Темир жолдо бараткан поезд. Архив

Аз жерден калды! Чүйдө рельске чыгып алган аялдын аман калган видеосу

306
(жаңыланган 11:30 09.06.2020)
"Кыргыз темир жолу" ишканасы поезд жолунда этият болууну жана коопсуздук эрежелерин сактоону эскертти.

БИШКЕК, 9-июн. — Sputnik. Чүй облусундагы Кара-Балта — Кайыңды темир жолунда аз жерден адам өмүрүнө коркунуч жараткан кырсык боло жаздады. Бул тууралуу "Кыргыз темир жолу" мамлекеттик ишканасынын маалымат кызматы кабарлады.

Ага ылайык, 7-июнь күнү саат 17:42де Кара-Балта — Кайыңды темир жолунун 3712-чакырымында аял киши темир жолго чыгып, поезддин келе жатканын байкабай калган. Машинист тез арада тормозду басып, катуу үн чыгарып белги берген.

"Кадрлардан аял киши поезддин катуу сигналын укпай турганын көрүүгө болот. Бирок акыркы ирмемдерде ал рельстен секирип кетүүгө үлгүргөн. Учурда бул факты текшерилип, аялдын өздүгү такталууда", — деп айтылат маалыматта.

Ишкана темир жолдордо этият болууну жана коопсуздук эрежелерин сактоону эскертти.

306
Белгилер:
видео, коопсуздук, өмүр, поезд, темир жол, Чүй облусу
Тема боюнча
Балыкчыда Stepwgn жол четиндеги бетонду сүзүп, эки аял каза болду. Сүрөт
Аялга кол салып жаткан адам. Иллюстративдүү сүрөт

Аялдарга кечинде кол салып турушкан. Милиция Аламүдүндөн шектүүлөрдү кармады

148
(жаңыланган 11:38 25.02.2021)
2020-жылдын декабрь айынан бери үч аял жабыркаган. Тоногондор аларды муунтуп күч колдонуп, көбүнчө уюлдук телефондорун тартып алышкан.

БИШКЕК, 25-фев. — Sputnik. Аламүдүн районунда белгисиз адамдардын аялдарга кол салып, аларды муунткан бир нече фактысы катталды. Бул тууралуу Чүй облустук милициясынын маалымат кызматынан кабарлашты.

Задержанные по подозрению в нападении на женщин в Аламудунском районе
© Фото / пресс-служба ГУВД Чуйской области
Шектүүлөр

Билдирмеге караганда, шектүүлөр аялдарга кечинде кол салып турушкан. 2020-жылдын декабрь айынан бери үч аял жабыркаган. Тоногондор аларды муунтуп күч колдонуп, көбүнчө уюлдук телефондорун тартып алышкан.

"Аталган кылмышка шектелип 20 жаштагы Б.М. аттуу улан жана буга чейин бир нече жолу кылмыш жоопкерчилигине тартылган 21 жаштагы К.Д. кармалган", — деп жазылат маалыматта.

Бул боюнча кылмыш иши башталып, шектүүлөрдүн ушул сыяктуу башка иштерге катыштыгы такталып жатат.

148
Белгилер:
милиция, шектүү, каракчылык, талап-тоноо, Аламүдүн району, Чүй облусу
Тема боюнча
Бишкек: кыздарды батиринен тоноп, банк картасын тартып алгандар кармалды. Видео
Бишкек-Ош жолундагы Көлбаев атындагы туннель. Архив

Көчкү түшүп, Бишкек Ош жолу убактылуу жабылды

99
(жаңыланган 00:03 25.02.2021)
Көлбаев атындагы туннелден азыр автоунаалар өтө албайт. Тиешелүү кызматтар жолду кардан тазалап жатат. Министрлик аталган чектөө эртең мененки саат алтыга чейин экендигин кошумча кабарлады.

БИШКЕК, 24-фев. — Sputnik. Кечинде Бишкек — Ош жолунун 132-чакырымында көлөмү болжол менен 1800 м3 кар көчкү түшкөндүктөн, учурда жол жабылды. Бул тууралуу ӨКМдин маалымат кызматынан кабарлашты.

"Жайыл районунда кечки саат 21:00дөр чамасында Бишкек — Ош жолунун 132-чакырымында көлөмү болжол менен 1800 м3 кар көчкү түшүп, жол жабылды. Тиешелүү кызматтар жолду тазалап жатат. Көлбаев атындагы туннелден азыр автоунаалар өтпөйт", — деп айтышты ӨКМден.

Министрлик аталган чектөө эртең мененки саат алтыга чейин экендигин кошумча кабарлады.

99
Белгилер:
туннель, көчкү, Бишкек - Ош жолу, Кыргызстан
Тема боюнча
Бишкек — Ош жолунда 113 миң куб метр кар атып түшүрүлдү
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков. Архив

Сазыков: учурда 230 миңден ашуун адам салыкты онлайт төлөп жатат

0
(жаңыланган 16:26 25.02.2021)
Мамлекеттик салык кызматынын маалыматтык камсыздоо бөлүмүнүн башчысы Эркин Сазыков бирдиктүү салык декларациясын юридикалык жактар 1-мартка чейин тапшырышы зарыл деди.

Салык төлөөдөгү, декларация толтуруудагы электрондук кызматтарды онлайн колдонуу ыңгайлуу жана акысыз. Бул тууралуу Эркин Сазыков Sputnik Кыргызстан радиосуна маек куруп жатып билдирди.

Сазыков: учурда 230 миңден ашуун адам салыкты онлайт төлөп жатат

Анын айтымында, быйыл жеке жактар салык декларациясын 2019-2020-жылдарга тапшырат.

"Азыркы убакта 230 миңден ашык салык төлөөчү электрондук форматка өткөн. Бул жарандардын өзү үчүн эле ыңгайлуу болот. Биринчиден, убактысы үнөмдөлөт жана 24 саат ичинде өзү каалаган учурда кызматтан пайдалануу мүмкүнчүлүгү түзүлөт. Экинчиден, азыркы эпидемиологиялык абалда коопсуздукту камсыздайт. Ошондой эле бул таптакыр акысыз көрсөтүлүүчү кызмат. Анан да анда электрондук эсептегичтер болуп, программа өзү жардам берет. Электрондук кызматтардан колдонуу үчүн болгону бир ирет тиешелүү мекемеге келип, логин алып, сыр сөзүн бекитип, https://salyk.kg/ сайтынан жеке кабинетке ээ болот", — деди Сазыков.

Ал жеке жактар бирдиктүү салык декларациясын 1-апрелге чейин тапшыруу зарылдыгын кошумчалады.

0
Белгилер:
онлайн, салык, декларация, Эркин Сазыков
Тема боюнча
Бирдиктүү салык декларациясы түн ортосуна чейин кабыл алына баштады