Эшиктин артында турган аял. Архив

Сот аялын катуу сабап, үч күн үйгө камаган эркекке өкүм чыгарды

316
Уруш аял менен күйөөсүнүн арак ичип отурган маалында башталган. Буга келиндин баласы машинаны уруксатсыз айдап кеткени да себеп болгон.

БИШКЕК, 12-июн. — Sputnik. Аялын ур-токмокко алып үйдө бир нече күн камаган эркек киши эки жылга эркинен ажыратылды. Бул тууралуу Жогорку соттун расмий сайтында жарыяланды.

Өкүмгө ылайык, окуя Бишкек шаарында болгон. Анда үй-бүлө башчысы аялы менен уруша кетип, аны шаардын четине таалага алып чыгып катуу сабап, андан соң кожойкени үйдөн чыгарбай бир бөлмөгө үч күнгө камап салган. Келин короодогу ажатканага барам деп жолдошун алдап качып чыгып, укук коргоо кызматкерлерине арыз жазган.

Айыпталуучу сот отурумунда күнөөсүн жарым-жартылай мойнуна алып, төмөндөгүдөй көрсөтмө берген.

"Аялым менен жашаганыма төрт ай болгон. Ал күнү келинчегим экөөбүз үйдө арак ичип отуруп уруша кетип, ага кол көтөргөм. Себеби аялымдын уулу автоунаамды уруксатсыз айдап кетип, сүзүп салыптыр. Андан сырткары, кызганычтын айынан араздашканбыз. Бирок анын эркине каршы кармаган эмесмин", — деп көрсөтмө берген ал.

Ал эми жабырлануучу аны жолдошу катуу сабап, телефонун сындырып, бети-башындагы көгаласы кетиши үчүн үйдө бир нече күн камагандыгын айткан.

Фемида өкүлдөрү чогулган материалдарды карап чыгып, тараптарды угуп, үй ээсин эки жылга эркинен ажыратты.

316
Белгилер:
өкүм, кылмыш, эркек, аял, Бишкек
Тема боюнча
Коркутам деп... Айылдашын айры менен сайып жиберген ишкер кесилип кетти
1000 сомдун айынан ажал таап... Аялын өлтүргөн эркекке өкүм чыкты

Автомат менен кирип, колуна кишен кийгизип. Камчы Көлбаевди кармаган видео

1220
(жаңыланган 16:35 22.10.2020)
Көлбаевге карата Жазык кодексинин "Кылмыштуу уюмду түзүү же ага катышуу" боюнча кылмыш иши козголуп, Кылмыш жана жоруктардын бирдиктүү реестрине катталган.

УКМК кримтөбөл Камчы Көлбаевди колго түшүргөн учурдун видеосун жарыялады.

Эске салсак, бүгүн, 22-октябрда, Бишкектеги спорт клубдардын биринен Камчы Көлбаев кармалып, УКМКга алып келинген.

Ага карата Жазык кодексинин 249-беренеси ("Кылмыштуу уюмду түзүү же ага катышуу") боюнча кылмыш иши козголуп, Кылмыш жана жоруктардын бирдиктүү реестрине катталган. Учурда сотко чейинки өндүрүш иштери башталды.

1220
Белгилер:
кримавторитет, Камчы Көлбаев
Тема боюнча
УКМК Камчы Көлбаев кайсы кылмышы үчүн кармалганын айтты
Камчы Көлбаев кармалды
Спецназдын Ошто кримтөбөлдү кармаган учуру. Видео

Спецназдын Ошто кримтөбөлдү кармаган учуру. Видео

568
Ош облусунда криминалдык чөйрөдөгү адамдардын бири кармалды. Бул тууралуу ИИМдин маалымат кызматы кабарлап, кармоо учурун YouTube каналына жарыялады.

Видеодо көрүнүп тургандай, спецназ шектүүнү колго түшүргөндөн кийин жерге жаткырып, колун кишендеп, андан бир нече суммадагы акча каражатын тапкан.

ИИМ билдиргендей, ага чейин жергиликтүү тургун 34 жаштагы жаран опузалап акча талап кылып жатканы боюнча милицияга арызданган. Маалым болгондой, кримтөбөл арыз ээсинен бир нече айдан бери 100 миң сом же беш сотых жер бер деп талап кылып жүргөн.

УКМК Камчы Көлбаев кайсы кылмышы үчүн кармалганын айтты

Милиция кызматкерлери шектүүнү 20-октябрда Кара-Суу районунан колго түшүрүшкөн. Анын криминал чөйрөсүнө тиешеси бар экени аныкталып, ИИМде уюшкан кылмыштуу топтун мүчөсү катары каттоодо турары маалым болду. Буга чейин ал Россияда каракчылык үчүн соттолуп чыккан.

568
Белгилер:
видео, кармоо, Ош
Тема боюнча
УКМК Камчы Көлбаев кайсы кылмышы үчүн кармалганын айтты
Кыз парктта кол чатыр менен бара жатат. Архив

Жумага карата аба ырайы

0
23-октябрга караган түнү кээ бир өрөөндөрдө жана тоо этектеринде жаан, тоолуу райондордо кар жаашы күтүлөт.

БИШКЕК, 22-окт. — Sputnik. Жума күнү, 23-октябрда, көпчүлүк аймактарда жаан жаап, тоо этектеринде жана тоолуу райондорго кар түшөт. Бул тууралуу Кыргызгидромет билдирди.

Маалыматка ылайык, Чүй, Талас өрөөндөрүндө, Ысык-Көл, Нарын облустарынын дыйканчылык аймактарында жаан карга айланышы мүмкүн. Ысык-Көл облусунун кээ бир райондорунда, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы күтүлөт.

Абанын температурасы Чүй өрөөнүндө +3…+8 градус, Таласта +2…+7 градус, Ош, Жалал-Абад, Баткен облустарында +5…+10 градус, Ысык-Көл жана Нарын аймактарында 0…+5 градус болору айтылды.

Бишкек жана Ош шаарларында мезгил-мезгили менен жамгыр жаап, борбор калаада карга айланышы ыктымал. Күндүн табы Бишкекте +6…+8 градус, Ош шаарында +13…+15 градуска чейин жетет.

Мындай туруксуз аба ырайы жайыттарда малды кармоону, автоунаа, энергетика жана коммуналдык кызматтардын ишин кыйындатат.

0
Белгилер:
Кыргызстан, октябрь, аба ырайы
Тема боюнча
Жалал-Абад облусунун аймагында кайрадан жер титиреди