Исфана шаарынын Тогуз-Булак, Маргун, Ак-Суу жана Сумбула айыл аймактарында жүргөн селдин кесепети

Сел каптаган Исфана шаарынын 4 айыл аймагына өзгөчө кырдаал жарыяланды

438
(жаңыланган 13:57 03.05.2020)
Лейлекте катуу жааган жамгырдын кесепетинен турак жайларды, чарбалык курулуштарды жана унаа жолдорду сел каптаган.

БИШКЕК, 3-май — Sputnik. Ишемби күнкү селден улам Исфана шаарынын Тогуз-Булак, Маргун, Ак-Суу жана Сумбула айыл аймактарына өзгөчө кырдаал режими киргизилди. Бул туурасында ӨКМден билдиришти.

Тиешелүү буйрукка Лейлек районунун акими Баймурат Бекмуратов кол койгон.

Аталган аймакта 2-май күнү кечинде катуу жааган жамгырдын кесепетинен сел жүрүп, турак жайларды, чарбалык курулуштарды жана унаа жолдорду суу каптаган.

Учурда 20 куткаруучу, төрт грейдер, эки жүктөгүч, бир самосвал, жеке компаниядан бир жүктөгүч тартылып, иштеп жатат.

"Исфана шаарындагы Дадасиян, Восточный, Строительный көчөлөрүндө жана Жаңы-Конуш тилкесинде жайгашкан 4 турак жайдын жер төлөсүнө, 10 үйдүн огородуна, "Арча-Бешик" бала-бакчасынын жер төлөсүнө жана Кара-Дөбө айылынын Катар тилкесиндеги бир турак үйгө сел суулары кирген. Ош — Баткен — Исфана жолунун 380-чакырымын, Исфана — Андарак — Көк-Таш жолунун 10-27-чакырымдарын, Самат — Замборуч — Жар-Кыштак жолунун 8-27-чакырымдарына кум шагыл толуп калган", — деп айтылат маалыматта.

Абалды өзгөчө кырдаалдар министри Замирбек Аскаров жеке көзөмөлүнө алган. Жеринде министрдин орун басары Равшан Рысбаев жетектеген ыкчам топ иштеп жатат.

438
Белгилер:
сел, өзгөчө кырдаал, Баткен облусу, Лейлек
Тема боюнча
Көчөдө суу шаркырап... Исфана шаарында сел жүрүп кетти. Видео
Лейлектеги селдин кесепетин жоюу үчүн 20 куткаруучу иштеп жатат. Сүрөттөр

Финполдун тергөөчүсүнө 250 миң сом пара берип жаткан адам кармалды. Видео

73
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

73
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Тойдогу меймандар. Архивдик сүрөт

UFC мушкери Дагестандагы үлпөт тойду массалык мушташка айлантып салды. Видео

146
(жаңыланган 11:38 03.12.2020)
Жаңжалдын чыгышына спортчунун тойго алкоголдук ичимдик алып киргени себеп болгон. Спортчунун өзү да мас экени айтылды.

БИШКЕК, 3-дек. — Sputnik. UFC уюмунун россиялык мушкери Гаджимурад Антигулов Дагестанда үлпөт тойдо мушташты. Бул тууралуу Р-Спорт жазды.

Маалыматка ылайык, жаңжалдын чыгышына Антигуловдун тойго алкоголдук ичимдик алып киргени себеп болгон. Спортчунун өзү да мас абалда экени айтылды. Башка столдорго арак-шарап коюлган эмес. Тойдогулар мушкерди ичимдикти алып салууга чакырган. Көп өтпөй мушкер коноктордун бирине тап берип, мындан улам массалык мушташ чыгат.

Видеодон көрүнүп тургандай, баласын жетелеген Расул аттуу киши спортчунун жанына эки ирет келип, аны тынчтантууга аракет кылган. Алар бир пикирге келип, кол алышканын да көрүүгө болот. Көп өтпөй түшүндүрүү үчүн кайра келген Расулга Антигулов кол көтөргөндө, ал UFC мушкерин сулата чабат. Спортчуну жандагандар Расулга чабуул жасап, массалык мушташ башталат. Мушкердин жанындагылардын бири чөнтөгүндөгү тапанчасын да алып чыккан.

33 жаштагы Гаджимурат Антигулов ММА спортунда 28 беттешке чыгып, анын 20сын уткан. Мушкер 2017-жылдан бери UFC промоушенинде беттештерге чыгып келет. Акыркы ирет ушул жылдын октябрь айында Абу-Дабиде өткөн мелдеште мекендеши Максим Гришинге жеңилип калган.

146
Белгилер:
той, үлпөт, мушкер, UFC, Дагестан
Тема боюнча
UFC Макгрегор менен Порьенин беттеши өтө турган күндү расмий бекитти
Шевченко менен Майянын кармашы. UFC 255 мелдешинен онлайн-репортаж
Жеңишине кубанып. Насаатчыларын көтөрүп чаап сүйүнгөн UFC мушкеринин видеосу
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

0
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат