Кыз бетин жабып отурат. Иллюстративдик сүрөт

Дубал сүздүрүп... Ошто келинине кол көтөргөн кайнене сот жообуна тартылды

544
Фемида өкүлдөрү мурда-кийин соттолбогон беш баланын энесин 50 саатка коомдук жумушка тартуу чечимин кабыл алды.

БИШКЕК, 23-май — Sputnik. 49 жаштагы аял келинине кол көтөрүп сот жоопкерчилигине тартылды. Бул тууралуу Жогорку соттун расмий сайтында жарыяланды.

Өкүмгө ылайык, окуя Ош облусундагы айылдардын биринде болгон. Анда жабырлануучу маркум кайнатасына куран окутканы айылга барып, кайненеси менен уруша кеткен. Маалыматта жесир аял келинин "үйдөн чыгып кет" деп жулмалап дубал сүздүрүп, ден соолугуна зыян келтиргени айтылат.

Териштирүү маалында айыпталуучу ага карата кол көтөрбөгөндүгүн жана жөн гана "сен 15 жылдан бери келбей эмне келип калдың" деп кайрылгандыгын айткан.

Сот мурда-кийин соттолбогон беш баланын энесин 50 саатка коомдук жумушка тартуу чечимин кабыл алды.

544
Белгилер:
кайын журт, өкүм, сот, Кыргызстан
Тема боюнча
Коркутам деп... Айылдашын айры менен сайып жиберген ишкер кесилип кетти
Бакиевдердин VIP-шаарчасы кантип сатылган? 2,5 жыл иликтенген иштин чоо-жайы
ЖК депутаты Айсулуу Мамашова

Мамашова: сот ажатканада 13 жаштагы кызды зордуктаган баланы актап жиберди

100
(жаңыланган 12:27 04.06.2020)
Депутаттын айтымында, сот шектүүнү актап, кайра жабырлануучу кыздын апасына шектүүгө моралдык чыгым төлөп беришин милдеттендирген.

БИШКЕК, 4-июн. — Sputnik. Бишкектеги соода борборлорунун биринин ажатканасында 13 жаштагы кызды зордуктоого шектелген 22 жаштагы жигитти сот актап жиберди. Бул туурасында депутат Айсулуу Мамашова парламенттин жыйынында билдирди.

Анын айтымында, бул ишти Биринчи Май райондук сотунун судьясы Айбек Эрнис уулу карап, "кыз зордукталган эмес" деген чечим чыгарып, шектүүнү жазадан бошоткон. Аны менен катар эле жабырлануучу кыздын апасына шектүүгө моралдык чыгым төлөп беришин милдеттендирген. Мындан улам алар райондук соттун чечимине нааразы болуп, шаардык сотко кайрылып, андан да утулуп калган. Учурда Жогорку сотко даттанып жатышат.

"Жакында эле Балдарды коргоо күнүн белгилеп, куттуктадык. Бирок мага Bishkek Park соода борборунун ажатканасында зордукталган 13 жаштагы кыздын энеси менен адвокаты кайрылды. Далилдери бар экенине, экспертизанын корутундусу чыкканына карабай, көпчүлүккө белгилүү судья Айбек Эрнис уулу (экс-депутат Өмүрбек Текебаевдин ишин караган) шектүү баланы актап жиберди. Ал жаш балдар лагеринде иштеп жүрчү экен. Тилекке каршы, анын башка кыздарды да зордуктаганы боюнча күбөлөр айткан. Бирок бүгүнкүгө чейин ал эркиндикте жүрөт. Себеби анын органдарда иштеген туугандары бар экен. Мындай адамдар түрмөдө отурушу керек болчу", — деди Мамашова.

Ошондой эле депутат кыздын апасына төлөөгө милдеттендирилген моралдык чыгымдын суммасын шектүү тарап өзү аныктамай болгонун билдирди.

"Судья Эрнис Айбек уулуна аябай нааразымын, уят деген болуш керек да, жаш кыздын тагдырын ойлобойбу. Жогорку сотко барганда калыс карап беришин суранам. Прокурорлор дагы жаш кыздын кызыкчылыгын коргой албай жатат", — деп кайрылды депутат.

Эл өкүлүнүн айтымында, окуя 2016-жылы болгон, сот иштери ошондон бери уланып жатат.

100
Белгилер:
баш тартуу, сот, зордуктоо, депутат, Айсулуу Мамашова
Тема боюнча
Ноокенде 10 жаштагы кызды зордуктады делген адамга сот чечим чыгарды
Решеткадагы наручниктер. Иллюстративдик сүрөт

Бишкекте милиция бөлүмүнөн камактагы шектүү качып кетти

99
(жаңыланган 11:55 04.06.2020)
Шектүү катары кармалып турган адамдын качып кетүүсүнө жол берген кызматкерлердин аракети боюнча кызматтык иликтөө жүрүп жатат.

БИШКЕК, 4-июн. — Sputnik. Кечээ Бишкектин Ленин райондук №2 милиция бөлүмүндө кармалып турган 50 жаштагы Бакыт Турдубаев аттуу камактагы шектүү жаран качып кетти. Бул тууралуу аталган райондун ИИБинен билдиришти.

Учурда аны издөө иштери жүрүп жатат. Милиция анын кайда экенин билгендер болсо 0(312) 352-605, 0(312) 444-457, 0(700) 425-344 жана 102 номерлерине кабарлап коюуну суранды.

Сбежавший из ГОМ-2 УВД Ленинского района подследственный
© Фото / пресс-служба УВД Ленинского района
Бишкектин Ленин райондук №2 милиция бөлүмүнөн качып кеткен 50 жаштагы Бакыт Турдубаев

Шектүүнүн белгилери:

Кара түстөгү көйнөк, шым жана бут кийим кийип жүргөн. Бою — 165-170 сантиметр, салмагы — 65-70 килограмм. Кара тору, арык жана чачтары тармал.

Шектүү катары кармалып турган адамдын качып кетүүсүнө жол берген кызматкерлердин аракети боюнча кызматтык иликтөө жүрүп жатат.

99
Белгилер:
издөө, шектүү, милиция, Бишкек
Тема боюнча
Ош: таксисттерди бычак менен коркутуп, акча талап кылды делген киши кармалды
Кыргызстандын Куралдуу күчтөрүнүн Улуттук гвардиясынын параддык эсеби 24-июнда Москвада өтө турган Улуу Жеңиштин 75 жылдыгына арналган парадга даярданып жатат

Улуттук гвардиянын жоокерлери Москвада өтчү парадга даярданууда. Сүрөт

25
(жаңыланган 13:00 04.06.2020)
Москвада 9-майда өтө турган парад коронавируска байланыштуу жылдырылып, 24-июнда өтмөй болгон. КР жоокерлери ал жакка баруу алдында коронавируска ПЦР-анализ тапшырышат.

БИШКЕК, 4-июн. — Sputnik. Кыргызстандын Куралдуу күчтөрүнүн Улуттук гвардиясынын параддык эсеби 24-июнда Москвада өтө турган Улуу Жеңиштин 75 жылдыгына арналган парадга даярданып жатат. Бул тууралуу Генералдык штаб билдирди.

  • Парадный расчет Национальной гвардии Вооруженных Сил Кыргызской Республики во время тренировки
    Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Биринчи чакыруу 9-майга чукул жиберилген
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Москадагы парад коронавируска байланыштуу жылдырылып, 24-июнда өтмөй болгон
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Аскер кызматчылары Москва шаарына баруунун алдында коронавируска ПЦР-анализ тапшырышат
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Гвардиячылар Россиянын борборуна баргандан кийин парадга катышууга чакырылган башка өлкөлөрдүн өкүлдөрү менен бирге жалпы параддын курамында машыгуусун улантат
    © Фото / Пресс-служба Генштаба КР
  • Парадный расчет Национальной гвардии Вооруженных Сил Кыргызской Республики во время тренировки
    Улуттук гвардиянын аскерлери Кызыл Аянттагы юбилейлик парадга ушуну менен экинчи жолу катыша турганы айтылды
    © Фото / Пресс-служба Генштаба КР
1 / 6
© Фото / Пресс-служба Генштаба КР
Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген
"Гвардиячылар карантин учурунда дагы машыгууларды токтоткон жок. Жоопкерчиликти талап калган маанилүү иш-чарага күжүрмөн жана саптык даярдыгы мыктылар тандалып алынган. Санитардык талаптарды сактоо менен параддык жүрүштүн элементтерин иштеп чыгышты", — деп айтылат маалыматта.

Маалыматка ылайык, парадга катышып берүү боюнча Россиянын коргоо министри Сергей Шойгунун экинчи чакыруусу келген. Биринчи чакыруу 9-майга чукул жиберилген. Москадагы парад коронавируска байланыштуу жылдырылып, 24-июнда өтмөй болгон.

Аскер кызматчылары Москва шаарына баруунун алдында коронавируска ПЦР-анализ тапшырышат. Гвардиячылар Россиянын борборуна баргандан кийин парадга катышууга чакырылган башка өлкөлөрдүн өкүлдөрү менен бирге жалпы параддын курамында машыгуусун улантат.

Улуттук гвардиянын аскерлери Кызыл Аянттагы юбилейлик парадга ушуну менен экинчи жолу катыша турганы айтылды.

25
Тема:
Улуу Ата Мекендик согуштагы Жеңиштин 75 жылдыгы
Тема боюнча
Жээнбеков Москвада өтө турган Жеңиш парадына катышат