Бычак кармаган киши. Архивдик сүрөт

Бишкек: чогуу жашаган аялды барымтага алган кишини милиция кармаар алдындагы видео

609
(жаңыланган 01:43 18.06.2020)
Милициянын подполковниги аялдын коопсуздугу үчүн спорттук ыкманы колдонуп, зордукчулдун колундагы бычакты тартып алып, өзүн кыймылдатпай кармап калган.

БИШКЕК, 18-июн. — Sputnik. Чогуу жашаган аялын бычак менен коркуткан эркек кишиге келген милициянын сүйлөшүп, андан соң кармаган видеосу деген кадрлар Oppa аталышындагы Instagram-аккаунтка жүктөлдү.

Посмотреть эту публикацию в Instagram

Публикация от Oppa (@oppa_kg)

Окуя болжол менен кечээ, 17-июнда, 20:00дөр чамасында болгон. Ал жакка Кайгуул милициянын кызматкерлери, ыкчам-тергөө тобу менен шаардык №5 милиция бөлүмүнүн жетекчиси, милициянын подполковниги Эркин Жаанбаев барган. Ал бычагы бар эркек киши менен сүйлөшүү жүргүзүүгө аракет кылган. Барымтага алынган аял кыйкырган учурда, милиция кишинин колундагы кооптуу бычакты кармап калган. Бул окуя Бишкек шаарындагы "шлагбаум" деп аталган аймактагы ашкананын ичинде болгон.

Бишкек ШИИБдин маалымат кызматы мас адам аялды барымтага алып, бычак көтөрүп, имараттын ичине эч кимди киргизбей жаткандыгын билдирди.

"Жаанбаев эркек кишини кеп-сөзгө келтирүүгө аракет кылып, бычагын таштоого чакырганы менен берки макул болгон эмес. Милициянын подполковниги аялдын коопсуздугу үчүн спорттук ыкманы колдонуп зордукчулдун колунан бычакты тартып алып, өзүн кыймылдатпай кармап калган", — деп билдирди шаардык милиция.

Кармалган 36 жаштагы киши Биринчи май ИИБге жеткирилген.

Аялды дароо Тез жардам кызматы Бишкек шаардык травматология жана ортопедия илим изилдөө борборуна жеткирип, медициналык жардам көрсөтүлгөн. Бирок анын жаракат алганы-албаганы айтылган жок.

Аталган факты Биринчи май райондук ИИБдин Кылмыш жана жоруктардын бирдиктүү реестрине катталган.

Буга чейин социалдык тармактарда эки милиция кызматкери жаракат алганы айтылган, бирок Бишкек ШИИБ ал маалыматты төгүндөп, кызматкерлер аман-соо экендигин белгилеген.

609
Белгилер:
кармоо, видео, бычак, милиция, ШИИБ, Бишкек
Тема боюнча
Бишкекте мас киши эки милиционерди жарадар кылганбы? Соцтармактагы видео
Аткаминер портфель менен. Архив

Чоң кызматка баруу үчүн коркуткан. УКМК энергетикти кармады

19
(жаңыланган 12:47 04.03.2021)
Кармалган адам ишкананын филиалдарынын бириндеги директордун ордун опузалап тартып алууга аракет кылган деп шектелүүдө.

БИШКЕК, 4-мар. — Sputnik. УКМК "Кыргызстандын улуттук электр түйүнү" ишканасынын жооптуу кызматкерин кармады. Бул тууралуу атайын органдын маалымат кызматы кабарлады.

Билдирмеге караганда, ал ишкананын филиалдарынын бириндеги директордун ордун опузалап тартып алууга аракет кылган деп шектелүүдө.

УКМКнын маалыматына ылайык, кармалган адам жетекчиликти колундагы компромат маалыматтарды көрсөтөм деп коркутуп, ошондой эле ЖК депутаттарын, жогорку кызматтагы аткаминерлерди да ортого саларын айтып, кызмат алууга аракет кылган.

Сотко чейинки териштирүүнүн алкагында 3-мартта шектүү энергетик кармалып, УКМКнын убактылуу кармоочу жайына киргизилген. Тергөө иштери уланууда.

19
Белгилер:
кармоо, кызмат, коркутуу, кызматкер, энергетика, УКМК
Тема боюнча
Бишкекте Октябрь РИИБинин эки ыкчам кызматкери кармалды. Видео
Жогорку сотко караштуу Сот департаментинин статс-катчысы кармалды
Киши колунда спирт ичимдик менен. Архив

Конокко барышкан. Аксыда ууланып каза болгондордун саны 6 адамга жетти

621
(жаңыланган 12:27 04.03.2021)
Учурда жергиликтүү тургундардын эмнеден ууланганы айтылган жок. Жергиликтүү бийлик так маалымат экспертизанын жыйынтыгынан кийин белгилүү болорун кабарлады.

БИШКЕК, 4-мар. — Sputnik. Жалал-Абад облусунун Аксы районунда уулануудан каза болгондордун саны 6 адамга жетти. Бул тууралуу Sputnik Кыргызстан агенттигине Аксы районунун Кара-Суу айыл аймагынын башчысы Дөөлөтбек Миңбаев билдирди.

Айыл өкмөт башчынын айтымында, жергиликтүү тургундар белгисиз затка 1-март күнү ууланган.

"Ууланып каза болгон адамдардын саны алтыга жетти. Үч күн мурун бир жерде отурган 18 адам белгисиз затка ууланган экен. Учурда үч адам райондук оорукананын жандандыруу бөлүмүндө жатат. Калгандарынын абалы жакшы эле. Алардын эмне ичкени азырынча белгисиз. Айрымдар спирт ичимдигин ичкен экен деп жатышат. Так маалымат экспертизанын жыйынтыгынан кийин белгилүү болот", – деди айыл өкмөт башчысы.

Sputnik Кыргызстан агенттигине ишенимдүү маалымат булагы каза тапкан адамдардын үчөө эркек, үчөө аял киши экенин билдирди. Анын айтымында, көз жумгандардын жашы элүүнүн тегерегинде болгон. Алар чогуу бир жерге конокко барышкан.

Буга чейин Жалал-Абад облустук милициясы үч адам каза болгондугу тууралуу маалымат берген.

621
Ала-Тоо аянтындагы мыйзамсыз орнотулган оюн жана жеңил конструкциялар алынуушу

Мэрия "Ала-Тоо" аянтындагы жеңил жана оюн конструкцияларын алып жатат

0
(жаңыланган 12:57 04.03.2021)
Мэриянын маалыматы боюнча, жарандар конструкцияларды жашыл өсүмдүктөрдүн үстүнө орнотуп салып жатышат.

БИШКЕК, 4-мар. — Sputnik. Бишкек мэриясы борбор калаанын сырткы көрүнүшүн иретке келтирүү иштери улантылып жатканын кабарлады.

  • Бишкек мэриясы борбор калаанын сырткы көрүнүшүн иретке келтирүү иштери улантылып жатканын кабарлады
    Бишкек мэриясы борбор калаанын сырткы көрүнүшүн иретке келтирүү иштери улантылып жатканын кабарлады
    © пресс-служба мэрии города Бишкек
  • Маалыматка караганда, Ала-Тоо аянтындагы жана Панфилов, Абдымомунов көчөлөрүнүн кесилиштериндеги мыйзамсыз орнотулган оюн жана жеңил конструкциялар алып салынды
    Маалыматка караганда, "Ала-Тоо" аянтындагы жана Панфилов, Абдымомунов көчөлөрүнүн кесилиштериндеги мыйзамсыз орнотулган оюн жана жеңил конструкциялар алып салынды
    © пресс-служба мэрии города Бишкек
  • Бул жолу мыйзамсыз 20 объектини алып салууга туура келген
    Бул жолу мыйзамсыз 20 объектини алып салууга туура келген
    © пресс-служба мэрии города Бишкек
1 / 3
© пресс-служба мэрии города Бишкек
Бишкек мэриясы борбор калаанын сырткы көрүнүшүн иретке келтирүү иштери улантылып жатканын кабарлады

Маалыматка караганда, "Ала-Тоо" аянтындагы жана Панфилов, Абдымомунов көчөлөрүнүн кесилиштериндеги мыйзамсыз орнотулган оюн жана жеңил конструкциялар алып салынды.

"Объектилердин ээлерине мыйзамдуу негизде иш алып баруу керектиги боюнча бир нече ирет эскертүү берилген. Бирок реализаторлор болбой эле борбордук көчөлөргө, бульвар, тротуарларга туруп алып, жарандардын өтүүсүнө тоскоолдук жаратышууда. Конструкцияларды жашыл өсүмдүктөрдүн үстүнө орнотуп салып жатышат", — деп айтылат маалыматта.

Бул жолу мыйзамсыз 20 объектини алып салууга туура келген.

0
Белгилер:
Ала-Тоо аянты, Бишкек
Тема боюнча
Ош шаарында мыйзамсыз курулуштар алынып жатат. Сүрөттөр