Көмүр шахтасы. Архив

Бир үй-бүлөдөн эле... Сүлүктү шахтасындагы төрт кишинин өлүмүнүн чоо-жайы

197
(жаңыланган 14:39 24.06.2020)
Учурда Баткендин башчысы Алишер Абдрахмановдун тапшырмасы менен түзүлгөн комиссия көмүр шахтасынын ачык калышы жана коопсуздук чараларынын сакталбагандыгы боюнча маселелерди кароодо.

БИШКЕК, 24-июн. — Sputnik. Баткен облусунун Сүлүктү шаарындагы "Кенчилер-Береке" шахтасында газга ууланып каза болгон төрт киши ал жакка мал издеп барган. Бул тууралуу өкмөттүн Баткен облусундагы ыйгарым укуктуу өкүлүнүн басма сөз кызматы билдирди.

Эске сала кетсек, кырсык 23-июнь күнү болгон. "Кенчилер-Береке" шахтасында газ чыгып, кырсыктын кесепетинен үч эркек киши жана бир аял газга ууланып каза болгон. Алардын сөөгүн шахтадан ӨКМ кызматкерлери алып чыккан.

Маалыматка ылайык, Сүлүктү шаарынын мэри Рахман Абдыназаров маркумдардын үй-бүлөсүнөн кабар алып, жакындарына көңүл айтып, материалдык жардам көрсөттү.

"Каза болгондор Сүлүктү шаарынын тургундары, бир үй-бүлөнүн мүчөлөрү болгон. Жакындарынын айтымында, алар 22-июнда өздөрүнө тиешелүү болгон мал жандыктарын издеп үйдөн чыгып кетишкен. Алдын ала маалыматтарга таянсак, алар жоголгон малын издеп шахтага түшкөн учурда газга ууланышкан", — деп айтылат маалыматта.

"Кенчилер-Береке" ЖЧК көмүр шахтасы буга чейин мыйзамдуу түрдө иштеп келгени, учурда ишмердүүлүгүн токтоткону кошумчаланды.

Бул жагдай боюнча алгачкы тергөө амалдары жүргүзүлүп жатат.

Ошондой эле ыйгарым укуктуу өкүл Алишер Абдрахмановдун тапшырмасы менен түзүлгөн атайын комиссия көмүр шахтасынын ачык калышы, коопсуздук чараларын сактабагандыгы боюнча маселелерди кароодо.

Каза болгон жарандардын үй-бүлөсүнө жакынкы күндөрү облустук өкүлчүлүк тарабынан да жардам берилери кошумчаланды.

197
Белгилер:
өлүм, издөө, мал, көмүр, шахта, Сүлүктү, Баткен облусу
Тема боюнча
Сүлүктүдөгү шахтада төрт адам газга ууланып каза болду
Жарылган дөңгөлөк. Архив

Дөңгөлөк жарылганда асманга топтой ыргыган киши. Бишкекте тартылган видео

777
(жаңыланган 16:45 24.09.2020)
Мээси чайкалып, сөөктөрү сынып кеткен жабырлануучу Бишкек илим изилдөө травматология жана ортопедия борборуна жаткырылды.

БИШКЕК, 24-сен. — Sputnik. Бишкектеги автоунааларды техникалык жактан тейлөө станцияларынын биринин кызматкери дөңгөлөктүн жарылып кетишинен улам катуу жабыркады.

Окуя болгон учурдагы видео "Короче" Telegram-каналына жүктөлдү. Кадрларда көрүнүп тургандай, жүк жашуучу автоунаанын дөңгөлөгүн оңдоп жатканын көрүүгө болот. Бир маалда ал жарылып кетип, жумушчу кадимкидей ыргып кетет.

Медиктер бул  маалыматты тастыкташты. Окуя бүгүн саат 11:00дө айланма жол тараптагы  Ак-Жар жаңы конушу жакта болгон. Жабырлануучунун мээси чайкалып, сөөктөрү сынып кеткен. Учурда ал Бишкек илим изилдөө травматология жана ортопедия борборуна жаткырылды.

777
Белгилер:
оорукана, жарылуу, жумушчу, дөңгөлөк, Бишкек
Тема боюнча
Индия: премьердин туулган күнүндө 100 шар жарылып кетип, адамдар жабыркады
Унаанын жанында турган адам. Архив

Бишкекте багаждан коляска чыгарып жаткан кишини унаа коюп кетип көз жумду

427
(жаңыланган 15:22 24.09.2020)
40 жаштагы жаран окуя болгон жерден жан берген. Милициянын кайгуул кызматы кырсыктын чоо-жайын аныктап жатат.

БИШКЕК, 24-сен. — Sputnik. Бишкекте унаасынын багажынан балдар коляскасын алып жаткан кишини унаа коюп кетти. Ал ошол жерден көз жумган. Бул тууралуу милициядан билдиришти.

Кырсык кечээ түнкү саат 02:00дө Фучик көчөсүндө болгон. KIA Spectra унаасы 40 жаштагы кишини сүзгөн.

Учурда тергөө амалдары жүрүүдө.

427
Белгилер:
Бишкек, өлүм, жол кырсык, унаа
Тема:
2020-жылдын башынан бери Кыргызстанда болгон жол кырсыктар
Тема боюнча
Нарында Toyota менен Honda Stepwgn кагышып, үч адам каза тапты
Жабыла чуркап сууруп чыгышты. Өрттөнгөн унаадагы кишилерди куткарган видео
Манас эл аралык аэрпорту. Архив

Француз компаниясы өлкөдөгү ири аэропортторду оңдоп-түзөөгө кызыкдар

0
(жаңыланган 22:51 24.09.2020)
Өлкөнүн Тышкы иштер министрлиги француз компаниялары Кыргызстанда ишке ашырып жаткан жана пландаган долбоорлору жөнүндө айтып берди.

БИШКЕК, 24-сен. — Sputnik. Франциянын Aеroports de Paris жана TAV Airports аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Бул тууралуу ТИМдин маалымат кызматы кабарлады.

Ага ылайык, тышкы иштер министри Чыңгыз Айдарбеков Франциянын КРдеги элчиси Микаэль Ру менен анын дипломатиялык миссиясынын аякташына байланыштуу видеоконференция өткөргөн.

Тараптар акыркы жылдардагы кыргыз-француз кызматташтыгынын жана соода-экономикалык байланышынын өнүккөнүн талкуулашкан.

"Атап айтканда, Aеroports de Paris жана TAV Airports Париж аэропортторунун эл аралык операторлору "Манас" жана "Ош" аэропортторун реконструкциялоо боюнча долбоорлорго катышууга даяр. Ал эми GE Hydro France компаниясы Ат-Башы жана Токтогул ГЭСтерин реконструкциялоо жана калыбына келтирүү боюнча долбоорлорду ишке ашырып жатат. Flowbird компаниясы паркинг системаларды эсептегичтерди орнотуу боюнча долбоорлорду ишке ашырууну пландаштырууда, ошондой эле EGIS компаниясы Ош — Баткен — Исфана автоунаа жолун реконструкциялоо долбоорун ишке ашырды. Бир катар башка инфратүзүмдүк долбоорлорду ишке ашыруу күтүлүүдө. Ошондой эле быйыл Бишкекте Novotel франциялык мейманкана тармагын ачуу пландалууда", — деп айтылат маалыматта.

Кытай өрт өчүргөн 100 автоунаа бермекчи. Айдарбеков кесиптеши Ван И менен жолукту

Министр Айдарбеков жемиштүү эмгеги үчүн Руга ыраазычылык билдирип, ТИМдин Ардак грамотасы менен сыйлады.

0
Белгилер:
аэропорт, экономика, элчи, ТИМ, Франция, Кыргызстан
Тема боюнча
Жээнбеков Кыргызстандын БУУнун Коопсуздук кеңешине өкүл болууга умтулганын эскертти