Дарыя. Архив

Нарын дарыясына түшүп кеткен баланын сөөгү Өзбекстандан табылды

211
(жаңыланган 11:32 29.06.2020)
Сууга түшүп кеткен баланы кыргызстандык куткаруучулар он күн бою издеп, таппай коюшкан. Кечээ коңшу өлкөнүн тургундары сөөктү таап, туугандарына өткөрүп беришкен.

БИШКЕК, 29-июн. — Sputnik. Жалал-Абаддын Кум айылында Нарын дарыясына түшүп кетип, эки жумадан бери изделип жаткан 17 жаштагы баланын сөөгү Өзбекстандан табылды. Бул тууралуу ӨКМдин маалымат кызматы билдирди.

Ага ылайык, 14-июнь күнү Аксы районунун Үч-Коргон айыл аймагынын Кум айылында Нарын дарыясына 2003-жылы туулган бала түшүп кеткен. Аны он күн бою куткаруучулар издеп, бирок тапкан эмес.

Сууга түшөрдө баланын жанынан карыш жылбаңыз! ӨКМдин ата-энелерге эскертүүсү

28-июнь күнү Өзбекстандын аймагынан тургундар белгисиз эркек кишинин сөөгүн табышкан. Аныктоо иштерин жүргүзгөндө ал Нарын дарыясынан изделип жаткан бала экендиги белгилүү болгон.

Өспүрүмдүн сөөгү коңшу өлкөнүн Чек ара кызматы тарабынан туугандарына өткөрүп берилген.

211
Белгилер:
бала, өлүм, Суу, дарыя, Нарын облусу, ӨКМ, Өзбекстан, Кыргызстан
Тема боюнча
Ноокаттагы көмүр шахтасында бир киши газга ууланып каза тапты
Дары-дармек. Архивдик сүрөт

Ошто дарыга ууланып каза болду делген кыз боюнча иш козголду

149
(жаңыланган 21:44 12.08.2020)
Алдын ала маалымат боюнча, маркум өзү иштеген жайдагы дарыга ууланган. Ал ооруканага эс-учун билбей келген.

БИШКЕК, 12-авг. — Sputnik. Ош шаарындагы дарыканада дарыга ууланып каза болду делген кыз боюнча кылмыш иши козголду. Бул тууралуу Ош шаардык ички иштер башкармалыгынын маалымат катчысы Абсаттар Тавакалов Sputnik Кыргызстан агенттигине билдирди.

Окуя кечээ, 11-август күнү, Ош шаарындагы дарыканалардын биринде болгон. Облустук оорукананын башчысынын орун басары Кадырбек Бөрүбаев билдиргендей, дарыканада иштеген К.З. аттуу кыз эс-учун жоготуп, оор абалда облустук бириккен клиникалык ооруканасына саат 9:00дөр чамасында келип түшкөн.

Бирок өзүнө келбей саат 16:45терде каза болгон.

Бишкек — Ош жолунда эки бензовоз өрттөнүп, бир киши каза болду. Видео

Дарыгерлердин алдын ала койгон аныктамасына ылайык, маркум өзү иштеген жайдагы дарыга ууланган.

Кыздын өлүмү боюнча соттук-медициналык экспертиза дайындалган.

Аталган окуя Кылмыш жана жоруктардын бирдиктүү реестрине Жазык кодексинин 266-беренеси менен катталган.

Учурда иликтөө иштери жүрүп жатат.

149
Белгилер:
кылмыш иши, маркум, кыз, дары, дарыкана, Ош
Тема боюнча
Ноокаттагы көмүр шахтасында бир киши газга ууланып каза тапты
Бензовоздун жарылуусунун кесепети. Иллюстративдик сүрөт

Бишкек Ош жолунда эки бензовоз өрттөнүп, бир киши каза болду. Видео

369
(жаңыланган 19:10 12.08.2020)
Кырсыктын бири Чычкан капчыгайында болсо, экинчи автоунаа Ала-Белде оодарылып кетти. Жыйынтыгында бир киши көз жумду.

БИШКЕК, 12-авг. — Sputnik. Бүгүн Бишкек — Ош автожолунда эки бензовоз кырсыктап, өрттөнүп кетти. Бул тууралуу ӨКМдин маалымат кызматынан билдиришти.

Окуя болгон жерде тартылган видеолор "Короче" Тelegram-каналына жүктөлдү.

Биринчи окуя Токтогул районундагы Чычкан капчыгайында катталды. Бишкек — Ош унаа жолунун 239-чакырымында күйүүчү май ташыган оор жүк ташуучу унаанын прицеп-цистернасынан өрт чыккан.

"Өрттү өчүрүүгө саат 12:19да Токтогул райондук №97 Өрт-куткаруу кызматынан бир бөлүм тартылган. Бирок от куураган чөпкө өтүп кеткендигине байланыштуу кошумча 24 куткаруучу, Токой чарбачылыгынан тогуз кызматкер тартылган. Унаалардын өтүүсү жол инспекторлору тарабынан көзөмөлдөнүүдө", — дешти ӨКМден.

Экинчи кырсык Ала-Белде болгон. Саат канчада жана кандай жагдайда болгону такталып жатат. Азырынча өрттөнгөн автоунаанын ичинде бир адам каза болгону белгилүү.

369
Белгилер:
ӨКМ, автоунаа, өрт, Жалал-Абад, Кыргызстан
Тема:
2020-жылдын башынан бери Кыргызстанда болгон жол кырсыктар
Тема боюнча
Бишкекте кафеден өрт чыкты. Видео
Эс алам деп... Хакасиядагы жол кырсыгында кыргызстандык жигиттер каза болду
Башын кармаган аял. Архивдик сүрөт

Коронавирустун мээ менен нерв системасына тийгизген таасири ачыкталды

0
(жаңыланган 08:47 13.08.2020)
Вирус борбордук нерв системасына доо кетиргенде адам жыт менен даамды билбей калары айтылат. Кээде оорунун мээге таасиринен улам адам инсультка кабылат.

БИШКЕК, 13-авг. — Sputnik. Жаңы коронавирус дем алуу жолдорун гана эмес, мээ менен борбордук нерв системасын да жабыркатат. Бул тууралуу педиатрлар союзунун президенти Лейла Намазова-Баранова айтып бергенин РИА Новости жазды.

"Жадагалса COVID менен жеңил түрдө ооруган кишинин да мээсинин түзүлүшүндө өзгөрүү болот. Буга адамдын жыт менен даамдын сезбей калышы айкын мисал. Демек, борбордук нерв системасына доо кеткен болот", — деген дарыгер.

Дарыгердин айтымында, мындай өзгөрүүгө вирус кандайча шыкакчы болорун так айтуу кыйын. Ошондой эле адамдын каны өтө коюуланып, кычкылтек жетпей калган маалда мээге катуу күч келип, ишемиялык же геморрагиялык инсульт болушу мүмкүндүгүн кошумчалаган.

Коронавирустун мурда кездешпеген жаңы белгиси табылды. Чикагодогу окуя

Макалада айтылгандай, буга чейин неврология жаатындагы АКШлык окумуштуулар анализ жүргүзүшкөн. Натыйжада катышуучулардын жарымында неврологиялык симптомдор болгон. Тагыраагы, башы ооруп, айланып, эске тутуусу начарлап, оюн топтой албай, калтырак басып, жыт-даам сезбей калышкан.

0
Белгилер:
оору, симптом, жыт, нерв, мээ, коронавирус
Тема:
Дүйнөгө жайылган коронавирус
Тема боюнча
COVID кандай учурда адамдын жанын алары аныкталды