Ысык-Көл облус башчысы Акылбек Осмоналиевдин архивдик сүрөтү

Ысык-Көлдүн башчысынын унаасына тагылган жасалма номер боюнча иш козголду

313
(жаңыланган 10:03 24.07.2020)
Факт Кылмыш жана жоруктардын бирдиктүү реестрине Жоруктар кодексинин 173-беренесинин 1-бөлүгү менен катталган.

БИШКЕК, 24-июл. — Sputnik. Өкмөттүн Ысык-Көл облусундагы өкүлүнүн кызматтык автоунаасына жасалма мамлекеттик номер тагылышы боюнча сотко чейинки өндүрүш ачылды. Бул туурасында облустук милициянын маалымат кызматы билдирди.

Кечээ, 23-июлда, айрым ЖМКларда облус башчысы Акылбек Осмоналиевдин кызматтык машинасына жасалма номер тагылганы тууралуу маалымат жарыяланган.

Жасалма номер чуусу: камерадан тартылган сүрөттү жарыялагандар жазаланды

Аталган факт Ысык-Көл ОИИБдин Кылмыш жана жоруктардын бирдиктүү реестрине Жоруктар кодексинин 173-беренесинин 1-бөлүгү ("Транспорт каражатын жалган же жасалма мамлекеттик номер (белгиси) менен башкаруу") менен катталып, сотко чейинки өндүрүш ачылган.

313
Белгилер:
милиция, текшерүү, номер, автоунаа, Ысык-Көл облусу
Тема боюнча
ИИМ унаага тагылчу жасалма номер кантип аныкталарын айтты
Өмүрбекова сурактан чыкты. Мурдагы вице-премьер кандай суроолор болгонун айтты
АКШнын Киевдеги элчилигин имараты. Архив

Киевде АКШ элчилигинде иштеген аялдын өлүмүнүн себеби иликтенип жатат

54
(жаңыланган 22:52 30.09.2020)
Алгач полиция аялды өлтүрө сабап кетишкенин билдирсе, кийинчерээк жергиликтүү басылмага укук коргоо органдарындагы ишенимдүү адам аны поезд коюп кетиши мүмкүндүгүн маалымдаган.

БИШКЕК, 30-сен. — Sputnik. Украинанын борбору Киевде АКШ элчилигинин кызматкеринин өлүмү иликтенип жатат. Бул тууралуу РИА Новости жазды.

Киев Улуттук полициясынын маалымат кызматы дипөкүлчүлүктүн кызматкери ооруканага токмок жеп түшкөндөн кийин каза тапканын билдирген. Укук коргоо органдары окуянын жагдайын тактап жатат.

Трамп: полиция кызматкерлерин жөн жерден атып кеткен киши өлүм жазасына тартылат

Полициядан билдиришкендей, шаршемби күнү Киев шаарынын Шевченко районундагы темир жол каттамына жакын жердеги токойлуу аймакта башынан жаракат алган аял жатканы тууралуу маалымат түшкөн. Ал жакка полиция кызматкерлери жана башка кызматтардын өкүлдөрү жөнөп кеткен.

"Аял эс-учун жоготкон абалда ооруканага жаткырылып, кийин ал ошол жерден көз жумган. Жабырлануучунун буюмдарын текшерүү учурунда анын АКШ элчилигинде иштей турганын тастыктаган күбөлүк табылган. Ыкчам иликтөө иш-чараларынын натыйжасында кызматкерге кол салышы ыктымал делген адамдын болжолдуу портрети түзүлүп, изделип жатат", — деп айтылат маалыматта.

Украина полициясынын өкүлдөрү РИА Новостиге маркумдун жарандыгы тактала электигин билдиришкен. Жергиликтүү маалымат каражаттарынын жазышынча, аялдын аты Санвер Никаело болгон.

Андан кийин "Цензор.НЕТ" басылмасы укук коргоо органдарындагы ишенимдүү адамга таянуу менен элчиликтин кызматкерин поезд коюп кетиши ыктымалдыгын жазган. Аял кулакчын тагынып алып темир жол жакта чуркаганы божомолдонгон.

Ошондой эле маалымат берген киши элчиликтин кызматкери желке тушунан оор жаракат алганын кошумчалаган.

54
Белгилер:
иликтөө, өлүм, кызматкер, элчилик, АКШ, Киев, Украина
Тема боюнча
Киев: бомба жардырам деген өзбекстандыкты аскерлердин кармаган учуру. Видео
Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды.

УКМК аткаминерди пара менен кармап, кабинетинен 1,3 млн. сом тапты. Сүрөт

869
(жаңыланган 13:12 30.09.2020)
Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган.

БИШКЕК, 30-сен. — Sputnik. Экономика министрлигине караштуу Банкроттук иштер боюнча департаментинин директорунун орун басары пара берип жаткан жеринен кармалды. Бул туурасында УКМКнын Коррупцияга каршы күрөшүү кызматы билдирди.

Аталган аткаминер өзү менен иштеген адамга 100 миң сом пара берүүгө аракет кылганы айтылат. 

В Бишкеке задержан заместитель директора Департамента по делам банкротства Министерства экономики КР Б.Э.А
© Фото / пресс-служба ГКНБ
Аткаминер өзү менен иштеген адамга 100 миң сом пара берүүгө аракет кылганы айтылат.
"Кармалган кызматкер банкроттук уюмдардын активдерин төмөн баада алуу үчүн туруктуу коррупциялык схема түзүп алган. Департаменттин атайын администратору ишкананын активинин наркын төмөндөтүү боюнча мыйзамсыз иш-аракеттерге катышуудан баш тарткан. Мындан улам анын функцияларын өзүнүн карамагындагы кызматкерге өткөрүп берүү максатында ага өз ыктыяры менен кызматтан кетиши үчүн каражат сунуштаган", — деп айтылат маалыматта.

Директордун орун басарынын кызматтык бөлмөсүнө тинтүү жүргүзүлгөндө 1 миллион 331 миң 300 сом табылган. Ал акча кайдан келгендиги аныкталып жатат.

УКМК: чек ара заставасынын башчысы пара берип жатканда кармалды. Сүрөт

Сотко чейинки өндүрүштүк материалдар Жазык кодексинин 328-беренеси ("Пара берүү") боюнча Кылмыштардын жана жоруктардын бирдиктүү реестрине катталды.

Кармалган аткаминер УКМКнын убактылуу кармоочу жайына киргизилди.

869
Белгилер:
аткаминер, пара, УКМК
Тема боюнча
Тендердин ишин өздөрү жасаган. Жалал-Абадда токой чарба башчысы кармалды
Пара алды деп кармалган УКМКнын экс-кызматкери №1 тергөө абагына киргизилди