Бишкек: үйдөн сейфти 2,5 млн сому менен көтөрүп кетти деген шектүүлөр кармалды

© Sputnik / Табылды КадырбековСейфтеги сом купюралары. Архив
Сейфтеги сом купюралары. Архив - Sputnik Кыргызстан
Жазылуу
Май айынын башында Бишкектин тургуну үйүнөн сейфин бирөөлөр уурдап кеткенин, анын ичинде миллиондогон акчалар бар экендигин айтып, милицияга кайрылган.

БИШКЕК, 4-авг. — Sputnik. Ичинде ири суммадагы акчасы менен кошо сейфти уурдап кетти деп шек жараткандар кармалганын Бишкектин Ленин райондук милициясынын билдиришти.

5-майда арыз жазган бишкектик киши үйүнөн сейфи уурдалганын айтып, милицияга арыз жазган. Ичинде 2 миллион сом, 250 миң рубль жана 1,4 миң доллар, 625 евро бар экенин билдирген.

Анда Жазык кодексинин 200-беренеси ("Уурулук") менен сотко чейинки иштер башталган.

1,5 млн. сомдук сөйкөлөр. Оштогу шектүүнүн жер төлөсүнөн уурдалган алтындар табылды

"1979-жылы туулган К.И. жана 1975-жылы туулган Т.Т. аттуу мурда уурулук үчүн соттолгон кишилер кармалды. Ленин райондук сотунун чечими менен баш коргоо чарасы өзгөртүлүп, алар №1 убактылуу кармоо жайына эки айга киргизилди", — деп айтылат маалыматта.

Учурда тиешелүү жактарга суралып жана алардын ушул дагы башка сыяктуу кылмыштарга катыштыгы бар-жогун аныктоо боюнча иликтөө жүрүп жаткандыгы айтылды.

Жаңылыктар түрмөгү
0