Ооруканада жаткан бейтап. Архив

Бишкекте котлованга кулаган унаанын ичинде төрт өспүрүм болгон. Кырсыктын видеосу

970
(жаңыланган 23:58 08.07.2020)
Айдоочу түштүк тарапка баратып, автокөлүктүн рулун башкара албай тосмону сүзүп өтүп, жаңы курулуп жаткан кабаттуу үйлөрдүн казылган котлованына кулаган.

БИШКЕК, 8-июл. — Sputnik. Борбор калаада жол кырсыгына кабылган Toyota Camry жеңил автоунаасынын ичиндеги жашы жете элек төрт өспүрүмдүн абалы оор. Бул тууралуу медициналык Тез жардам станциясынан билдиришти.

Окуя катталган жердеги видео "Короче" Telegram-каналына жарыяланган. 

Котлованга түшүп кетип аңтарылып калган автоунааны курулушчулар бир нече адамдар менен жалпылап түртүп жатып өйдө кылышкан. Видеодон анын талкаланып калганын көрүүгө болот.

Бишкекте таякталып көз жумган 15 жаштагы кыздын өлүмүнө атасы шектелип кармалды

Анда окуянын күбөсү автоунаа 10 метр тереңдикке кирип кеткендигин айтууда.

Бишкекте кафеге кирип кеткен жолтандабастын айдоочусу изделүүдө

Буга чейин Кайгуул милициядан аталган кырсык бүгүн саат 19.30дар чамасында Сухе-Батор көчөсүндө болгонун тастыктаган. Анда айдоочу түштүк тарапка баратып, автокөлүктүн рулун башкара албай тосмону сүзүп өтүп, жаңы курулуп жаткан кабаттуу үйлөрдүн казылган чуңкуруна кулаган.

970
Белгилер:
видео, автоунаа, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар (241)
Тема боюнча
Чүйдө "Жигули" менен маршрутка кагышып, кырсык бир адамдын өмүрүн алды
Эшикти талкалап киришкен. Бишкекте үч кыз каракчылыкка шектелип кармалды
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

52
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

52
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео
Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды.

УКМК аткаминерди пара менен кармап, кабинетинен 1,3 млн. сом тапты. Сүрөт

864
(жаңыланган 13:12 30.09.2020)
Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган.

БИШКЕК, 30-сен. — Sputnik. Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды. Бул туурасында УКМКнын Коррупцияга каршы күрөшүү кызматы билдирди.

Аталган аткаминер өзү менен иштеген адамга 100 миң сом пара берүүгө аракет кылганы айтылат. 

В Бишкеке задержан заместитель директора Департамента по делам банкротства Министерства экономики КР Б.Э.А
© Фото / пресс-служба ГКНБ
Аткаминер өзү менен иштеген адамга 100 миң сом пара берүүгө аракет кылганы айтылат.
"Кармалган кызматкер банкроттук уюмдардын активдерин төмөн баада алуу үчүн туруктуу коррупциялык схема түзүп алган. Департаменттин атайын администратору ишкананын активинин наркын төмөндөтүү боюнча мыйзамсыз иш-аракеттерге катышуудан баш тарткан. Мындан улам анын функцияларын өзүнүн карамагындагы кызматкерге өткөрүп берүү максатында ага өз ыктыяры менен кызматтан кетиши үчүн каражат сунуштаган", — деп айтылат маалыматта.

Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган. Ал акча кайдан келгендиги аныкталып жатат.

УКМК: чек ара заставасынын башчысы пара берип жатканда кармалды. Сүрөт

Сотко чейинки өндүрүштүк материалдар Жазык кодексинин 328-беренеси ("Пара берүү") боюнча Кылмыштардын жана жоруктардын бирдиктүү реестрине катталды.

Кармалган аткаминер УКМКнын убактылуу кармоочу жайына киргизилди.

864
Белгилер:
аткаминер, пара, УКМК
Тема боюнча
Тендердин ишин өздөрү жасаган. Жалал-Абадда токой чарба башчысы кармалды
Пара алды деп кармалган УКМКнын экс-кызматкери №1 тергөө абагына киргизилди