Кишенделген аял. Архив

Бактыңды ачып берем деп... Ошто адамдарды алдады деген шектүү аял кармалды. Сүрөт

491
(жаңыланган 16:06 20.06.2020)
Бейшемби күнү Ноокат районунун 56 жаштагы тургуну К.Т. шектүү катары Бишкек шаарынан кармалып, Ошко алып келинген.

БИШКЕК, 20-июн. — Sputnik. Ош шаардык ички иштер башкармалыгынан Сулайман-Тоо милиция бөлүмүнүн кызматкерлери алдамчылыкка шектелген аялды кармады. Бул туурасында ШИИБдин маалымат кызматы кабарлады.

Задержанная в городе Ош по подозрению в мошенничестве
© Фото / УВД города Ош
Ош шаардык ички иштер башкармалыгынан Сулайман-Тоо милиция бөлүмүнүн кызматкерлери алдамчылыкка шектелген аялды кармады

Билдирүүгө ылайык, 18-июнда Ош облусунун Ноокат районунун 56 жаштагы тургуну К.Т. Бишкек шаарынан кармалып, Ошко алып келинген. Анын үстүнөн арыздангандар көбөйө баштаганда, эки жума мурда борбор калаага – Бишкекке качып кеткени айтылат.

"Бул аялдын үстүнөн Ош шаарынын 11 тургунунан арыз түшкөн. Башка аймактарда дагы андан жабыркагандар болушу мүмкүн. Шектүү өз атын жашырып, Айчүрөк, Рахат деген ысымдарды айтып жүргөнү белгилүү болду. Жабырлануучулар "бактысын ачтыруу үчүн" эң азы 10 миң, алды 300 миң сомго чейин акча берген. Көпчүлүгү аял кишилер", — деп айтылат билдирүүдө.

Маалыматта шектүүнүн келген кардарларынын алтын буюмдарын, телефондорунан бери алып турганы айтылган.

"Эң өкүнүчтүүсү, айрым аялдарга "күйөөсүнүн көңүлдөшү бар экенин" маалымдап, аны акчага жоготуп берүүгө убада кылган. Же бирөөлөрдүн "бактысы байланганын" айтып, "үйүнө окутулган буюм таштап кеткен" деген алдамчылык менен ири суммадагы акчаларды ала берген. Кардары канчалык акчалуу болсо ойлоп тапкан оорусу ошончолук оор болгон. Дагы бир жабырлануучу кой союп алып келип бергенин айтууда", — деп билдирет Ош милициясы.

Милиция анын кардарлардын ишеничине кирүү үчүн жасаган ыкмалары боюнча да маалыматтарды таратты.

"Ошондой эле бактысын байлоо үчүн окутулду делген буюмдар кээде жардам сурап келген кардарынын үйүнөн чыгып калган учурлары да болгон. Тергөөдө аны шектүүнүн адамдары алдын ала кардардын үйүнө таштап кеткендиги аныкталган", — деп айтылат билдирүүдө.

Учурда алдамчылыкка шектелген аял убактылуу кармоочу жайда отурат. Анын мурда дагы алдамчылык беренеси менен соттолгону маалым болду.

"Кимде-ким бул аялдан жабыр тарткан болсо Сулайман-Тоо милициясына 0709-09-40-00, 0559-211-222 номерлери аркылуу кабарлап коюуну суранат", — деп кайрылды милиция коомчулукка.

Тартип сактоочулар жарандарды мындай адамдарга ишенбөөгө чакырган.

491
Белгилер:
кармоо, шектүү, алдамчылык, кардар, милиция, Ош
Тема боюнча
Бишкекте 42 миң казакстандыкты 14 миллион долларга алдады деген жаран кармалды
Жол кырсыкка кабылган унаа. Иллюстративдик сүрөт

Бишкекте эки машина кагышып, бири оодарылып калды. Видео

61
(жаңыланган 21:00 24.10.2020)
Каргаша бүгүн кечинде Гагарин менен Руставели көчөлөрүнүн кесилишинде болгон. Анда эки автоунаанын кагышып кеткени айтылды.

БИШКЕК, 24-окт. — Sputnik. Бишкекте автоунаа жол кырсыгына кабылгандан кийин оодарылып калганын "Короче" Telegram-каналы кабарлады.

Окуя бүгүн болжол менен саат 19.30дарда Гагарин менен Руставели көчөлөрүнүн кесилишинде жайгашкан май куюучу жайдын жанында болгон.

Милиция кырсык болгонун тастыктады. Алдын ала маалыматтар боюнча андан жабыркагандар бар.

61
Белгилер:
милиция, автоунаа, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Кырсыктарды алдын алуу үчүн Алматыда өзгөчө жол белгисин чийүү пландалууда
Оштогу жол кырсыгында өрт чыгып, беш киши жабыркады. Сүрөттөр
Катуу соккудан автоунаа тегеренип кеткен. Бишкектеги жол кырсыктын видеосу
Тирүү сүлүк курт. Архивдик сүрөт

Кытай: дарыгерлер баланын кекиртегинен тирүү сүлүк куртту алып чыкты. Видео

161
Бала дем алуусу кыйындап, башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

БИШКЕК, 24-окт. — Sputnik. Кытайда дарыгерлер беш жаштагы баланын кекиртегинен тирүү сүлүк курт алып чыгышты. Бул тууралуу The Daily Mail жазды.

Медиктер анын организмге бир жыл мурда кирип кеткенин аныктаган.

​Бала дем алуусу кыйындап жана башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

Кишинин тамагына кирип алган сүлүк курттун видеосу. Кытайдагы окуя

Медициналык текшерүүдөн өткөрүп жаткан кезде бөбөктүн башынан узундугу чоң кишинин алаканындай болгон тирүү сүлүк куртту таап чыгышкан. Дарыгерлердин айтымында, курт организмге кир сууну ичкенде кирип кеткен.

Ак халатчандар баланын кекиртегиндеги куртту алып чыгып, башка ата-энелерге да сак болууну эскерткен.

161
Белгилер:
дарыгер, баш, бала, сүлүк курт, Кытай
Тема боюнча
Казакстанда 13 жаштагы кыздын ашказанынан шар сымал чач чыкты. Видео
Сүлүк курт адамдын мурдуна жана кызыл өңгөчүнө кирип кетет
Бишкектеги 7 апрель көчөсү. Архивдик сүрөт

Жекшембиге карата аба ырайы

0
25-октябрь, жекшембиге караган түнү, республика боюнча жаан-чачын күтүлбөйт. Батыштан соккон желдин ылдамдыгы секундасына 4-9 метрге жетет.

БИШКЕК, 24-окт. — Sputnik. Жекшемби күнү күндүз күн ачык болот, тоолорго кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас аймактарында +10...+15, Ош, Жалал-Абад, Баткен облустарында +14...+19, Ысык-Көлдө +5...+10, Нарын өрөөнүндө +6...+11 градус жылуу болот.

Ысык-Көлдө унаа жолун бойлой туристтер үчүн 17 STOP түйүнү курулат

Ал эми борбор калаада күндүн табы +12...+14 градуска чейин көтөрүлсө, Ош шаарында +16...+18ге жетет.

0
Белгилер:
Кыргызстан, октябрь, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт