Муштум. Архив

Пакистандык студенттерди тоодон токмоктоп кетишкен. Милиция шектүүлөрдү издөөдө

343
(жаңыланган 20:52 20.07.2020)
Буга чейин социалдык тармактардын колдонуучулары Пакистандын тургундары сабалганын жазып чыгышкан. Милиция ишти көзөмөлгө алып, кылмыш ишин козгоду.

БИШКЕК, 20-июл. — Sputnik. Кыргызстанда жаратылыш койнуна чыккан пакистандык жарандарды сабап кетишкен. Милиция шектүүлөрдү издеп жатат. Бул тууралуу Чүй ШИИБ маалымат кызматы кабарлады.

Буга чейин аталган учур боюнча социалдык тармактын колдонуучулары жазып чыгышкан. Интернетке тараган маалыматка ылайык, окуя "Теплые ключи" эс алуу комплексине жакын жерде болгон. Кыргызстан эл аралык университетинин медициналык факультетинде билим алган чет өлкөлүк студенттер аталган жерге эс алууга чыкканда аларды сабап кетишкен. Ур-токмокко кабылган чет өлкөлүк студенттердин арасында Бишкектеги күндүзгү стационарлардын бирине жумушка алынган Аббас Али Шах аттуу студент бар экени айтылды. Буга чейин айрым ЖМКлар ал коронавирус жуктурган бейтаптарга акысыз жардам бере турганын жазышкан. Интернеттин колдонуучулары чет өлкөлүк жарандарга жасалган мындай мамилеге нааразы болушууда.

Бишкекте акча алмаштыруу жайын тоноого шектелип "актер" кармалды. Фото

Чүй ШИИБи билдиргендей, 19-июлда милицияга Пакистандын бир жараны кайрылып, аны сабагандарга чара колдонууну өтүнгөн.

Андан кийин анын дагы төрт мекендешинен ушундай эле кайрылуу келип түшкөн. Милиция окуя болгон жерге барганда мушташтын катышуучулары качып кетишкен. Учурда сотко чейинки өндүрүш иштери башталып, чет өлкөлүк жарандарды сабагандар изделип жатканы кошумчаланды.

Бишкекте дарыны кымбаттатып саткан шектүү кармалды

343
Белгилер:
ур-токмокко алуу, медик, студенттер, Пакистан, Кыргызстан
Тема боюнча
Аялды жыга тепкен кишилердин ким экени аныкталды. Окуянын чоо-жайы
Жалал-Абад шаарында эл аралык террордук уюмдун мүчөлөрү колго түшүрүлдү

УКМК: Жалал-Абадда эл аралык террордук уюмдун мүчөлөрү кармалды

115
(жаңыланган 13:04 20.10.2020)
Шектүүлөрдүн жанынан уурдалган акча, жасалма чет элдик валюталар, ток менен уруучу аппарат жана бычак сыяктуу далил буюмдар алынган.

БИШКЕК, 20-окт. — Sputnik. Жалал-Абад шаарында эл аралык террордук уюмдун мүчөлөрү колго түшүрүлдү. Бул тууралуу Улуттук коопсуздук мамлекеттик комитетинин коомчулук менен байланыш бөлүмү кабарлады.

Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам издөө иш-чараларынын жүрүшүндө кармалган. Алар Кыргызстандын жарандары Б.О. жана Э.К. болуп чыгышты.

В Джалал-Абаде задержаны члены международной террористической организации
© Фото / пресс-служба ГКНБ
Шектүүлөр кечээ, 19-октябрда, УКМК менен милициянын террордук уюмдардын жашыруун түзүмдөрүн жана аларды каржылоо каналдарын аныктоого, алдын алууга жана бөгөт коюуга багытталган ыкчам-издөө иш-чараларынын жүрүшүндө кармалган

Такталгандай, кармалган адамдар 19-октябрь күнү эртең менен ишкерге кол салып 400 миң сом өлчөмүндөгү акчасын уурдап кетишкен.

Бишкекте элди террордук уюмга азгырган чет элдик кармалды. Сүрөт

Жанынан уурдалган акча каражаты, жасалма чет элдик валюталар, ток менен уруучу аппарат жана бычак менен сайылуучу нерселер далил зат катары табылды.

"Кармалгандар Сириянын аймагындагы мыйзамсыз куралдуу топтордун ишмердүүлүгүнө катышып жана эл аралык террордук уюмдардын башчыларынын көрсөтмөсү менен ЭТУ мүчөлөрүнө каржылык колдоо көрсөтүү үчүн талап-тоноочулукту уюштуруу максатында Кыргызстандын аймагына келишкен", — деп айтылат маалыматта.

Сотко чейинки өнүрүштүк материалдар Кылмыш жана жоруктардын бирдиктүү реестрине катталган. Кармалгандар Жалал-Абад шаардык милициянын тергөө камак жайына киргизилди. Иликтөө уланууда.

115
Белгилер:
кармоо, шектүү, мүчө, террордук уюм, УКМК
Тема боюнча
УКМК: коррупциялык иштерге күбө болгондор үчүн ишеним телефондор иштей баштады
УКМК ЖЭБ кызматкерлеринин пара алган мыйзамсыз схемасын аныктады
Чоң Алай району. Архив

Чоң Алайда күчү 4,5 баллга жеткен жер титирөө болду

57
(жаңыланган 10:45 20.10.2020)
Жер силкинүү райондун бир нече айылында сезилди. Табигый кырсыктан жабыркагандар жана кыйроолор катталган жок.

БИШКЕК, 20-окт. — Sputnik. Ош облусунун аймагында очогунда күчү 4,5 баллга жеткен жер титирөө катталды. Бул тууралуу ӨКМ Сейсмология институтунун маалыматына таянуу менен кабарлады.

Жаратылыш кырсыгы кечээ, 19-октябрь күнү, саат 16:17де болгон.

Ала-Букадагы алтын кен ишканасында өрт чыкты. Видео

Жер титирөө Чоң Алай районунун Ачык-Суу, Жайылма айылдарында 2 балл, Кызыл-Эшме, Кара-Шыбак, Жар-Башы айылдарында 3 балл, Кашка-Суу айылында 4 баллга чейин сезилген.

Силкинүүдөн жабыркагандар жана кыйроолор катталган жок.

57
Белгилер:
жер титирөө, Алай району, Ош, ӨКМ
Тема боюнча
Кыргызстанда күчү 5 баллга жеткен жер титирөө болду
Бишкек мэринин милдетин аткармай болгон Нариман Түлеев. Архив

Абакта "авторитет" болгон. Бишкек мэрлигине кайра келген Түлеев жөнүндө 7 факты

0
(жаңыланган 15:42 20.10.2020)
Нариман Түлеев Бишкек шаарына кайрадан мэр болуп дайындалды. 2008-2010-жылдары  шаарды башкарган Түлеев тууралуу буга чейин бир катар чуулуу маалыматтар жазылып келген.

Ал журналисттерге берген маектеринин биринде алгачкы миллиондорун 90-жылдарда эле тапкандыгын айтып берген.

Бүгүн Түлеев Бишкектин биринчи вице-мэри болуп дайындалып, өз арызы менен кызматтан кеткен Азиз Суракматовдон кийин мэрдин милдетин аткаруучу болуп отурат.

Өмүр баяны. Нариман Түлеев 1963-жылы 24-декабрда Фрунзе шаарында төрөлгөн. Ал 1985-жылы Фрунзе политехникалык институтун инженер-куруучу адистиги боюнча аяктаган. 1985-1986-жылдары Нарын МККсында мастер, андан кийин 1990-жылга чейин Кыргызстандын Тянь-Шань райондук комсомол комитетинде жана Ысык-Көл облустук комсомол комитетинде бөлүм башчы болуп иштеген. 2005-жылы "Кыргыз темир жолу" улуттук компаниясы" мамлекеттик ишканасында башкы директор, 2008-жылы Бишкек шаарынын мэри, 2010-жылы Жогорку Кеңештин V чакырылышына "Ата-Журт" партиясынан депутат болуп келген.

Өлкөдөн чыгып кеткен. 2010-жылдагы Апрель окуяларынан кийин Бишкектин мэри Нариман Түлеев кызматтан алынып, өлкөдөн чыгып кеткен. Ал эми ушул эле жылдын 6-апрелинде Бишкектеги "Манас" эл аралык аба майданынан кармалган. Сурак бир топ мөөнөткө созулуп, андан соң камакка алынган. Ага Кылмыш кодексинин экономика боюнча беренелеринин негизинде жана 7-8-апрелдин түнүндө башаламандыкты уюштурууга катыштыгы бар деген күнөө менен иш козголгон. Кийин ага Жогорку Кеңештин шайлоосуна катышууга мүмкүнчүлүк берилип, "Ата-Журт" партиясынын тизмеси менен талапкерлердин катарына кошулган. Бирок 2012-жылдын 21-июнунда кармалган.

Нариман Түлеев экс-президент Алмазбек Атамбаев менен түшкөн селфисин жарыялады

Кылмыш иши. 2013-жылы Ленин райондук соту Түлеевди 2008-жылы Кытайдан автобустарды алып келүүдө коррупцияга катыштыгы бар, шаардагы бала бакчанын имаратын саткан жана 200 миллион сомдук  муниципалдык облигацияны чыгарууда кызматынан кыянаттык менен пайдаланган деген айып менен 11 жылга эркинен ажыраткан. 2014-жылдын декабрында Бишкек шаардык соту ал өкүмдү күчүндө калтырып, ал эми туура бир жылдан соң Жогорку соттун коллегиясы да ушундай эле өкүм чыгарган.

Мамлекетке 60 миллион сом кайтарып берген. Бишкектин экс-мэри Нариман Түлеев мамлекеттик казынага 60 миллион 671 миң 304 сомдук чыгымды калыбына келтирип, 2016-жылы мунапыска туш келген. Мындан тышкары, соттун чечими менен анын байлыгы конфискацияланган.

Чуулгандуу 11 батир. Түлеев мамлекетке төккөн 60 миллион сомдун бир бөлүгүн акча менен төлөсө, калганына Caravan борборунда жана Sapat Centеr имаратынан 11 батир берип кутулган. Нариман Түлеевдин берген батирлери 2017-жылы мамлекеттин карамагына өткөн. Сегиз батир мэриянын, үчөө Башкы прокуратуранын балансына берилген.

Чыныбай Турсунбеков бүгүн 60 жашка толмок. Саясий ишмер тууралуу 10 факты

Түрмөдө "авторитет" болчу. Бул тууралуу мурдагы шаар башчысы журналисттерге өзү айтып берген. Түлеевдин айтымында, ал абакта "авторитет" болгон. Соттолгондорго юрист катары документтер боюнча кеп-кеңеш айтып, материалдык жактан жардам берип келген экен. Ал кошумчалагандай, колонияда адилетсиз жаза өтөп отурган мыкты кишилер көп болчу.

Үй-бүлөсү. ЖМКда Нариман Түлеев биринчи аялы менен эки ача жолго түшүп, учурда экинчи никеси менен жашаары жазылган. Ал алты баланын атасы. Улуу кызы Назгүл Түлеева убагында атасынын таламын талашып президенттик аппараттын мурдагы жетекчиси Данияр Нарынбаев менен ошол кездеги депутат Хаджимурат Коркмазовду каматкандан кийин коомчулукка таанылган. Назгүл Түлеева журналисттерге берген маегинде үй-бүлөлүк бизнес менен алектенерин айткан. Маалыматтарга караганда, Нариман Ташполотовичтин улуу кызы 33 жашта болсо, кичүү кызы быйыл алтыда.

0
Белгилер:
Бишкек, мэр, батир, кылмыш иши, Нариман Түлеев
Тема боюнча
Нариман Түлеев Бишкек мэриясын жетектемей болду