Кишенделген адам. Архив

Аялынын мойнуна дөңгөлөк байлап мазактаган киши кармалды. Окуя Сузакта болгон

2422
(жаңыланган 16:25 12.06.2020)
Факт Кылмыш жана жоруктардын бирдиктүү реестрине Жоруктар кодексинин 75-беренеси ("Үй-бүлөдөгү зомбулук") боюнча катталган. Кармалган киши убактылуу кармоочу жайына киргизилген.

БИШКЕК, 12-июн. — Sputnik. Сузак райондук ички иштер башкармалыгы тарабынан аялынын мойнуна дөңгөлөк илип коюп, суу чачып мазактаган киши кармалды. Бул тууралуу Sputnik Кыргызстан агенттигине Жалал-Абад облустук милициянын маалымат катчысы Нурдин Жээнтаев билдирди.

Эске салсак, буга чейин социалдык тармактарда аял кишинин мойнуна дөңгөлөк байлап алып чакалап суу чачып, мазактаган кишинин видеосу тараган.

Жээнтаевдин айтымында, окуя 8-июнь күнү саат 11:00дөр чамасында Сузак районундагы айылдардын биринде болгон.

"Сузак районунун 52 жаштагы жашоочусу өз үйүндө 47 жаштагы аялынын мойнуна таш салынган дөңгөлөк байлап, чакалап суу чачкан. Жабырлануучу аял 11-июнь күнү Сузак райондук милициясына арыз жазып кайрылган. Жолдошу мындай кадамга үй-бүлөдөгү чыр-чатактан улам барганын айткан", — деди Жээнтаев.

Факт Кылмыш жана жоруктардын бирдиктүү реестрине Жоруктар кодексинин 75-беренеси ("Үй-бүлөдөгү зомбулук") боюнча катталган. Кармалган киши убактылуу кармоочу жайына киргизилген. Учурда тергөө иштери жүрүп жатат.

2422
Белгилер:
видео, үй-бүлө, зордук-зомбулук, күйөө, аял, Жалал-Абад облусу
Тема:
Мойнуна дөңгөлөк илинип кордолгон аял (8)
Тема боюнча
Жакындарына зомбулук көрсөткөн адамдын жазасы катуулайт. Өзгөргөн мыйзам
Күйөөсү 30 жыл урган аял соттун сөзүн угуп нес болду. Кризистик борборлордун иши
Кишендер. Архив

Төрт айдын ичинде Кыргызстанда 8 миң киши кылмышка барган

23
Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

БИШКЕК, 24-июн. — Sputnik. Үстүбүздөгү жылдын төрт айында республика боюнча кылмыштуулуктун саны 31 пайызга өстү. Январь-апрель айларында өлкөдө 8 миңге жакын адам кылмыш кылганын Башкы прокуратурага шилтеме берип Улуттук статистика комитети жазды.

"Төрт айда Кыргызстанда 17,5 миң кылмыш катталган. Бул 2020-жылдын ушул учуруна салыштырмалуу 31 пайызга көп дегенди түшүндүрөт. Кылмыштардын 60 пайызы Бишкек шаарында жана Чүй облусунда жасалган", — деп айтылат билдирүүдө.

Кылмыштын көбөйгөн түрлөрү:

  • алдамчылык — 1,7 эсеге;
  • уурулук — 30 пайызга;
  • тоноо – 10 пайызга;
  • адам өлтүрүү — 21 пайызга;
  • зордуктоо жана зордуктоо максатында кол салуу — 17 пайызга;
  • ден соолукка анча оор эмес зыян келтирүү – 11 пайызга;
  • кызмат абалынан кыянаттык менен пайдалануу — 21 пайызга;
  • ишенип берилген мүлктү ыйгарып алуу же чыгымдоо — 2,3 эсеге;
  • паракорлук — 14 пайызга;
  • баңгизаттарды мыйзамсыз жүгүртүү — 29 пайыз.

Кылмыш кылганы аныкталган 8 миң кишинин 16,5 пайызы аялдар, 4,7 пайызын жашы жете элек балдар түздү. Булардын 54 пайызы эч жерде иштеген жана окуган эмес.

23
Белгилер:
статистика, өсүү, кылмыш, Кыргызстан
Тема боюнча
Военно-Антоновкадагы балдар үйүндө көз жумган өспүрүм. Эки экспертиза дайындалды
Ошто студенттерден пара алууга шектелип камалган декан үй камагына чыкты
Чек арачы. Архив

Сөөк ашуусундагы жол кырсыкта бир чек арачы каза болду

113
(жаңыланган 12:28 24.06.2021)
Окуя кечээ, 23-июнь күнү, Ысык-Көл облусунда болгон. Айдоочу Сөөк ашуусунда бара жатканда рулду башкара албай, автоунаа оодарылып кеткен.

БИШКЕК, 24-июн. — Sputnik. УКМКнын Чек ара кызматынын аскери кызматтык милдетин аткарып жүрүп жол кырсыгынан каза болду. Бул тууралуу аталган мекемеден кабарлашты.

Кырсык кечээ, 23-июнь күнү, Ысык-Көл облусунда болгон.

"Коюлган тапшырманы аткаруу үчүн үч аскер жүк ташуучу автоунаа менен жүк алып бара жаткан. Алдын ала маалыматтарга караганда, айдоочу Сөөк ашуусунда рулду башкара албай, автоунаа оодарылып кеткен. Кесепетинде айдоочу ооруканага жетпей жолдо каза болуп, эки аскер ар кандай жаракат алды", — деп айтылат билдирүүдө.

Жол кырсыгы боюнча тергөө иштери башталып, окуя кандай жагдайда болгону такталып жатат.

113
Белгилер:
өлүм, жол кырсык, Аскер, чек ара, Ысык-Көл, Кыргызстан
Тема:
2021-жылдын башынан бери Кыргызстанда болгон жол кырсыктар
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы
Сборка автобусов и электробусов в Камском автомобильном заводе (КамАЗ)

Министрлик: КамАЗ Кыргызстанда автобус чогултуу мүмкүнчүлүгүн карап жатат

0
(жаңыланган 18:36 24.06.2021)
Үч тараптуу келишимге россиялык ишкананын жетекчиси, кыргызстандык компания, энергетика жана өнөр жай министри кол койду.

БИШКЕК, 24-июн. — Sputnik. Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт. Бул тууралуу Энергетика жана өнөр жай министрлигинен билдиришти.

Министр Доскул Бекмурзаев башында турган делегация россиялык компаниянын ишмердүүлүгү менен таанышкан. Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.

  • Сборка автобусов и электробусов в Камском автомобильном заводе (КамАЗ)
    Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
    © Фото / пресс-служба Минэнергопром
  • Делегация во главе с министром энергетики и промышленности Кыргызской Республики Доскулом Бекмурзаевым ознакомилась с деятельностью российской компании «КамАЗ»
    Министр Доскул Бекмурзаев башында турган делегация россиялык компаниянын ишмердүүлүгү менен таанышкан.
    © Фото / пресс-служба Минэнергопром
  • Сборка автобусов и электробусов в Камском автомобильном заводе (КамАЗ)
    Мындай мүмкүнчүлүктү карап көрүү боюнча келишимге министр Бекмурзаев, "Шыдыр Жол Кей Джи" ЖЧКнын башкы директору Токтобүбү Оргалчы жана КамАЗдын башкы директору Сергей Когогин кол койгон.
    © Фото / пресс-служба Минэнергопром
  • Автобусы и электробусы в Камском автомобильном заводе (КамАЗ)
    Кийин тараптар келишип калса автобустарды чогултуу боюнча келишимге кол коюлат.
    © Фото / пресс-служба Минэнергопром
1 / 4
© Фото / пресс-служба Минэнергопром
Камский автомобиль заводу (КамАЗ) газ менен жүргөн автобус жана электробустарды Кыргызстанда чогултуу мүмкүнчүлүгүн изилдеп көрөт.
"Келишимге ылайык тараптар Кыргызстандын аймагында эл ташый турган газ менен жүргөн автобус жана электробустарды чыгаруу боюнча изилдөөлөрдү биргеликте жүргүзүшөт", — дешти министрликтен.

Кийин тараптар келишип калса автобустарды чогултуу боюнча келишимге кол коюлат.

0
Белгилер:
келишим, Кыргызстан, автобус, "КамАЗ"
Тема боюнча
Бишкекке жаңы алып келинген автобустар кайсы жактарга каттайт? Маршрут