Кылмыш иши папкасы. Архивдик сүрөт

Аялынын мойнуна дөңгөлөк илип сабаган кишинин иши сотко өттү

383
(жаңыланган 18:12 18.06.2020)
Факты Сузак РИИБдин тергөө кызматы тарабынан толук тергелип, шектүүгө айыбы угузулуп, өндүрүш иши 17-июнь күнү соттун кароосуна жиберилген.

БИШКЕК, 18-июн. — Sputnik. Сузак районунда күйөөсү мойнуна дөңгөлөк илип, сабаган аял боюнча иш тергелип, соттун кароосуна жиберилди. Бул тууралуу Жалал-Абад облустук ички иштер башкармалыгынын маалымат катчысы Нурдин Жээнтаев билдирди.

Эске сала кетсек, күйөөсү тарабынан кордолгон аялдын окуясын Сузак райондук милициясы Кылмыш жана жоруктардын бирдиктүү реестрине Жоруктар кодексинин 75-беренеси ("Үй-бүлөдөгү зомбулук") менен каттаган. Ал кайра Жазык кодексинин 144-беренесине ("Уруп-согуп кыйноо") которулуп, сотко чейинки өндүрүш иши ачылган.

Шектүү Сузак районунун Бек-Абад айылынын Б.З. аттуу 51 жаштагы тургуну 11-июнда Сузак РИИБдин убактылуу кармоочу жайына киргизилген. Ал эми 2020-жылдын 13-июнь күнү баш коргоо чарасы каралып, Сузак райондук сотунун тергөө судьясы тарабынан 15 күндүк мөөнөткө камоо чарасы тандалган. Ошол эле күнү сабалган аял тосмо арыз жазып берген.

Бул факт Сузак РИИБдин тергөө кызматы тарабынан толук тергелип, шектүүгө Жазык кодексинин 144-беренеси ("Уруп-согуп кыйноо") менен айыбы угузулуп, өндүрүш иши 2020-жылдын 17-июнь күнү соттун кароосуна жиберилгени маалымдалды.

383
Белгилер:
милиция, сот, кыйноо, дөңгөлөк, зомбулук, аял, Сузак району, Кыргызстан
Тема:
Мойнуна дөңгөлөк илинип кордолгон аял (8)
Тема боюнча
Аялынын мойнуна дөңгөлөк байлап мазактаган киши кармалды. Окуя Сузакта болгон
Аялынын мойнуна дөңгөлөк байлап таяктаган киши камакка алынды
Мойнуна дөңгөлөк илинип мазакталган аял күйөөсүн кечирип, тосмо арыз жазды
Көчөдөн бараткан кыз. Архивдик сүрөт

Ош шаарында бир жылдан бери дайынсыз болгон кыз изделүүдө. Сүрөт

94
(жаңыланган 19:13 15.08.2020)
Жаш кыз былтыр жайында Кара-Суу районунда үйүнөн чыгып кеткен боюнча дайынсыз. Милиция аны табышууга коомчулуктан жардам сурады.

БИШКЕК, 15-авг. — Sputnik. Ош шаарында былтыр жоголгон 18 жаштагы Муножат Салиева изделип жатат. Бул тууралуу калаа милициясынын маалымат кызматы билдирди.

Кыз 2019-жылдын 15-июль күнү Кара-Суу районунда жашаган үйүнөн чыгып кеткен боюнча дайынсыз болууда. Милиция аны табуу үчүн кайрадан коомчулукка кайрылып жатканын айтты.

"Изделип жаткан Муножат Салиева 2002-жылы туулган. Бою 165-170 сантиметр, жоголгон күнү үстүндө кара-ак (сызык) түстөгү жемпир, кара шым жана кара түстөгү бут кийим кийип жүргөн. Айрымдар кыз дайынсыз болгон күнү аны Ош шаарынын Масалиев көчөсүнөн көрүшкөндүгүн айтышкан", — деп жазылган маалыматта.

Милиция Жалал-Абадда жоголгон эже-сиңдини Баткенден тапты. Кыздардын жообу

Ош шаардык милициясы жогорудагы кыз тууралуу кандайдыр бир маалыматы барларды 03222-2-75-15, 0702-17-09-17 жана 0551-05-42-75 телефондору аркылуу кабарлап коюну өтүнөт.

94
Белгилер:
кыз, издөө, милиция, Ош
Тема боюнча
Мөңгүгө кирип кеткен. Жалал-Абаддагы жайлоодо 14 жаштагы баланын сөөгү табылды
Перевернувшийся автомобиль после дорожно-транспортного происшествия. Иллюстративное фото

Бишкектин четинде унаа оодарылып кетип, беш киши жабыркады. Видео

172
Окуя кечээ кечинде болгон. Бишкекке бара жаткан Lexus RX300 унаасынын айдоочусу рулду башкара албай кырсыктаган.

БИШКЕК, 15-авг. — Sputnik. Бишкектин четинде унаа беш кишиси менен оодарылып кеткенин Sputnik агенттигине Чүйдүн Жол кыймылы коопсуздугун камсыздоо башкармалыгынын маалымат катчысы Тимур Мирсадык уулу билдирди.

Машина талкаланган. Бишкектин четиндеги үрөй учурган кырсыктын видеосу

"Lexus RX300 борбор калааны көздөй бара жаткан. Болжолдуу маалыматтар боюнча айдоочу унааны башкара албай анча бийик эмес тосмону сүзгөн. Унаанын ичинде беш киши болгон. Бардыгы ооруканага жеткирилди", — деди Мирсадык уулу.

Автокөлүк айып короого токтотулуп, жол кырсыгы териштирилип жатат.

172
Белгилер:
видео, айдоочу, унаа, жол кырсык, Чүй облусу
Тема:
2020-жылдын башынан бери Кыргызстанда болгон жол кырсыктар
Тема боюнча
Ысык-Көлдө жүрөк үшүн алган жол кырсыгы болду. Окуя болгон жердеги видео
Паркта балмуздак жеп сейилдеп жургөндөр. Архивдик сүрөт

Жекшембиге карата аба ырайы

0
(жаңыланган 21:03 15.08.2020)
16-августта республиканын аймагында түнкүсүн жаан-чачын күтүлбөйт. Түштүк-батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

БИШКЕК, 15-авг. — Sputnik. 16-августта күндүз өлкөнүн тоолуу аймактарында өткүн өтүп, күн күркүрөйт. Дыйканчылык аймактарда жана Талас облусунда жаан-чачын болбойт. Бул тууралуу Кыргызгидромет билдирди.

Абанын температурасы Чүй өрөөнүндө +34...+36, Талас жергесинде +29...+34, Ош, Жалал-Абад, Баткен облустарында +32...+37, Ысык-Көлдө +23...+28 жана Нарын аймагында +23...+28 градус болору айтылды.

Күндүн табы Бишкекте +34...+36, Ош шаарында +35...+37, ал эми Чолпон-Атада +23...+25 градуска чейин жетет.

0
Белгилер:
аба ырайы, Кыргызстан
Тема боюнча
Окумуштуулар: жакында ысыктын айынан сыртта иштөө мүмкүн болбой калат