Ош облусуна караштуу Кара-Суу районундагы Папан суу сактагы. Архив

Ошто Папан суу сактагычынан 22 жаштагы жигиттин сөөгү табылды

359
(жаңыланган 12:05 23.05.2020)
Сууга чөккөн жигиттин сөөгү бир күндөн кийин, тагыраагы, 23-майда эртең мененки саат 07:30дарда табылган. Куткаруучулар аны туугандарына өткөрүп бергени кабарланды.

БИШКЕК, 23-май — Sputnik. Ош облусуна караштуу Кара-Суу районундагы Папан суу сактагычынан 22 жаштагы жигиттин сөөгү табылды. Бул тууралуу ӨКМ маалымат кызматы кабарлады.

Билдирмеге ылайык, куткаруучуларга 22-майда суу сактагычка эркек киши чөгүп кеткендиги тууралуу маалымат келип түшкөн.

Жерине ӨКМдин куткаруучулары барып издөө иштерин жүргүзгөн. Сууга чөккөн жигиттин сөөгү бир күндөн кийин, тагыраагы, 23-майда эртең мененки саат 07:30дарда табылган. Куткаруучулар аны туугандарына өткөрүп бергени кабарланды.

359
Белгилер:
кырсык, суу сактагычы, Ош, ӨКМ
Тема боюнча
Таласта сууга агып кеткен 6 жашар баланын сөөгүн айылдаштары тапты
Бишкекте күзөтчү будкасын сүзгөн айдоочуну кармоо

Күзөтчүнүн будкасын талкалай сүзгөн айдоочу кантип кармалганы айтылды

314
(жаңыланган 14:05 07.06.2020)
Күзөтчүнүн будкасын талкалап, инспекторлордон качкан айдоочу 30 жаштагы киши экени айтылды. Текшерүү учурунда анын мас экени аныкталган.

БИШКЕК, 7-июн. — Sputnik. Бишкекте күзөтчү отурган жайды жолтандабасы менен талкалай сүзгөн айдоочунун машинасынан эки огу менен газ тапанча табылган. Бул тууралуу Чүй облустук ЖКККББнын маалымат кызматы кабарлады.

Эске салсак, кечээ, 6-июнда, Бишкекте жаалданган айдоочу күзөтчү отурган жайды жолтандабасы менен сүзүп талкалап, андан кийин ага кол көтөргөн. Көп өтпөй соцтармакта ошол эле айдоочу ЖКККББ кызматкерлеринен качып бараткан кинодогудай видео тараган.

Посмотреть эту публикацию в Instagram

Публикация от Короче KG (@koroche_kg)

ЖКККББнын маалыматына ылайык, 6-июнда болжол менен саат 18:30дарда Бишкек — Торугарт автотрассасында (айланма жол) Кайгуул кызматы ылдамдыгын жогорулатып айдаган Toyota Land Cruiser 200 үлгүсүндөгү автоунааны токтотууга аракет кылган.

Бирок айдоочу токтобогондуктан, милиция артынан кууган. Инспекторлор бул ишке Кемин районундагы кесиптештерин да көмөктөшүүгө чакырган.

  • Внедорожник марки Toyota Land, водитель, которого протаранил будку с охранником в центре Бишкека
    Бишкекте күзөтчү отурган жайды жолтандабасы менен талкалай сүзгөн айдоочунун машинасынан эки огу менен газ тапанча табылган
    © Фото / Пресс-служба УОБДД Чуйской области
  • Внедорожник марки Toyota Land, водитель, которого протаранил будку с охранником в центре Бишкека
    ЖКККББнын маалыматына ылайык, 6-июнда болжол менен саат 18:30дарда Бишкек — Торугарт автотрассасында (айланма жол) Кайгуул кызматы ылдамдыгын жогорулатып айдаган Toyota Land Cruiser 200 үлгүсүндөгү автоунааны токтотууга аракет кылган
    © Фото / Пресс-служба УОБДД Чуйской области
  • Внедорожник марки Toyota Land, водитель, которого протаранил будку с охранником в центре Бишкека
    Бирок айдоочу токтобогондуктан, милиция артынан кууган. Инспекторлор бул ишке Кемин районундагы кесиптештерин да көмөктөшүүгө чакырган
    © Фото / Пресс-служба УОБДД Чуйской области
1 / 3
© Фото / Пресс-служба УОБДД Чуйской области
Бишкекте күзөтчү отурган жайды жолтандабасы менен талкалай сүзгөн айдоочунун машинасынан эки огу менен газ тапанча табылган
"Милиция кызматкерлери үн күчөткүч менен айдоочуга автоунаасын токтотуусун эскерткен. Бирок айдоочу токтогон эмес. Мындан улам укук коргоочулар асманга ок чыгарышкан. Алгач эскертүү иретинде асманга ок чыгарып, андан кийин жолтанбастын арткы дөңгөлөгүнө атышкан. Натыйжада айдоочу Кеминдин Дорожное айылынын тушунан колго түшүрүлгөн", — деп айтылат маалыматта.
Задержан водитель, протаранивший будку с охранником в центре Бишкека
© Фото / Пресс-служба УОБДД Чуйской области
Бишкекте күзөтчү будкасын сүзгөн айдоочуну кармоо

Күзөтчүнүн будкасын талкалап, инспекторлордон качкан айдоочу 30 жаштагы киши экени белгилүү болду. Анын мас экени аныкталып, автоунаасын текшерүү учурунда эки огу менен газ тапанча жана бычак табылганы айтылды.

Автоунаа айып короого токтотулуп, Кемин райондук жана Бишкектин Биринчи Май районундагы Ички иштер башкармалыгында сотко чейинки өндүрүш иштери башталды.

314
Белгилер:
инспектор, видео, күзөтчү, айдоочу, Кемин
Тема:
2020-жылдын башынан бери Кыргызстанда болгон жол кырсыктар
Талкаланган кароолкана. Архивдик сүрөт

Жолтандабас айдоочусунун жоругу. Toyota талкалай сүзгөн кароолканадагы окуя

461
(жаңыланган 01:06 07.06.2020)
Тартип коргоо органдарындагы маалымат булактар Sputnik агенттигине мас айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

БИШКЕК, 7-июн. — Sputnik. Toyota айдоочусунан жабыркаган Темир Мырзабек, Бишкектин борборундагы окуя болгон жердин күзөт кызматкери Sputnik Кыргызстанга чатак боюнча өзүнүн версиясын айтып берди.

Милициянын маалыматына караганда, ал будканы 17:20 чамасында талкалай сүзгөн. Окуя Тоголок Молдо көчөсүнүн түндүктү көздөй кеткен бөлүгүндө, тагыраагы, Токтогул менен Киев көчөлөрүнүн ортосунда болгон. Видеону Алимджан Валиев Facebook баракчасына жарыялады. Мырзабектин айтымына караганда, Toyota Land Cruiser жол тандабасынын айдоочусу болжол менен 17:20 чамасында бир топ эле катуу келип кирген.

"Мен жакындап барсам, мас экен. Айтыша кеттим. Урушкум келген жок. Кайра будкага келип отурдум. Ал короодон кайра айдап чыгып келе жатып, мен отурган кароолкананы үч ирет сүздү. Анын алдында чыга качканга үлгүрдүм. Баарын сөктү, кофейнянын дагы бир күзөт кызматкери менен урушту да машинасына отуруп кетип калды", — деди ал.

Айдоочу кирип келе жатып темир тосмону сүрүп кеткен.

Тартип коргоо органдарынын кызматкерлери Sputnik агенттигине ал аталган жерге келгенге чейин Ахунбаев көчөсүндө да жол кырсыкка кабылганын айтып беришти. Автокырсыктын кандай болгону аларга так маалым боло электигин айтышты. "Перехват" планы жарыяланып, издөө башталган.

30 жаштагы айдоочуну Кемин районунан кармашкан. Автоинспекторлордун бир нече ирет токто дегенине көнбөй, жолун улаган. Тартип коргоо органдарындагы маалымат булактар Sputnik агенттигине айдоочу Кеминге бара жаткан жолдо бир нече блокпостту жөөлөп, сүзүп кеткенин айтып беришти.

461
Белгилер:
куугун, блокпост, айдоочу, мас, Токмок, Бишкек, Кыргызстан
Тема боюнча
Бишкек: Land Cruiser айдаган киши күзөтчүнүн будкасын талкалап, мушташкан видео
Бразилиялык чемпион Аманда Нуньес. Архив

Жеңилгис экен! Шевченконун эзелки каршылашы Нуньестин жаңы жеңиши видеодо

72
(жаңыланган 13:58 07.06.2020)
Кыргызстандык мушкер Валентина Шевченко менен бразилиялык чемпион кыз Аманда Нуньес октагонда эки ирет кез келип, баарында тең атаандаш тарап жеңишин майрамдаган.

БИШКЕК, 7-июн. — Sputnik. Лас-Вегаста өткөн UFC 250 турниринин башкы беттешинде чемпиондук наамын коргоого чыккан Аманда Нуньес канадалык атаандашы Фелиция Спенсерди утуп алды. Бул тууралуу уюм Instagram баракчасы аркылуу кабарлады.

Сүрөттөн Нуньес каршылашы Спенсерге өзүнүн чемпиондук курун карматып, сый көрсөтүп жатканын көрүүгө болот.

Посмотреть эту публикацию в Instagram

Публикация от ufc (@ufc)

Беттеш Бишкек убактысы боюнча 7-июнга караган түнү болду. Мушкер кыздардын беттеши толук беш раундга созулуп, жыйынтыгында калыстар жеңишти Нуньеске ыйгарышкан. Бразилиялык спортчу кармаштын жүрүшүндө көбүрөөк үстөмдүк кылып, партерде күрөшөм деген Спенсерге эч мүмкүнчүлүк берген эмес. Туруп беттешүүдө дагы артыкчылыгын көрсөткөн.

Посмотреть эту публикацию в Instagram

Публикация от UFC Español (@ufcespanol)

Жалпысынан Нуньес чемпиондук наамдарын жетинчи ирет коргоп жатат. Ал 61 (жеңил салмак) жана 65 килограмм (орточо жеңил) салмактагылар арасында чемпион экендигин белгилей кетели. Алгач жеңил салмактагылар арасында бел курду 2016-жылы Миша Тейтти уткандан кийин тагынып, аны Ронда Роузи, Валентина Шевченко, Ракель Пеннингтон, Холли Холм, Жермейн де Рандамини утуу менен коргоп калган. Ал эми орточо жеңил салмактагылар арасындагы чемпиондук наамды Крис Сайборгду уткандан кийин тагынып, бүгүн Фелиция Спенсерди жеңүү менен сактап калды.

Посмотреть эту публикацию в Instagram

Публикация от MMA (@mma.ufcufc)

Белгилей кетсек, кыргызстандык мушкер Валентина Шевченко менен бразилиялык чемпион кыз Аманда Нуньес октагонда эки ирет кез келип, баарында тең атаандаш тарап жеңишин майрамдаган. Ошондон кийин Шевченко 57 килограмм салмакка которулуп, чемпион болгон. Ал ар дайым Нуньес менен "бүтпөй калган иши" бар экендигин айтып келет.

72
Белгилер:
жеңиш, чемпион, беттешүү, Валентина Шевченко, Аманда Нуньес, UFC
Тема боюнча
UFC чемпиону Вэйли Чжан кайрадан Валентина Шевченкого чакырык таштады