Темир тор артындагы аял. Архив

Жорж Клунинин фонду Оштогу соттолгон аялдын укугу үчүн күрөшүүдө

237
(жаңыланган 16:51 15.05.2020)
Фонддун докладында соттук иштер эл аралык укуктардын бузулушу менен жүргөнү жана бул кемчилик иштин жыйынтыгында аялдын өзүнө бир топ зыян келтирилгени айтылган.

БИШКЕК, 15-май — Sputnik. Голливуд актёру Жорж Клуни жана анын аялы Амаль түптөгөн адилеттүүлүк үчүн күрөшкөн фонд Ош облусунда үй-бүлөлүк зомбулуктан жабыркаган Гүлжан Пасанованы коргоп чыкты. Аял күйөөсүнүн өмүрүнө кол салып, анын кесепетинен эркек киши каза болуп калган деп айтылган.

Бул иш боюнча доклад аталган уюмдун сайтына илинген. Анда Ош облустук сотуна берген сунуштар менен да коштолгон.

...Оштун 29 жаштагы тургуну 46 жаштагы күйөөсүнүн ден соолугуна оор залал келтирип, анын айынан каза болуп калганы үчүн күнөөлүү деп табылган. Келин ал киши менен 7 жыл никеде жашап, эки өспүрүм баланын өгөй энеси болгон. Сотко берилген далилдерде аял көп учурда ичип алган күйөөсүнүн психологиялык жана уруп соккон зомбулугуна кабылганы айтылат.

2017-жылы күйөөсү Гүлжанды катуу сабап салгандыктан, эсин жоготуп, ооруканага жатып чыккан. Пасанованы күйөөсүн өлтүрдү деген шек менен камап, медициналык текшерүүгө алганда аялдын денесинен көгала болгон, кан уюп калган тактарды, колунун манжасынан чоң тырыкты байкашкан.

Сотто аял күйөөсүнүн токмогунан жабыркап ооруканага жатып, бирок анын опузасынан коркуп, жыгылып кеттим деп калп айтканга аргасыз болгонун баяндаган.

Күйөөсү өлгөн ошол күндөгү чырга аялдын "бир нече күн мурда ишке автоунаада эки эркек менен кошо келгениңди көрдүм" деген кинеси себеп болгон. Маркум Гүлжан анын көзүнө чөп салат деп ойлоп, бетке чаап, мобилдик телефонун алып койгон.

"2019-жылдын 19-ноябрында жолдошу үйгө кечки 10:00дө келген. Мас болгондуктан Гүлжанды башка эркек менен мамилең бар деп күнөөлөй баштаган. Экөө кер-мур айтыша кетип, күйөөсү ашкана бычагын аны көздөй шилтеп калганда, тийбей калган. Чыр ырбап, Гүлжанды башка бир койгон. Аял балконго качып чыкканда, күйөөсүнүн өлтүрөм деп кыйкырып келе жатканын уккан. Дагы токмок жегенден корккон Гүлжан ремонт иштерин жасайбыз деп даярдап койгон арматураны алып бөлмөгө кирген да, эркекти жыгылып калгыча бир нече ирет башка урган. Сотто Гүлжан аны өлтүрөм деген ниети болбогондугун, бирок аны башка чапкандан кийин жаалы келип, токтоно албай калгандыгын айтып берген", — деп баяндалат документте.

Андан соң аял жолдошун тургузууга аракеттенип, бирок ал эс-учун жоготкон тейде жаткандыгын айтып берген. Коңшусуна (кайнагасына) чуркап барып, экөөлөп Тез жардам чакырган. Ош облустук ооруканасынан бир нече сааттан кийин кишинин каза болуп калгандыгын билдиришкен.

Гүлжан Пасанованы күйөөсүн акыркы сапарга узатып жатканда камакка алышкан. Ага "Байкабастыктан өлүмгө дуушар кылуу, саламаттыкка оор залал келтирүү" беренелери менен күнөө тагылган.

Документте Клуни фондунун байкоочусу бардык сот отурумдарына, бул иш боюнча Ош шаардык сот 2020-жылдын 5-мартына чейин, өкүм чыгарганга чейин катышкандыгы айтылат.

Байкоочунун айтымына караганда, Пасановага каршы сот процесси адилеттүү соттук териштирүүлөрдү олуттуу бузуу менен коштолгон. Мындан сырткары прокурор үйдөгү зомбулук боюнча келтирилген документтерди, далилдерди эске алган эмес.

"Докладда айыптоочу соттолуп жаткан аял берген көрсөтмөлөрдү бир нече ирет бөлгөн, жактоочуга жана айыпталуучуга көтөрүңкү тон менен сүйлөгөн. Сот буга аралашкан эмес, ал эми айыптап жаткан тарап одоно кадамдарга барган", — деп айтылган документте.

Сотто Пасанова күйөөсүн чапкандыгын мойнуна алып, бирок өзүн коргоо максатында жасагандыгын жана аффект абалда болгонун айткан. Сот аялды күнөөлүү деген бүтүм чыгарып, тогуз жылга эркинен ажыратып жана ири суммадагы айып салган.

"Клуни фонду Ош облустук сотун Гүлжан Пасанованын бузулган укуктары боюнча учурларды четтетип, ишти акыйкат карап, биринчи инстанцияда өкүмдү жокко чыгарууга чакырат. Жана аял кабылган үйдөгү зомбулук учурларын эске алууну айтат", — деп жазылган облустук сотко берилген консультативдик бүтүмдө.

Клунинин акыйкаттык фонду (Clooney Foundation for Justice) — Голливуд актёру Жорж Клуни жана анын аялы Амалдын аракети менен түптөлгөн. Ар кыл өлкөлөрдө адам укугу бузулган учурларды талашып-тартышуу жолу менен адилеттүүлүккө жетүү максатын көздөйт.

Гүлжан Пасанованын кылмыш иши боюнча жүргүзүлгөн процесске байкоону алар Америкалык юристтердин ассоциациясынын адам укугу боюнча борбору (American Bar Association) менен биргелешип жүргүзгөн.

237
Белгилер:
фонд, Жордж Клуни, жактоочу, прокурор, өлүм, күйөө, сот, аял, Ош облусу, Кыргызстан
Тема боюнча
Көңүлдөшүнүн баласын уурдап кетип өлтүргөн аялга өкүм чыкты
Муштум. Архив

Москва: элчилик сабалган кыргызстандык боюнча ИИББге кайрылды

112
Окуя 25-майда Москвадагы метронун "Площадь Революции" станциясында болгон. Кыргызстандык окуяны тизмектеп, милицияга арыз жазды.

БИШКЕК, 29-май — Sputnik. Кыргызстандын Россиядагы элчилиги ИИМдин Жеке коопсуздук боюнча башкы башкармалыгына полиция кызматкерлеринин КР жаранын сабаганы боюнча кат жөнөттү. Бул туурасында дипломатиялык өкүлчүлүктүн маалымат кызматынан кабарлашты.

Алдын ала таратылган кабарда окуянын 25-майда Москва шаарындагы метронун "Площадь Революции" станциясында болгону айтылды.

"Элчиликтин кызматкерлери ИИБдин Борбордук административдик округунун "Китай-город" деп аталган полициянын бөлүмүнө барышты. Ал жерден Кыргызстандын жараны окуянын кандайча болгонун тизмектеп жазып берди. Кайрылууну нөөмөт бөлүмүнө катташты", — деп айтылат маалыматта.

Элчиликтин кызматкерлери баргандан кийин ИИМдин Жеке коопсуздук боюнча башкы башкармалыгынан тыкыр иликтөө болорун айтышкан.

112
Белгилер:
элчилик, сабоо, полиция, Москва, Россия, кыргызстандыктар
Тема боюнча
Москва: оорукананын курулушунда өрт чыгып, кыргызстандык көз жумганы айтылууда
Наручники на военной форме. Архивное фото

Алай: постто турган кайгуулчуну сүзүп из сууткан чек арачы кармалды

145
(жаңыланган 11:38 29.05.2020)
Чек арачынын автоунаасы 27-майга караган түнү саат 3:00дөр чамасында Гүлчө айылынын борбордук базарынын алдынан табылган. Өзү эртеси кармалып, убактылуу кармоочу жайга 48 саатка камалган.

ОШ, 29-май — Sputnik. Ош облусунун Алай районундагы Таш-Короо айылында жайгашкан санитардык-карантиндик постто турган ЖКККББ өкүлүн чек ара кызматкери сүзүп, из суутуп кеткен. Бул тууралуу Ош облустук ички иштер башкармалыгынын маалымат катчысы Жеңиш Аширбаев билдирди.

Анын айтымында, окуя 26-майда түнкү саат 22:00дөр чамасында Ош — Сары-Таш — Эркеч-Там жолунда болгон.

"Чек ара кызматынын жоокери BMW үлгүсүндөгү унаасы менен санитардык-карантиндик постко келген учурда ЖКККББ өкүлү токтотуп, текшерген. Ошол учурда ортолорунда пикир келишпестик жаралып, чек ара кызматкери жол тескөөчүнү сөгүп, унаасы менен сүзүп, буттарын тебелетип окуя болгон жерден качып кеткен",— деди Аширбаев.

Чек арачынын автоунаасы 27-майга караган түнү саат 3:00дөр чамасында Гүлчө айылынын борбордук базарынын алдынан табылган. 28-май күнү өзү кармалып, убактылуу кармоочу жайга 48 саатка камалды.

Ал эми буту жабыркаган кайгуулчу Алай райондук ооруканасында дарыланууда.

Окуя Кылмыш жана жоруктардын бирдиктүү реестерине Жазык кодексинин 266-беренесинин 2-бөлүгү ("Укук коргоо органдарына карата бейбаштык") менен катталып, кылмыш иши козголгон.

Маалым болгондой, 28-май күнү шектүүнүн баш коргоо чарасы каралып, үй камагына чыгарылган. Автоунаасы айып короого киргизилген. Дайындалган медициналык экспертизанын жыйынтыгында чек ара кызматкери окуя учурунда мас абалында экендиги аныкталды.

145
Белгилер:
кырсык, пост, ЖКККББ, чек арачы, Алай району, Ош
Тема боюнча
Бишкек: жолдун кесилишинде жети автоунаа сүзүштү. Кырсык учурундагы видео
Алматы: блокпостту сүзгөн айдоочу полициянын мурдагы кызматкери болуп чыкты
Баткен облусундагы “Лейлек” эркин экономикалык аймагындагы алты гектар жерге мунайды кайра иштетүүчү ишкана курулуп бүттү

Лейлекте мунайды кайра иштетүүчү ишкана курулду

0
Бул ишкана толук ишке киргизилсе мамлекетке жылына 90 миллон сом салык төлөө мүмкүнчүлүгү түзүлөрү айтылды.

БИШКЕК, 29-май — Sputnik. Баткен облусундагы “Лейлек” эркин экономикалык аймагындагы алты гектар жерге мунайды кайра иштетүүчү ишкана курулуп бүттү. Бул тууралуу өкмөттүн облустагы өкүлчүлүгүнүн маалымат катчысы Чолпон Бердикулова билдирди.

  • Завершилось строительство нефтеперерабатывающего завода в Лейлекском районе в Баткенской области
    Баткен облусундагы “Лейлек” эркин экономикалык аймагындагы алты гектар жерге мунайды кайра иштетүүчү ишкана курулуп бүттү
    © Sputnik / Зульфия Тургунова
  • Завершилось строительство нефтеперерабатывающего завода в Лейлекском районе в Баткенской области
    Маалыматка ылайык, өкмөттүн облустагы ыйгарым укуктуу өкүлү Алишер Абдрахманов аталган ишкананын ишмердүүлүгүнөн кабар алды
    © Sputnik / Зульфия Тургунова
  • Завершилось строительство нефтеперерабатывающего завода в Лейлекском районе в Баткенской области
    Ишкананы куруу жана ишке киргизүү демилгесин көтөргөн жергиликтүү ишкер Нурбек Түркбаев долбоорду Кытайдын жана АКШнын ишкерлеринин жардамы менен ишке ашырганы маалым болду.
    © Sputnik / Зульфия Тургунова
1 / 3
© Sputnik / Зульфия Тургунова
Баткен облусундагы “Лейлек” эркин экономикалык аймагындагы алты гектар жерге мунайды кайра иштетүүчү ишкана курулуп бүттү

Маалыматка ылайык, өкмөттүн облустагы ыйгарым укуктуу өкүлү Алишер Абдрахманов аталган ишкананын ишмердүүлүгүнөн кабар алды.

Ишкананы куруу жана ишке киргизүү демилгесин көтөргөн жергиликтүү ишкер Нурбек Түркбаев долбоорду Кытайдын жана АКШнын ишкерлеринин жардамы менен ишке ашырганы маалым болду. Курулушка 1,5 миллион доллар жумшалган.

“Ишкананын бир айда 2 миң тонна мунайды кайра иштетип, 300 тонна бензин, 800 тонна солярка, 1 миң тонна мазут өндүрүү мүмкүнчүлүгү болот. Ал эми келечекте айына 5 миң тоннага чейин мунай затын кайра иштетүүнү пландап жатат”, — деп айтылат билдирүүдө.

Бүгүнкү күндө Баткен облусунун Бүргөндү жана Арка массивиндеги мунайдын кени 1,9 миллион тоннаны түзөрү белгилүү болду.

Баткен облусуна караштуу Лейлек районунун Жаңы-Жер айыл аймагында өрүктүн эрте бышуучу сорту толугу менен бышты
© Фото / пресс-служба полпредства правительства в Баткенской области
Ишкерлер учурда «Кыргызнефтегаз» ишканасынын Кайрагач тилкесинде бир айда өндүрүлгөн 1 миң тонна мунайды кайра иштетип, андан сырткары жакынкы чет өлкөлөрдөн бир айда 2 миң тонна чийки мунайды ташып келип кайра иштетүүнү пландоодо.

Бул ишкана толук ишке киргизилсе мамлекетке жылына 90 миллион сом салык төлөө мүмкүнчүлүгү түзүлөрү айтылды. Ошондой эле жергиликтүү 25 тургун туруктуу жумуш орун менен камсыздалары айтылды.

0
Белгилер:
экономика, ишкана, Лейлек району, Баткен облусу
Тема боюнча
ЕАЭБ рыногуна кыргызстандык канча ишкана товар экспорттой алат. Тизме
Казакстандан 500 млн. кВт/саат энергия импорттоо макулдашылды. Баа өзгөрөбү