Тергөө изоляторунун туткуну. Архив

Кылмыштуу топтун мүчөсү "Казак" кыз зордуктап 10 жылга кесилди

310
(жаңыланган 12:03 27.05.2020)
Кылмыштуу топтун 38 жаштагы бул мүчөсү боюнча арыз былтыр түшүп, анда 16 жаштагы кызды зордуктоого шектелгени айтылды.

БИШКЕК, 27-май — Sputnik. Ош шаардык сотунун чечими менен 26-май күнү "Казак" каймана аты менен таанылган уюшкан кылмыштуу топтун мүчөсү М. у М. 10 жылга эркинен ажыратылды. Бул тууралуу Sputnik Кыргызстан агенттигине Ош облустук сотунун маалымат катчысы Бекзат Осмонкулов билдирди.

Соттун чечимине ылайык, ал Жазык кодексинин 161-беренеси ("Жашы жете электигин билип туруп зордуктоо") боюнча күнөөлүү деп табылган. Үй камагы боюнча бөгөт чарасы өзгөртүлүп камакка алынган.

"Уюшкан кылмыштуу топтун "Казак" каймана аттуу мүчөсү боюнча арыз былтыр түшкөн. Ал 16 жаштагы кызды күч колдонуп, зордуктаганга шектелген", — деп айтылат маалыматта.

Мындан сырткары, ал былтыр күзүндө эс алуу жайында башка бирөөлөр менен чактакташа кетип, денесине залал келтиргенин айтышты.

"38 жаштагы ал адам Ош шаарындагы түнкү эс алуу борборунда 23 жаштагы жаран менен сөз талаша кетип, миздүү нерсе менен желкесине жана оң каруусуна сайып, денесине залал келтиргендиги үчүн былтыр 9-октябрда кармалган эле", — дешти маалымат кызматтан.

Буга чейин Жалал-Абал облустук милициясы да уюшкан кылмыштуу топтун мүчөлөрүн кармаган.

310
Белгилер:
сот, шектүү, зордуктоо, кармоо, уюшкан кылмыштуу топ, Ош шаары, Кыргызстан
Тема боюнча
ИИМ: кыргызстандыктар менен бирге Европага героин ташыган чет элдиктер кармалды

Спецназдын Ошто кримтөбөлдү кармаган учуру. Видео

218
Ош облусунда криминалдык чөйрөдөгү адамдардын бири кармалды. Бул тууралуу ИИМдин маалымат кызматы кабарлап, кармоо учурун YouTube каналына жарыялады.

Видеодо көрүнүп тургандай, спецназ шектүүнү колго түшүргөндөн кийин жерге жаткырып, колун кишендеп, андан бир нече суммадагы акча каражатын тапкан.

ИИМ билдиргендей, ага чейин жергиликтүү тургун 34 жаштагы жаран опузалап акча талап кылып жатканы боюнча милицияга арызданган. Маалым болгондой, кримтөбөл арыз ээсинен бир нече айдан бери 100 миң сом же беш сотых жер бер деп талап кылып жүргөн.

УКМК Камчы Көлбаев кайсы кылмышы үчүн кармалганын айтты

Милиция кызматкерлери шектүүнү 20-октябрда Кара-Суу районунан колго түшүрүшкөн. Анын криминал чөйрөсүнө тиешеси бар экени аныкталып, ИИМде уюшкан кылмыштуу топтун мүчөсү катары каттоодо турары маалым болду. Буга чейин ал Россияда каракчылык үчүн соттолуп чыккан.

218
Белгилер:
видео, кармоо, Ош
Тема боюнча
УКМК Камчы Көлбаев кайсы кылмышы үчүн кармалганын айтты
Жогорку соттун имараты. Архив

УКМК: Евробиримдик берген грантты жеп койгон деп Жогорку соттун өкүлү камалды

160
(жаңыланган 13:39 22.10.2020)
Берилген гранттын негизги суммасы желип, эски программалык жабдык алынганы үчүн сыр маалыматтар сыртка чыгып кеткени айтылды.

БИШКЕК, 22-окт. — Sputnik. Жогорку соттун жооптуу кызматтагы адамдары автоматташтырылган "Жергиликтүү сот" маалыматтык системасын ишке киргизүүдө коррупциялык ишке барышкан. Анын кесепетинен бир катар сыр маалыматтар сыртка чыгып кеткен. Бул тууралуу УКМКдан билдиришти.

Маалыматка караганда, Европа биримдиги аталган система үчүн Кыргызстанга ири суммадагы грант бөлгөн. Бирок Жогорку соттун өкүлдөрү негизги сумманы алып калыш үчүн коррупциялык схема түзүшкөн.

"2016-жылы Европа биримдиги "Жергиликтүү сот" системасы үчүн грант бөлгөн. Аны ЦБИ ЖЧКсы ишке ашырмай болгон. Бирок компаниянын З.А.А. аттуу жетекчиси Жогорку соттун жетекчилиги менен сүйлөшүп алып, негизги сумманы кымырып алышкан. Кийин ишке жараксыз, эскирген программалык жабдыкты алып беришкен. Бирок ал бүгүнкүгө чейин баланска алына элек жана 2020-жылдын ноябрында мөөнөтү бүтөт. Буга байланыштуу ведомстволор аралык "Түндүк" системасына туташа албайт", — дешти УКМКдан.

Бул фактыны жаап-жашыруу үчүн Жогорку соттун жетекчилиги башка IT-компания менен жалган келишим түзүүнү чечкен.

"Ал компания жаңы программалык жабдыкты түзүү милдетин алган. Анын кызматына бюджеттен сегиз миллион сом бөлүнмөк. Мындан сырткары, "Жергиликтүү сот" системасынын маалыматтары ЦБИ компаниясы үчүн жеткиликтүү болгондуктан Мамлекеттик каттоо кызматына караштуу "ЗАГС", "Паспорт" жана "Адрестик – сурап-билүү бюро" системасындагы маалыматтар сыртка чыгып кеткен", — деп айтылат маалыматта.

30 күн убакыт берем, уурдаган акчаңарды кайтаргыла! Жапаровдун видеокайрылуусу

21-октябрь күнү УКМКнын Коррупцияга каршы кызматы Жогорку сот менен компаниянын имаратын, кызматкерлердин үйүн тинтүүгө алып, тергөө үчүн керектүү нерселерди алып кетишкен. Ошол эле күнү кылмышка шектүү катары ЦБИ ишканасынын жетекчиси З.А., Жогорку сотко караштуу Сот департаментинин алдындагы "Адилет сот" мекемесинин жетекчиси Т.А. УКМКнын тергөө абагына киргизилди.

Иш Кылмыш-жаза кодексинин 319-беренеси ("Коррупция") боюнча тергелип жатат.

160
Белгилер:
Жогорку сот, коррупция, кылмыш, УКМК
Тема боюнча
Башкы прокуратура: Атамбаев, Шадиев сыяктуулар өлкөгө 13,6 млрд. сом зыян келтирген
Бишкектеги Кыргызфильм киностудиясын имараты. Архив

"Кыргызфильм" киностудиясына жаңы жетекчи дайындалды

0
(жаңыланган 15:17 22.10.2020)
Тиешелүү буйрукка маданият, маалымат жана туризм министри Нуржигит Кадырбеков кол койгон. Бекболотов буга чейин "Айтыш" коомдук фондунун жетекчиси болуп иштеген.

БИШКЕК, 22-окт. — Sputnik. Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды. Бул тууралуу Маданият, маалымат жана туризм министрлигинен кабарлашты.

Ага ылайык, тиешелүү буйрукка министр Нуржигит Кадырбеков кол койгон.

"Эмгек кодексинин 55-58-беренелерине жана өкмөттүн 2013-жылдын 3-майындагы №236 токтому менен бекитилген "КР маданият, маалымат жана туризм министрлиги жөнүндө" жобонун 13-пунктуна ылайык, Акжолтой Бекболотов Төлөмүш Океев атындагы "Кыргызфильм" улуттук киностудиясынын директору болуп дайындалды",— деп жазылат маалыматта.

ЖК депутаттары Тилек Токтогазиевди айыл чарба министри кылып бекитти

Бекболотов буга чейин "Айтыш" коомдук фондунун жетекчиси болуп иштеген.

0
Белгилер:
дайындоо, жетекчи, кызмат, Кыргызфильм
Тема боюнча
Жапаров Зулушевди Башкы прокуратура жамаатына өзү барып тааныштырды