Бишкектеги Садырбаев көчөсүндөгү күйүүчү май сактоочу кампадагы өрттү кесепети

Бишкекте кафе эмес, кампадан чыккан өрт чектелди. Такталган маалымат

205
(жаңыланган 12:22 22.05.2020)
Буга чейин Масалиев жана Садырбаев көчөлөрүнүн кесилишинде жайгашкан кафеден өрт чыкканы айтылган болчу.

БИШКЕК, 22-май — Sputnik. Бишкекте Садырбаев көчөсүндө кафеден эмес, күйүүчү май сактоочу кампадан өрт чыкты. Бул тууралуу ӨКМ маалыматты жерине барып тактаган соң билдирди.

Эске салсак, буга чейин Масалиев жана Садырбаев көчөлөрүнүн кесилишинде жайгашкан кафеден өрт чыкканы айтылган эле.

"Такталган маалымат боюнча, күйүүчү май сактоочу ангардан чыккан өрт саат 11:24тө чектөөгө алынган. Учурда өрттү толук өчүрүү иш-чаралары жүргүзүлүүдө", — деп айтылат билдирүүдө.

Жабырлануучулардын бар-жогу тууралуу маалымат берилген жок.

205
Белгилер:
ӨКМ, өрт, кампа, Бишкек
Тема боюнча
Бишкекте кафеде өрт чыкты. Видео
Ысык-Көл. Архив

Достору менен эс алып жүргөн. Ысык-Көлдө 36 жаштагы киши сууга чөгүп кетти

121
Куткаруучулар сууга чөккөн кишинин сөөгүн 27-майда таап, дароо туугандарына өткөрүп беришкен.

БИШКЕК, 27-май — Sputnik. Ысык-Көл облусунун Пристань-Пржевальск айылында 36 жаштагы киши сууга чөгүп каза болду. Бул тууралуу ӨКМдин маалымат кызматы кабарлады.

Ага ылайык, 27-майда куткаруучулар эркек кишинин сөөгүн суудан таап, туугандарына өткөрүп беришкен.

Укук коргоо органдарындагы өздүк булактар билдиргендей, сууга чөгүп кеткен Каракол шаарынын тургуну достору менен көл жээкке эс алууга барган. Болжол менен 17:00дөр чамасында көлгө түшүп жатып суудан чыкпай калган.

121
Белгилер:
ӨКМ, кырсык, Суу, Ысык-Көл
Тема боюнча
Таласта сууга агып кеткен 6 жашар баланын сөөгүн айылдаштары тапты
Тез жардам кызматы. Архив

Бишкекте кагышкан 6 автоунаа. Кырсыктан канча адам жабыркаганы айтылды

225
(жаңыланган 21:10 27.05.2020)
Кырсыктаган бардык транспорт каражаттары айып короого токтотулуп, кырсыктын себептери такталып жатат.

БИШКЕК, 27-май — Sputnik. Борбор калаанын Токомбаев — Байтик баатыр көчөлөрүндө катталган массалык жол кырсыгынан үч адам жабыркаган. Бул тууралуу Кайгуул милициясынын маалымат кызматы кабарлады.

Билдирмеге ылайык, окуя 27-майда болжол менен түшкү саат 13:00дө болуп, видеосу буга чейин интернетке жарыяланган. Күбөнүн айтымында, жети автоунаа сүзүшкөн.

Кайгуул милициясынын алдын ала берген маалыматына таянсак, Hyundai, Mitsubishi, Hyundai Sonata, Subaru Legacy, Honda Fit жана Stepwgn үлгүлөрүндөгү алты автоунаа кагышкан. Учурда бардык транспорт каражаттары айып короого токтотулуп, кырсыктын себептери такталууда.

225
Белгилер:
автоунаа, жол кырсык, милиция, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Ош—Бишкек жолундагы автокырсык: каза тапкан айдоочу бир үйдүн жалгыз уулу болгон
Бишкек: жолдун кесилишинде жети автоунаа сүзүштү. Кырсык учурундагы видео
Аэропорттогу жүргүнчүлөр медициналык бет капчан. Архив

Облустардагы COVID-19: сырттан келген бейтаптардын статистикасы

11
(жаңыланган 10:45 28.05.2020)
Кыргыз өкмөтү сыртта иштеп жүргөн кыргызстандыктарды учак жана автобустар менен мекенине алып келүүсүн улантууда. Алардын арасынан вирус жуктургандар дагы чыгып жатат.

БИШКЕК, 28-май — Sputnik. Коронавирус жуктургандардын арасында 450 учур сырттан келгендерден катталган. Бул жалпы ооругандардын 30 пайызын түзөрүн брифинг учурунда саламаттык сактоо министринин орун басары Нурболот Үсөнбаев билдирди.

Облустардагы сырттан келген бейтаптар:

  • Бишкек шаары — 38 пайыз;
  • Чүй облусу — 11 пайыз;
  • Жалал-Абад облусу — 13 пайыз;
  • Ош шаары — 9 пайыз;
  • Ош облусу — 15 пайыз;
  • Нарын облусу — 19 пайыз;
  • Ысык-Көл облусу — 1 пайыз;
  • Баткен облусу — 2 пайыз.

Учурда өлкө аймагындагы кырдаал тууралуу Sputnik Кыргызстан тексттик баяндама жүргүзүүдө.

11
Белгилер:
аймак, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Америкада депрессияга түшүп, тынчсыздангандар кескин көбөйдү
Азайбай жатат! Бүгүн 74 кишиден коронавирус чыкты