бычак кармаган киши. Архивдик сүрөт

Ош: таксисттерди бычак менен коркутуп, акча талап кылды делген киши кармалды

243
(жаңыланган 22:51 20.05.2020)
Милициянын билдиришинче, кармалган жарандын жүрүм-турумунда, сүйлөгөн сөзүндө шек жаралгандыктан психиатриялык экспертиза дайындалды.

ОШ, 20-май – Sputnik. Ош шаарында эки күн ичинде үч таксистти бычак менен коркутуп, акча талап кылды деп шектелген жаран кармалды. Бул тууралуу Ош шаардык ички иштер башкармалыгынын маалымат катчысы Абсатар Тавакалов Sputnik Кыргызстан агенттигине билдирди.

Анын айтымында, 18-май күнү болжол менен 13:30 чамасында Ак-Буура милиция бөлүмүнө Ош шаарынын жашоочусу кайрылган.

"Ал калаадагы көчөлөрдүн биринде жүргүнчү ташып иштеп жүргөндө белгисиз жаран бычак менен коркутуп, оозго алгыс сөздөр менен сөгүп, качып кеткендигин билдирген. Ошол эле күнү милиция кызматкерлери изи сууй электе Ноокат районунун 22 жаштагы тургунун кармаган. Бул факты Кылмыш жана жоруктардын бирдиктүү реестрине "Бейбаштык" беренеси менен катталган. Тергөө аракеттери жүрүп, шектүү суракка алынган соң коё берилген", — деп билдирди маалымат катчы.

Бир күндөн кийин, 19-майда, кайрадан белгисиз жаран эки таксистти бычак менен коркуткандыгы боюнча маалымат келип түшкөн. Шектүү таксисттердин бирөөсүнүн чөнтөгүндөгү акчасын, экинчисинин телефонун коркутуп тартып алып, качып кетүүгө үлгүргөн.

"Буга чейин кылмышка шектүү катары кармалып, сурактан кийин коё берилген жаран кайрадан колго түшүрүлүп, убактылуу кармоочу жайга киргизилди. Окуялар Кылмыш жана жоруктардын бирдиктүү реестрине 201-берене ("Бөтөн адамдын мүлкүн ээлеп алуу") менен катталып, сотко чейинки өндүрүш иши башталды", — деди Тавакалов.

Кишинин жүрүм-турумунан, сүйлөгөн сөзүнөн шек жаралгандыктан психиатриялык экспертиза дайындалган.

243
Белгилер:
таксист, шектүү, талап, акча, коркутуу, милиция, ШИИБ, Ош
Тема боюнча
Бишкекте кемпирди бычак менен коркутуп, үйүн тоноп кетишкен
Эт жеп отуруп бир тууган инисин бычак менен сайган. Соттук өкүм
Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтага алган киши

Грузияда банкты тоногон киши полициянын автосун айдап качып кетти. Видео

4
(жаңыланган 11:36 22.10.2020)
Окуя кечээ, 21-октябрь күнү, болгон. Банкты тоноого келген киши 50гө чукул кишини барымтага алып, бийликтен 500 миң доллар жана коопсуздук кепилдигин талап кылган.

БИШКЕК, 22-окт. — Sputnik. Грузиянын Зугдиди шаарындагы банкты тоноого кирип, андагы 50гө чукул адамды бир күн бою барымтада кармап отурган киши полициянын автоунаасын айдап качып кетти. Бул тууралуу Sputnik Грузия агенттиги жазды.

21-октябрь күнү курал жана граната көтөргөн киши ири банктардын биринин филиалына кирген. Ал 50гө чукул кишини барымтага алып, бийликтен 500 миң доллар жана коопсуздук кепилдигин талап кылган. Полиция аны менен күн бою сүйлөшүүлөрдү жүргүзгөн.

Жыйынтыгында тоноочу барымтадагыларды полиция департаментинин жетекчиси Автандил Галдавага алмашууга макул болуп, 43 кишини чыгарып берген.

Бирок түн ичинде ал Галдава жана башка туткундагы үч киши менен сыртка чыгып, полициянын машинасын айдай качкан. Учурда аны издөө иштери жүрүп жатат. Жергиликтүү ЖМКлар анын колундагы баштыкта талап кылган акча бар экенин жазууда. Бирок ал тууралуу расмий айтыла элек.

4
Белгилер:
тоноо, уурулук, полиция, барымта, банк, Грузия
Тема боюнча
Кыргызстанда чаламандын чак түшүндө тонолгон банк. Окуянын видеосу
Кылмышка шектүүнү кармоо иштери. Архивдик сүрөт

УКМК: кишилерди жалдап террордук максатта Сирияга жөнөткөн канал аныкталды

20
(жаңыланган 11:10 22.10.2020)
Учурда кишилерди жалдап жана аларды Сирияга жөнөтүүгө катыштыгы бар башка адамдарды аныктап кармоо иштери улантылууда.

БИШКЕК, 22-окт. — Sputnik. Кыргызстандан Сирия аймагындагы куралдуу чыр-чатактар болгон жерлерге жалдангандарды жөнөтүү каналы аныкталып, ишине бөгөт коюлду. Бул туурасында УКМКнын маалымат кызматынан кабарлашты.

20-октябрда жүргүзүлгөн ыкчам издөө иш-чаранын негизинде, сотко чейинки өндүрүштүн алкагында Кылмыш-жаза кодексинин 39-395-беренесинде каралган ("Жалданмачылыкка аракет кылуу") кылмыш белгилери боюнча кыргызстандык М.М. аттуу жаран кармалган.

Бишкекте элди террордук уюмга азгырган чет элдик кармалды. Сүрөт

"М.М. мурда жихад идеологиясына тартылып, транзиттик жол менен Кыргызстандан Сирияга эл аралык террордук уюмдардын катарына кошулууга жөнөтүлгөн. Учурунда жасалган иш-чаранын натыйжасында жалданган киши Сирияга кетип баратканда кармалып, УКМКнын тергөө-камак абагынын убактылуу кармоочу жайына киргизилди", — деп айтылат маалыматта.

Коопсуздук комитетинен учурда жалдоого жана которуу каналына катыштыгы бар башка адамдар аныкталып, кармоо боюнча ыкчам иликтөө иш-чаралары улантылып жаткандыгын айтышты.

20
Белгилер:
аныктоо, кармоо, террорчулук, УКМК, Сирия, Кыргызстан
Тема боюнча
Сирияда согушкан. Ошто эл аралык террордук уюмдун мүчөсү колго түштү
УКМК: Жалал-Абадда эл аралык террордук уюмдун мүчөлөрү кармалды