Суу сакчагыч. Архив

Досун куткарабыз деген 7 бала кошо сууга чөгүп кетти. Кытайдагы окуя

(жаңыланган 09:54 22.06.2020)
Балдар башталгыч класстын окуучулары болушкан. Дем алыш күндөрү дамбанын жанында ойноп жатышканы айтылат. Бирок бир бала кокусунан сууга түшүп кетип, калган жетөө аны куткарганга аракет жасап өздөрү чөгүп кетишкен.

БИШКЕК, 22-июн. — Sputnik. Кытайдын Чунцин шаарында дамбага түшүп кеткен досун куткарабыз деген мектеп курагындагы жети бала сууга чөгүп кетти. Бул тууралуу өлкөнүн борбордук телеканалы маалымдаганын РИА Новости жазды.

Окуя жекшемби күнү түштөн кийин Туннань уездиндеги Мисьнь аймагында болгон. Фуцзян дарыясынын дамбасына сууга түшүп кеткендер тууралуу маалымат түшөрү менен издөө-куткаруу иштери башталган. Сегиз баланы табууга 200дөн ашуун адам киришип, өрт өчүрүүчүлөр, куткаруучулар жана укук коргоо органдарынын кызматкерлери тартылган.

Бирок балдарды аман-эсен ата-энесине кайтаруу мүмкүн болгон эмес. Дүйшөмбү күнү жергиликтүү убакыт боюнча 0.30да (жекшемби күнү Бишкек убактысы менен 16.30) куткаруучулар жети окуучунун сөөгүн суудан алып чыгышса, ал эми 7.10до (Бишкек убактысы боюнча 23.10) сегизинчи баланын денесин табышкан.

Алдын ала жүргүзүлгөн тергөө иштерине ылайык, балдар башталгыч класстын окуучулары болушкан. Дем алыш күндөрү дамбанын жанында ойноп жатышканы айтылат. Бирок бир бала кокусунан сууга түшүп кетип, калган жетөө аны куткарганга аракет жасап өздөрү чөгүп кетишкен.

Белгилер:
куткаруу, дамба, окуучулар, сууга чөгүү, Кытай
Тема боюнча
Бишкекте бир киши сууга чөгүп каза тапса, Жалал-Абадда эки адам изделүүдө
Эликтер автоунаада

Мүйүзүн кесип салышкан. Чек арадан эликтерди алып өтмөкчү болгондор кармалды

(жаңыланган 13:52 23.04.2021)
Унааны текшерүү учурунда ичинде мүйүзү кесилген 1 жаштан 4 жашка чейинки беш элик табылган. Айдоочунун документтери болгон эмес.

БИШКЕК, 23-апр. — Sputnik. Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылган адамдарды кармады. Бул тууралуу УКМКдан билдиришти.

  • Пресечена попытка вывоза оленей из Кыргызстана на минивэне марки Toyota Previa
    Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады
    © Фото / пресс-служба ГКНБ КР
  • Пресечена попытка вывоза оленей из Кыргызстана на минивэне марки Toyota Previa
    Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан
    © Фото / пресс-служба ГКНБ КР
  • Пресечена попытка вывоза оленей из Кыргызстана на минивэне марки Toyota Previa
    Тийиштүү документтер толтурулгандан кийин жаныбарлар компетенттүү органдарга өткөрүп берилген
    © Фото / пресс-служба ГКНБ КР
1 / 3
© Фото / пресс-служба ГКНБ КР
Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады

Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан.

"Текшерүү учурунда унаанын ичинде 1 жаштан 4 жашка чейинки мүйүзү кесилген беш элик табылды. Окуянын чоо-жайын аныктоо үчүн айдоочу менен өзбекстандык жүргүнчү кармалды. Сурак учурунда алар эликтерди Өзбекстанга алып өтүүгө аракет кылышканын билдиришкен. Айдоочунун жаныбарларга документи болгон эмес. Беш эликтин баасы такталып жатат", — дешти УКМКдан.

Тийиштүү документтер толтурулгандан кийин жаныбарлар компетенттүү органдарга өткөрүп берилген.

Белгилер:
мыйзам, Өзбекстан, чек ара, УКМК, бугу, Баткен
Тема боюнча
Автоунаадан жакшы эле секирип өтөйүн деп так үстүнө түшкөн бугу. Видео
Ысык-Көл облусунун Ак-Суу районундагы кар көчкү

Кар көчкүдөн улам Каракол Эңилчек жолу жабылды. Сүрөт

(жаңыланган 09:42 23.04.2021)
ӨКМдин билдиришинче, кар көчкү Ысык-Көл облусунун Ак-Суу районуна кечээ саат 15:00дөр чамасында түшкөн. Бүгүн жеринде тазалоо иштери уланууда.

БИШКЕК, 23-апр. — Sputnik. Кар көчкүдөн улам Каракол — Эңилчек унаа жолу 25-апрелге чейин жабылды. Бул тууралуу ӨКМ кабарлады.

На двух участках в Иссык-Кульской области сошли снежные лавины. 23 апреля 2021 года
© Фото / пресс-служба МЧС КР
Кар көчкүдөн улам Каракол — Эңилчек унаа жолу 25-апрелге чейин жабылды

Кар көчкү Ысык-Көл облусунун Ак-Суу районуна кечээ саат 15:00дөр чамасында түшүп, жерине тазалоо иштерин жүргүзүү үчүн №11 жол тейлөө ишканасынан бир жүктөгүч тартылган.

Ушу тапта тазалоо иштери уланууда.

Белгилер:
көчкү, кар, жол, унаа, Эңилчек, Каракол, Ысык-Көл, ӨКМ
Тема боюнча
"Ата-Бейит" комплекси жактагы тоодон өрт чыкты. Видео
Документ текшерип жаткан ФМС кызматкери. Архив

Россияда мыйзамсыз жүргөн мигранттар жоопко тартылбастан каттоого тура алат

(жаңыланган 19:34 23.04.2021)
Үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

БИШКЕК, 23-апр. — Sputnik. Россиянын аймагында мыйзамсыз жүргөн кыргызстандык мигранттар 15-июнга чейин каттоого тура алышат. Бул тууралуу Россия өкмөтүнүн төрагасынын орун басары Алексей Оверчук 21-апрелде Кыргызстандын биринчи вице-премьери Артём Новиков менен жолукканда билдиргенин өкмөттөн кабарлашты.

Маалыматка караганда, үстүбүздөгү жылдын 15-июнуна чейин РФ аймагында мыйзамсыз жүргөн мигранттар каттоого турса аларга карата административдик чара колдонулбайт жана өлкөдөн чыгарылбайт.

"Россия тарап эмгек мигранттарынын укугун чектөө боюнча эч кандай иш-аракеттерди жүргүзбөйт. Бирок мигранттар каттоодон өтүп коюшу керек", — деди Новиков.

Ал ошондой эле жалпы диаспора өкүлдөрүн ишке тартып, ар бир мигрантка жеке статусун тастыктоосу зарыл экенин жеткирүү керектигин кошумчалады.

Белгилер:
статус, мыйзам, Мигрант, Россия, Кыргызстан
Тема боюнча
Россияда мигрант куруучулардын реестрин түзүү сунушталууда. Максаты кандай