Бишкектин чок ортосунда Mercedes жана Honda Inspire автоунаалары кагышып, андан эки киши жабыркаган

Бишкектин чок ортосунда автоунаалар кагышып, эки киши жабыркады. Сүрөт

675
Кырсык кечээ түнү борбор калаанын чок ортосунда болгон. Жабыркагандар ооруканага жеткирилгени айтылды.

БИШКЕК, 23-июл. — Sputnik. Бишкектин чок ортосунда Mercedes жана Honda Inspire автоунаалары кагышып, андан эки киши жабыркаганын агенттикке Милициянын кайгуул кызматы башкармалыгынын маалымат катчысы Байгазы Айтикул уулу билдирди.

  • В Бишкеке на пересечении улицы Киевской и бульвара Эркиндик произошло ДТП с участием двух машин
    Бишкектин чок ортосунда Mercedes жана Honda Inspire автоунаалары кагышып, андан эки киши жабыркаган
    © Sputnik / Бакыт Толканов
  • В Бишкеке на пересечении улицы Киевской и бульвара Эркиндик произошло ДТП с участием двух машин
    Кырсык кечээ, 22-июлда, болжол менен саат 23:00дө Киев көчөсү менен Эркиндик проспектисинин кесилишинде болгон.
    © Sputnik / Бакыт Толканов
1 / 2
© Sputnik / Бакыт Толканов
Бишкектин чок ортосунда Mercedes жана Honda Inspire автоунаалары кагышып, андан эки киши жабыркаган

Анын билдиришинче, кырсык кечээ, 22-июлда, болжол менен саат 23:00дө Киев көчөсү менен Эркиндик проспектисинин кесилишинде болгон.

"Эки автоунаа тең бир багытта, батышты көздөй бара жаткан. Mercedes жөө кишилер өткөн чийинге токтогон учурда артынан Honda Inspire келип сүзгөн. Экинчи автокөлүктүн ичиндеги эки киши жабыркап, ооруканага алып кетишкен", — деди маалымат катчы.

Ысык-Көлдө жеңил автоунаа менен кагышкан комбайн оодарылып калды. Сүрөттөр

Учурда ал окуя териштирилип жатканын, кошумча маалымат берерин убадалады.

675
Белгилер:
Сүрөт, автоунаа, жол кырсык, Кайгуул милициясы, Бишкек
Тема:
2020-жылдын башынан бери Кыргызстанда болгон жол кырсыктар (241)
Тема боюнча
Рулга ээ боло албай бакты, анан дүкөндү сүзүп... Аламүдүндөгү кырсыктын видеосу
Кыргызстандын Россиядагы элчилигин имараты. Архив

Элчилик: компания көпүрө урап жабыркаган КР жарандарынын бүт чыгымын төлөйт

78
(жаңыланган 18:49 28.09.2020)
Кырсык маалында жумушта болгон 160 кыргызстандыктын 51и жабыркаган. Учурда 29 мекендеш ооруканада жатат.

БИШКЕК, 28-сен. — Sputnik. Москва облусунда жөө адамдар өтүүчү көпүрө урап, жаракат алган кыргызстандыктарга компенсация төлөнөт. Бул тууралуу Кыргызстандын Россиядагы элчилиги билдирди.

Маалыматта элчиликтин кызматкерлери ФМ LOGISTIC ишканасынын жетекчилери менен жолугуп, мекендештерге материалдык колдоо боюнча макулдашылганы айтылат.

51 кыргызстандык жабыркаган Москвадагы кырсык боюнча кылмыш иши козголду

Кырсык маалында 160 кыргызстандык жумушта болгон, анын 51и жабыркаган. Бүгүн айрымдары үйүнө чыгып, учурда 29 мекендеш ооруканада жатат. Тилекке каршы, бешөөнүн абалы оор, алардын бири 16 жаштагы өспүрүм.

"Кырсыктан жабыркаган бардык КР жарандарына камсыздандыруу компаниясы медициналык чыгымдарын жана реабилитацияга кеткен каражатты төлөйт. Кырсык болгон күнү жумушка чыккан 160 мекендешке ФМ LOGISTIC компаниясы 50 миң рублден кенемте берет. Ошондой эле оор абалдагылардын жакындары келем десе учакка билет алып берүүгө даяр. Бардык макулдашуулар компаниянын кепилдик катына жазып алынды. Элчилик кыргызстандыктардын укугун коргоо багытындагы иштерди мындан ары да улантат", — деп айтылат билдирүүдө.

Эске салсак, 27-сентябрь күнү Москва облусунун Ступино шаарындагы FM LOGISTIC логистикалык ишканасында (кампа комплекси) жөө адамдар өтүүчү көпүрө урап, кыргыз жарандары жабыркаган. Каза болгондор катталган эмес.

Кыргызстандын дипломатиялык өкүлчүлүгүнүн кызматкерлери бейтаптардан кабар алып, тийиштүү иш-чараларды жүргүзүүдө. Элчилик Россиянын Тергөө комитетине, Башкы прокуратурасына жана Ички иштер министрлигине күнөөлүүлөрдү аныктап, жоопко тартууну сурап атайын каттарды жибергени кабарланды. Бул маселени кыргыз өкмөтү жеке көзөмөлүнө алды.

78
Тема боюнча
Акыйкатчы кырсыктаган кыргызстандыктар боюнча россиялык кесиптешине кат жазды
Россияда кыргызстандыктар жабыркаган кырсыктын болжолдуу себеби айтылды
Ооруканадагы дарыгер. Архив

Кызы менен чогуу бычакталган киши реанимациядан палатага которулду

196
(жаңыланган 16:22 28.09.2020)
Түн ортосунда үйгө бет капчан белгисиз эки киши кирген. Алар 62 жаштагы Т.Ж. аттуу киши менен анын 26 жаштагы Т.А. аттуу кызын бычактап, андан соң качып кетишкен. Кыз алган жаракатынан каза болгон.

БИШКЕК, 28-сен. — Sputnik. Бишкекке жакын жайгашкан Төмөнкү Ала-Арча айылында үйгө кирген уурулардан бычак жеген 62 жаштагы киши жандандыруу бөлүмүнөн травматология бөлүмүнө которулду. Бул тууралуу Саламаттык сактоо министрлигинин маалымат кызматынан кабарлашты.

Эске салсак, 26-сентябрда 02:50лөр чамасында аталган айылдагы үйгө бет капчан белгисиз эки киши кирген. Алар 62 жаштагы Т.Ж. аттуу киши менен анын 26 жаштагы Т.А. аттуу кызын бычактап, андан соң качып кетишкен. Кыз алган жаракатынан каза болгон.

Милиция үлпөт тоюнда тапанчадан ок чыгарган күйөө баланы Кара-Балтадан тапты

"Бейтап жандандыруу бөлүмүнөн палатага которулду. Абалы салыштырмалуу канааттандырарлык. Бычак тийген кан тамырлары тигилди. Дарылануусун улантууда", — деп айтылат билдирүүдө.

Бул факты боюнча Жазык кодексинин негизинде 130-берене ("Киши өлтүрүү") менен кылмыш иши козголгон.

196
Белгилер:
абал, оорукана, жаракат, өлүм, каракчылык, Чүй облусу
Тема боюнча
Милиция: таңда үйгө кирген каракчылар атасын бычактап, кызын өлтүрүп кетишти
51 кыргызстандык жабыркаган Москвадагы кырсык боюнча кылмыш иши козголду
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди