Патрулдук милициянын кызматкери. Архив

Коркунучтуу дарт экен! Ооруканадан кайрылуу жасаган 37 жаштагы милиционер көз жумду

1314
(жаңыланган 14:58 29.06.2020)
Буга чейин соцтармактарда ооруканада жаткан киши дем ала албай араң сүйлөп, оорудан абайлагыла деп кайрылуу жасаган видео тараган. Бишкек ШИИББ видеодогу киши каза тапкан милиционер экендигин тастыктады.

БИШКЕК, 29-июн. — Sputnik. Борбор калаадагы Ленин РИИБинин Криминалдык милиция кызматынын ыкчам кызматкери, милициянын ага лейтенанты Бердибай Элакунов 37 жашында каза болду. Маалыматты Бишкек ШИИББдин маалымат кызматы тастыктады.

Ага ылайык, милиционер кечээ кечинде көз жумган. Өлүмүнүн себеби такталып жатат.

Бирок укук коргоо органдарындагы ишенимдүү адамдын айтымында, ал пневмониядан улам ооруканада жаткан.

Чыныгы жетекчи болчу! Подполковник Олег Запольскийге жазылган ИИМдин некрологу

Белгилей кетсек, буга чейин социалдык тармактарга ооруканада жаткан киши дем ала албай араң сүйлөп, оорудан абайлагыла деп кайрылуу жасаган видео тараган. Аны интернеттен жана мессенджерлерден көп киши бөлүшкөн.

"Жигиттер, ассалому алейкум, кандайсыңар. Абайлагыла, абайлагыла. Бул абдан коркунучтуу оору экен. Ошондуктан абайлагыла, маска кийгиле. Бул жакта Улуттук госпиталда адам жөн эле толуп кетиптир. Албай жатышат. Канчасын Тез жардам ташып келип жатат. Шаар кооптуу", — деп айткан.

Бишкек ШИИББ видеодогу киши каза тапкан милиционер экендигин тастыктады.

1314
Белгилер:
кайрылуу, оорукана, өлүм, милиция, Бишкек
Тема боюнча
Пневмония менен кайрылгандарды кабыл алуунун алгоритми өзгөрдү
Дүйнөдө коронавирустан каза болгондордун саны 500 миңден ашты
Колуна кишен тагылган киши. Архивдик сүрөт

Интерпол аркылуу изделген Түркиянын эки жараны Кыргызстанда кармалды

155
(жаңыланган 16:40 13.08.2020)
Кыргызстанда оор кылмыштар үчүн эл аралык издөөдө жүргөн эки чет элдик кармалды. Алардын бири өлкөдө 15 жылдан бери жашап жүргөнү белгилүү болду.

БИШКЕК, 13-авг. — Sputnik. Интерпол аркылуу издөөдө жүргөн Түркиянын эки жараны Кыргызстанда колго түшүрүлдү. Бул тууралуу Ички иштер министрлигинен билдиришти.

Биринчиси 32 жаштагы Ч.О. аттуу жаран. Ал 2011-жылы өспүрүмгө карата сексуалдык зомбулук жана кишини барымтада кармоо беренелери менен айыпталган. Интерпол аркылуу ушул жылдан баштап изделип жаткан.

Насыя үчүн аялын өлтүрө сабаган зөөкүр. Июлдагы соттук чечимдер

Экинчиси 62 жашта, Түркияда дайынсыз жоголуп кеткен адам катары 2010-жылдан бери изделип келген.

"Алдын ала маалыматтарга караганда, бул киши Кыргызстанга 2005-жылы келип, ар кайсы жерлерде жашап жүргөн", — деп айтылат билдирүүдө.

Эки учур боюнча тең издеп жаткан тарапка маалымат берилип, мындан аркы кадамдар күтүлүүдө.

155
Белгилер:
издөө, ИИМ, Түркия, Кыргызстан
Тема боюнча
Бишкек: үйдөн сейфти 2,5 млн сому менен көтөрүп кетти деген шектүүлөр кармалды
Минск шаарындагы милиция кызматкерлери

Минскиде эл менен кагылышуудан 100дөн ашуун милиция жабыркады

164
(жаңыланган 16:22 13.08.2020)
9-13-август күндөрү жалпысынан 103 кызматкер жабыркап, 28и ооруканага түштү. Тартип сакчыларына карата агрессия дагы деле сакталууда.

БИШКЕК, 13-авг. — Sputnik. Беларустагы нааразычылык акциялары учурунда күч органдарынын 100дөн ашуун кызматкери жабыркады. Бул тууралуу өлкөнүн Ички иштер министрлигине таянып РИА Новости жазды.

"Митингге чыккандардын катары акырындык менен суюлуп бара жатат. Бирок тартип сакчыларына карата агрессия сакталууда. 9-13-август күндөрү жалпысынан 103 кызматкер жабыркап, 28и ооруканага түштү", — деп жазылат кабарда.

Мындан тышкары, өткөн суткаларда мыйзамсыз аракеттерге барды деген айып менен 700дөй жаран кармалган.

Минскиде милиция демонстранттарды борбордон сүрүп чыга баштады

Эске салсак, Беларусь республикасында 9-август күнү өткөн президенттик шайлоонун жыйынтыгына нааразы болгон эл митингге чыгып, ал массалык акцияга айланган. Тургундар менен укук коргоо органдарынын ортосунда кагылышуу болуп, бир адам көз жумган. Мындан тышкары, жүздөгөн адам кармалып, көп киши медицина кызматкерлеринин жардамына муктаж болгону айтылган.

Өлкөнүн Борбордук шайлоо комиссиясы (БШК) жекшембиде өткөн президенттик шайлоонун расмий жыйынтыгын жарыялап, анда учурдагы мамлекет башчысы Александр Лукашенко 80,08 пайыз добуш менен жеңип чыкканы белгилүү болгон.

164
Белгилер:
жабырлануучу, милиция, митинг, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенконун атаандашы Тихановскаяны коопсуз жайга алып чыгып кетишкен
Беларустагы башаламандыктын катышуучусун кармап жаткан милиция кызматкери

Беларустагы башаламандыкта 68 кабарчы кармалып, 20дан ашыгы дагы эле камакта

0
(жаңыланган 23:57 13.08.2020)
Буга чейин бир катар жергиликтүү жана чет элдик кабарчыларга карата күч колдонуп, аларды камакка алган фактылар болгон.

БИШКЕК, 13-авг. — Sputnik. Беларуста укук коргоо кызматкерлери 9-августтан бери 68 кабарчыны кармаган, 20дан ашыгы дагы эле камакта. Бул тууралуу РИА Новости агенттиги жазып чыкты.

Беларустагы журналисттер ассоциациясынын маалыматына ылайык, 23 журналист камакта.

"13-август саат 17.40ка карата 23 журналист камакта жатат. 9-августтан бери жалпы 68 кабарчы кармалган. Аларга карата күч колдонгон 29 учур катталган", — деп жазылган ассоциациянын Telegram-каналында.

Лукашенко: митингге чыккандарды чет мамлекеттен туруп көзөмөлдөшкөн

Башаламандыкта буга чейин "Комсомольская правданын" журналисти менен айдоочусу сабалган. Кийин жергиликтүү погончондор BBC кызматынын үч кызматкерине кол салган деп айтылат маалыматта. Андан сырткары, Onliner порталынын эки кабарчысына күч колдонуп кармаган.

Ага чейин бир катар россиялык жалпыга маалымдоо каражаттарынын өкүлдөрү да колго түшүп, айрымдарын Беларусь беш жылга өлкө аймагына кирүүгө тыюу салып, коё берген.

0
Белгилер:
кармоо, журналист, Беларусь
Тема:
Беларустагы нааразылык акциялары
Тема боюнча
Минскидеги башаламандык таңга жуук токтоду
Лукашенко: митингге чыккандарды чет мамлекеттен туруп көзөмөлдөшкөн