Аял-кыз. Архивдик сүрөт

ИИМ: Москвада кыргызстандык кыздарды жазалагысы келгендер изделе баштады

358
ИИМдин РФтеги өкүлчүлүгү иликтөөнүн жыйынтыгында күнөөлүүлөр табылса, Россиянын мыйзамдарына ылайык жоопко тартыларын эскертет.

БИШКЕК, 22-июл. — Sputnik. Кыргызстандын Ички иштер министрлигинин Россиядагы өкүлчүлүгү Москвада жүргөн кыргызстандык кыздарга карата зордук-зомбулук мамилеге үндөгөн чакырыктар боюнча иликтөө иштерин баштады. Бул тууралуу ИИМдин маалымат кызматынан билдиришти.

Маалыматка ылайык, социалдык тармактарда жаш балдардан турган топ Россияда иштеп жүргөн кыздар башка улуттагы жигиттер менен мамиледе болгонун билер замат аны жазалоого чакырып жаткан видео тароодо.

Депутат бийликти алмаштырууга чакырык жасаганбы. УКМК иликтеп баштады

ИИМдин бул мамлекеттеги өкүлчүлүгү иликтөөнүн жыйынтыгында күнөөлүүлөр табылса, Россиянын мыйзамдарына ылайык жоопко тартыларын эскертет.

Ошондой эле мындан ары айтылгандай мазмундагы видеолор тарабаш үчүн кыргыз диаспорасы менен жолугушуу пландалууда.

358
Белгилер:
жаза, видео, кыздар, Кыргызстан, Россия
Тема боюнча
ИИМ: жарандарды Россиядан КРге жөнөтүү үчүн каражат сурагандар аныкталууда
ӨКМ кызматкери. Архивдик сүрөт

Оту асманга атылып. Бишкектин 5-кичи районундагы өрттүн видеосу

61
(жаңыланган 13:40 26.09.2020)
Аянты 40 чарчы метр темир павильон күйгөн. Адамдын ден соолугуна, өмүрүнө коркунуч жаралбаганын айтышты.

БИШКЕК, 26-сен. — Sputnik. Бишкек шаарынын Октябрь районундагы 5-кичи районда павильондон өрт чыкты. Окуянын жеринен тартылган видеосун "Короче" Telegram каналы жарыялады.

Өзгөчө кырдаалдар министрлигинен билдиришкендей, кечээ, 25-сентябрда, өрт чыккандыгы боюнча кабар түшүп, аны өчүрүүгө саат 21:22де Октябрь райондук №5 ӨКМден бир бөлүм тартылган.

Жабыла чуркап сууруп чыгышты. Өрттөнгөн унаадагы кишилерди куткарган видео

Такталган маалыматка ылайык, 5-кичи райондогу №82 көп кабаттуу үйдүн жанында  учурда иштетилбей турган 40 чарчы метрлик темир павильон күйгөн.

Өрттүн адамдын ден соолугуна, өмүрүнө кесепети тийген эмес.

61
Белгилер:
Бишкек, ӨКМ, кырсык, өрт
Тема боюнча
Жабыла чуркап сууруп чыгышты. Өрттөнгөн унаадагы кишилерди куткарган видео
Оштогу жол кырсыгында өрт чыгып, беш киши жабыркады. Сүрөттөр
Тапанча кармаган киши. Архивдик сүрөт

Милиция үлпөт тоюнда тапанчадан ок чыгарган күйөө баланы Кара-Балтадан тапты

155
(жаңыланган 11:30 26.09.2020)
Кечээ социалдык тармактарда парктын ичинде жүргөн күйөө бала куралы менен асманга ок чыгарган видео тараган. 

БИШКЕК, 26-сен. — Sputnik. Үлпөт тоюнда тапанчасы менен ок чыгарган күйөө баланын ким экени аныкталды. Бул туурасында Чүй облустук милициянын маалымат кызматы кабарлады.

Кечээ социалдык тармактарда колуктусу менен парктын ичинде жүргөн күйөө бала үч жолу ок чыгарган видео тараган. Аталган факт Жоруктар кодексининин 121-беренеси менен ("Калк жашаган аймакта ок атуучу курал менен атуу") катталган. 

“Видео 19-сентябрда Кара-Балта шаарындагы парктардын биринде тартылган. Ок чыгарган жаран Панфилов районунун 29 жаштагы Ч.М. аттуу тургуну экени аныкталды”, — деп айтылат маалыматта.

Учурда аталган факт боюнча тиешелүү ыкчам-тергөө иш-чаралары жүргүзүлүп жатат.

Унаадан белине чейин чыгып алып, тапанча аткан бала кармалды. Оштогу видео

Бул өлкөдө катталган биринчи учур эмес, август айында жана сентябрдын ортосунда дагы үлпөт тойдо тапанча менен асманга аткан күйөө баланын достору кармалган.

155
Белгилер:
аныктоо, милиция, күйөө бала, ок чыгаруу, той
Тема боюнча
Бишкектеги паркта милиционер асманга ок чыгарды. Окуянын видеосу жана чоо-жайы
Өзгөн: тойдо досун куттуктап асманга ок чыгарган видеодогу жигит кармалды
Чек арадагы посттогу кызматкер. Архивдик сүрөт

Өлкөгө сырттан киргендер кайрадан текшерилет, анализ тапшырат. Жаңы алгоритм

0
(жаңыланган 14:49 26.09.2020)
Кыргызстанда да коронавирус жуктургандардын саны акыркы күндөрү арбып бара жатат. Бүгүн, 26-сентябрда COVID 158 кишиден табылды.

БИШКЕК, 26-сен. — Sputnik. Чек арадан учак же транспорт менен өтүү үчүн иштелип чыккан алгоритмдин негизинде эл аралык жана ички авиакаттамдардын жүргүнчүлөрү учуу алдындагы процедуралардын бардык этаптарында бет кап тагынып, аралыкты сактоого тийиш.

Өкмөттүн маалымат кызматы Республикалык ыкчам штабдын жыйынында бул тууралуу кеп болгондугун айтты. Атайын алгоритмдин негизинде КРге кирип келе жатканда жүргүнчүлөрдүн дене табы өлчөнөт жана анкета толтурулат.

"Кыргызстандын мамлекеттик чек арасынан өтүү боюнча иштелип чыккан алгоритмдин аэропорт аркылуу учак менен келгендерге тийиштүү бөлүмү 10 күндөн кийин, ал эми чек арадан автотранспорт менен өткөндөр үчүн 2020-жылдын 26-сентябрынан, бүгүнтөн тарта күчүнө кирет", - деп билдиришкен Республикалык штабдан.

Сырттан кирип келе жаткандарда симптомдору болсо обсервацияга алынары айтылган.

"Чет өлкөлөрдөн автотранспорт менен келген Кыргызстандын жарандарында эгер алдын ала алынган полимердик чынжырлуу реакция (ПЧР)-тесттин жыйынтыгы жок болсо, экспресс-тест/ПЧР-анализ алынат. Клиникалык белгилери чыкпаса жүргүнчүлөр андан ары маршрут боюнча жүрө алышат. Оорунун симптомдору бар жарандар обсервацияга алынат. Анализдин жыйынтыгы чыкканча обсервацияда болот. Ал эми клиникалык белгилери жок жарандар 14 күн обочолонуу режимин сакташы зарыл", - деп айтылат таратылган маалыматта.

COVID жуктургандар көбөйө баштагандыктан Боронов шашылыш жыйын өткөрдү

Чет өлкөлөрдүн жарандары 72 саат ичинде чыккан ПЧР-анализдин жыйынтыгы менен гана Кыргызстандын аймагына кирүүсүнө уруксат берилери кабарланды.

Биринчи вице-премьер-министр Алмазбек Баатырбеков бекитилген алгоритмди так аткаруу боюнча тармактык мамлекеттик органдарга тийиштүү тапшырмаларды берген.

Саламаттык сактоо министрлигине бекитилген алгоритмди тиешелүү министрликтерге тааныштыруу менен иш алып барууга тапшырмалар берилген.

0
Белгилер:
бет кап, аэропорт, учак, алгоритм, чек ара, сактануу, коронавирус, Кыргызстан