп уурдап жүргөн. Уурдалган майды бир тууган инисинин үйүнүн короосуна сактап жүргөнү аныкталган. Аталган короодон күйүүчү май ташуучу 30 тонналык цистернасы менен DAF үлгүсүндөгү автоунаа табылган. 30 тонналык күйүүчү май ташуучу автоунаалардын беш даана чиркегичи чыккан. Алардын ар биринин ичин карап текшерип чыкканда, болжол менен жалпысынан 30 тонна мунайзат бар экендиги аныкталган.

Шектүү катары Жаза процессуалдык кодекстин 98-беренесинин негизинде аталган жарандар камакка алынган.

Ноокен райондук соту 2020-жылдын 26-апрелиндеги токтому эки шектүүнү эки айга камакка алуу чечимин чыгарган. Бирок алар Жалал-Абад облустук сотуна апелляциялык арыз менен кайрылышкан.

Аталган соттун 2020-жылдын 30-апрелиндеги аныктамасы менен Ноокен райондук сотунун 26-апрелдеги токтому ѳзгѳртүлүп, үй камагына алуу өкүмү чыккан. Мында кылмыштын даражасы, шектүүлөрдүн үй-бүлѳлүк абалы, жашы жете элек балдары жана карыган ата-энелери бар экени, үй-бүлѳсүнүн жалгыз багуучусу экени эске алынган. Мындан тышкары маалыматта аларга берилген мүнөздөмө жана тергөөгө тоскоолдук жаратпаганы, жашырынбаганына да көңүл бурулганы айтылат.

341
Белгилер:
кылмыш, камак, арыз, уурулук, сот, милиция, шектүү, Ноокен, Мунай
Тема боюнча
Бишкекте уурдалган терминал. Милиция шектүүлөрдү кармады
Жалал-Абадда 37 тонна мунай уурдоого шектелип төрт жаран кармалды. Сүрөт

Өмүрүн тобокелге салып тартышкан. АКШдагы башаламандыкты баяндаган 12 сүрөт

170
(жаңыланган 20:17 03.06.2020)
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
  • Түтүн, өрт. Ага карабай New York City басылмасынын кабарчысы иштеп жатат
  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
  • Мындай коргоочу касканы башка кийип алып, сүрөткө тартуу да оңой эмес
  • Атлант шаарында полиция кызматкерлерине кармалган фотограф
  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
  • Каршылык акциясы учурунда полициядан качып бараткан сүрөтчү
  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
АКШдагы башаламандыктан имараттар өрттөлүп, дүкөндөр тонолуп, бир нече шаарда коменданттык саат киргизилгенине карабай эл тынчый элек. Сүрөтчү, оператор, фотокабарчылар өмүрлөрүн тобокелге салып кырдаалды чагылдырып жатышат.

Өткөн аптанын жума күнү АКШда афроамерикалык Жорж Флойддун өлүмүнө байланыштуу каршылык акциялар башталган.

Флойд 25-май күнү каза болгон. Интернетте полиция кызматкерлери афроамерикалык адамдын колуна кишен салгандан кийин жыгып, үчөөлөп басып калган видео тараган. Бирөөсү моюндун күрөө тамыр өткөн бөлүгүн тизеси менен кысып, басып турат. Флойд бир нече жолу "дем ала албай жатам" деп айтып, андан кийин тынчып калган.

Нааразычылык акция башаламандыкка айланып, ал Американын 40тай шаарына жайылды. Бир нече шаарга коменданттык саат киргизилип, полиция кызматкерлери тартипке көз салганы менен нааразылыктын аягы сууй элек. Ири шаарларда дүкөндөр талкаланып, мародёрлук күч алган. Миңдеген адамдарга полициянын күчү жетпей калууда. Учурда төрт полиция кызматкери иштен алынып, бирөөнө "адамды кокусунан өлүмгө дуушар кылган" деген айып тагылды.

Болуп жаткан кырдаалды журналист, фотокабарчы, операторлор жеринен чагылдырып жатат. Айрымдар мыкты кадр алыш үчүн өрттөнгөн имарат, автоунаалардын жанына барса, кээ бири тартуу иштерин полиция кызматкерлеринин каршылыгына карабай жасап жатышат. Мунун баары сүрөттөр түрмөгүндө так, даана көрсөтүлгөн.

 

170
  • Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат
    © AP Photo / Rick Bowmer

    Сүрөтчүнүн иши да оңой эмес. АКШдагы каршылык акциясы учурунда полиция кызматкери фотографты түрткүлөп жатат

  • Миннеаполистеги жалбырттаган жалын. Өрттүн аптабына карабай фотокабарчы жумушун аткарууда
    © REUTERS / Lucas Jackson

    Миннеаполистеги жалбырттаган жалын. Өрттүн аптабына карабай фотокабарчы жумушун аткарууда

  • Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот
    © Sputnik / Brian Smith

    Нью-Йоркто каршылык акциясына чыккандардын бири. Жанындагылардын баары бет кап менен жүргөнүн байкоого болот

  • Түтүн, өрт. Ага карабай New York City басылмасынын кабарчысы иштеп жатат
    © AP Photo / Julio Cortez

    Түтүн, өрт. Ага карабай New York City басылмасынын кабарчысы иштеп жатат

  • Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү
    © AP Photo / Seth Wenig

    Өмүрүн тобокелге салган дагы бир топ сүрөтчүлөр. Алар Нью-Йоркто өрттөнүп жаткан полициянын автоунаасын кадрга түшүрүштү

  • Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат
    © REUTERS / Lucas Jackson

    Сүрөттө LA Times басылмасынын фотокабарчылары. Алар АКШдагы коогалаңдан жабыркаган адамды тартып жатат

  • Мындай коргоочу касканы башка кийип алып, сүрөткө тартуу да оңой эмес
    © REUTERS / Lucas Jackson

    Мындай коргоочу касканы башка кийип алып, сүрөткө тартуу да оңой эмес

  • Атлант шаарында полиция кызматкерлерине кармалган фотограф
    © REUTERS / Dustin Chambers

    Атлант шаарында полиция кызматкерлерине кармалган фотограф

  • Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат
    © REUTERS / Lucas Jackson

    Эч кимге ээ-жаа бербей, тартипсиздик уюштургандарды тартуу бир топ эле кооптуу. AP басылмасынын кабарчылары кырдаалды чагылдырып жатат

  • Каршылык акциясы учурунда полициядан качып бараткан сүрөтчү
    © AP Photo / John Minchillo

    Каршылык акциясы учурунда полициядан качып бараткан сүрөтчү

  • Жорж Флойддун өлүмүнөн кийин башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты
    © REUTERS / Lucas Jackson

    Жорж Флойддун өлүмүнөн улам башталган окуядан кийин бир катар имараттар өрттөлдү. Фотокабарчылар окуяны жеринен сүрөткө тартып, кырдаалды баяндап жатышты

  • Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат
    © REUTERS / Adam Bettcher

    Мындай учурда сүрөтчү, операторлор деле аскерлердей. Окуяны так-таасын жеткирүү үчүн өмүрүн тобокелге салышат

Белгилер:
акция, башаламандык, окуя, Сүрөт, АКШ
Тема:
АКШда афроамерикалыктын өлүмүнөн кийинки башаламандык
Тема боюнча
Расизмби же анархиябы? АКШ оңой эмес тандоо алдында турат
Пентагон Вашингтондун аймагына 1,6 миң аскер жиберди
Нарын шаарында катуу жааган жамгырдын кесепети

Жаалы катуу сел. Нарын аймагындагы суу каптаган жерлердин видеосу

352
(жаңыланган 19:22 03.06.2020)
Окуя болгон жерге ӨКМдин жана Нарын шаардык аскерлештирилген Өрт-куткаруу борборунан куткаруучулар тартылгандыгы айтылды.

БИШКЕК, 3-июн. — Sputnik. Бүгүн, 3-июнда, Нарын шаарында катуу жааган жамгырдан улам кыян жүрүп, кээ бир жерлерде селге айланып, турак үйлөрдүн короолорун каптаган. Бул тууралуу ӨКМдин маалымат кызматынан кабарлашты.

Аймактагы сел каптаган учурлардын видеосу "Короче" Telegram каналына жарыяланган.

Ал жерлерге аталган министрликтин Нарын облусу боюнча башкармалыгынан ыкчам топ, Нарын шаардык аскерлештирилген Өрт-куткаруу борборунан куткаруучулар тартылган.

Ал эми Нарын мэриясынын маалыматына караганда, суу каптаган аймакка мэр Нурбек Молдокадыров барып, түзүлгөн кырдаалга жараша тиешелүү тармактарга тапшырма берип жүрөт.

ӨКМ кырдаал боюнча кошумча маалыматтарды кечирээк бере тургандыгын айтты.

352
Белгилер:
куткаруучу, жамгыр, суу каптоо, сел, ӨКМ, Нарын шаары, Кыргызстан
Тема боюнча
Сел жүрүшү мүмкүн. ӨКМ шашылыш билдирүү таратты

Кыргыз-казак чек арасындагы тыгын. Айдоочулардын көйгөйүн баяндаган видеорепортаж

0
(жаңыланган 01:09 04.06.2020)
Кыргыз-казак чек арасы. Бишкек — Торугарт жолу менен калаадан чыгып баратканда жүк ташуучу автоунаалардын узун кезеги алыстан көзгө даана көрүнөт. Кезек күткөн айдоочулардын көбү Казакстандан Кыргызстанга товар алып келип, кайра кете албай калгандар.

Казакстанга кирүү май айынын аягынан тарта кыйындай баштаган. Акыркы үч күн ичинде коңшу мамлекетке саналуу эле айдоочу кирген. Бирок 3-июндан тарта кыймыл бир аз жанданып, жүк ташыгандар чекесинен өтө баштаган.

Баарынан да тез бузулуп кетчү азыктарды ташыган айдоочулар санааркап жатышат. Жашылча-жемиштери чирип кетпеш үчүн күнү-түнү автоунаанын муздаткычтарын өчүрбөй жатканын айтышты.

"Россияга 22 тонна сабиз алып бара жаткам, тыгында турганыма үч сутка болду. Күн болсо кайнап, көчөдө 35 градус ысык. Көлөкө жок, талаада 40 градус ысыктай эле сезилип жатат. Кондиционер жок болсо сабиз биринчи күнү эле чирип кетмек. Жашылча соолубай турсун деп муздаткыч иштеттим. Ага эле май сатып алганга алты миң сомдой чыгым болдум. Бул чыгымды эч ким төлөп бербейт. Эгер соолуган сабиз алып барсам, анда мага акча да төлөп беришпейт", — деди айдоочулардын бири Умар Ханмончи.

Ысыктын күнү кезек күтүп Умарга окшоп тургандар жүздөп саналат. Алардын баары өз акчасына күйүүчү май алып, кайсы маалда өткөрүп жиберет деп уйку бетин көрбөй кезегин күтүп турган чактары.

Мамлекеттик чек ара кызматынын маалыматы боюнча, азыркы тапта "Ак-Тилек" жана "Чоң-Капка" өткөрмө пункттары гана иштеп жатат. Жүк ташуучу автоунаалардын узун кезегине ушул да себеп болушу ыктымал.

"Автоунаалар дезинфекциядан өтүп, айдоочулардан коронавируска анализ алып жатышат. Муну да эске алыш керек. Кыргыз тарап автоунааларды тез өткөрүү үчүн болгон күчүн жумшап жатканын баса белгилеп кетели", — дешти чек ара кызматынан.

Кыргызстандын жүк ташуучулар ассоциациясынын башчысы Темирбек Шабданалиев буга пандемиянын деле тиешеси жок деп эсептейт.

"Бул көйгөйгө үч жыл болду. Коронавирус Кыргызстан, Казакстанда пайда болгонго чейин эле айдоочулар чек арадан өтө албай 4-5 күндөп турушчу. Баарынан да үч суткалап тургандарга жаман болду. Дагы жакшы аларга жакын жашаган аймактагылар бекер тамак-аш алып келип берип жатышат", — деди Шабданалиев.

Кыргызстандын Экономика министрлигинин кызматкерлери жүк ташуучу автоунаалардын айдоочулары менен жолукканын айтып, алардын көйгөйүн укканын билдиришти.

"Жүк ташуучулар ассоциациясынын өкүлдөрү менен вице-премьер Эркин Асрандиев жолугат. Мындан тышкары казак тарап менен дагы сүйлөшүүлөр жүрөт. Ал жактан чечим кабыл алынгандан кийин гана жыйынтыгын билдире алабыз", — дешти маалымат кызматынан.

Экономика министрлигинин маалымат катчысы эксперттер көйгөйдү чечүү жолун издеп жаткандыктарын кошумчалады.

0
Белгилер:
жүк, айдоочу, чек ара, Казакстан, Кыргызстан
Тема боюнча
Казакстанга өткөрчү "Акжол" бекетинде ремонт качан бүтөрү айтылды