Сапер. Архивдик сүрөт

Милиция: Бишкекте жасалма бомба табылып, жеринде жок кылынды

311
(жаңыланган 21:25 22.08.2020)
Аталган факты Кылмыш жана жоруктардын бирдиктүү реестрине Жазык кодексинин 254-беренесинин ("Куралды мыйзамсыз даярдоо") негизинде катталып, сотко чейинки териштирүү башталды.

БИШКЕК, 22-авг. — Sputnik. Борбор калаада колго жасалган бомба табылып, жок кылынды. Бул тууралуу Ленин РИИБинин маалымат кызматынан кабарлашты.
Билдирүүгө ылайык, 22-август күнү саат 9.30дар чамасында "102" кызматына Мурманск көчөсүндө полиэтилен баштыкта жарылуучу каражатка окшош нерсе жаткандыгы кабарланган.

"Окуя болгон жерге милиция жетекчиси жана ыкчам тергөө тобу барган. Андан соң Улуттук коопсуздук мамлекеттик комитетинин кызматкерлери колго жасалган бомбаны ошол жерден жардырган. Ал жерден силикон бак, электр зымдар табылган", — деп билдиришти милициядан.

Ысык-Көлдө уюшкан кылмыштуу топтун мүчөсү баңгизат менен кармалды. Сүрөт

Аталган факты боюнча тергөө иштери улантылып, Кылмыш жана жоруктардын бирдиктүү реестрине Жазык кодексинин 254-беренесинин ("Куралды мыйзамсыз даярдоо") негизинде катталып, сотко чейинки териштирүү башталды.

311
Белгилер:
окуя, милиция, бомба, Бишкек
Тема боюнча
УКМК журналист Бободур Абдуллаевди Өзбекстан тарапка өткөрүп берди
Балыкчыда каржы пирамидасын уюштурган делип 7 аял камакка алынды. Сүрөттөр
Уй эти. Архив

Ат-Башы: сибирь жарасы менен ооруган уйдун эти элге тарап, эки киши жабыркады

418
(жаңыланган 17:14 19.09.2020)
Оору илештирип алгандар Нарын шаардык ооруканасына жаткырылып, изоляцияга алынганы маалым болду. Ал эми уй союлган жердин айланасы толугу менен тосулган.

БИШКЕК, 19-сен. — Sputnik. Ат-Башы районунун эки тургунунан сибирь жарасы аныкталды. Бул тууралуу Sputnik Кыргызстан агенттигине райондун администрация башчысынын биринчи орун басары Максат Кадыркулов билдирди.

Анын айтымында, оору илештирип алгандар Нарын шаардык ооруканасына жаткырылып, изоляцияга алынган.

"Бул окуя 2-сентябрда болуптур. Анда Ак-Сай өрөөнүндөгү Коенду-Колот деген жеринде малчылар бир уйдун ичи көөп, абалы жакшы эместигин байкап, союшкан. Уйдун ашказанынан аркандын калдыктарын таап, мал ошол себептен ооруп жаткан го деп болжоп коюшкан. Ошол жерден ичеги карындарын алып, уйду автоунаага жүктөп Баш-Кайыңды айылына караштуу Кара-Тал деген айылга алып барышкан. Уйдун ээсинин үйүнөн аны союп, эт алам дегендерге таратышкан. Кийинчерээк, 11-сентябрда, уй сойгон адамдардын биринин колу шишип Ат-Башы аймактык ооруканасына кайрылган. Ал сибирь жарасына шектелип, анализ алынып, жыйынтыгында чындап эле жугузуп алганы аныкталган", — деди Кадыркулов.

Акимдин орун басары уй союлган жердин баары курчоого алынып, малчылар изоляция болгонун кошумчалады.

Тогузбаева: шарп, кутурма, күйдүргү — адам өмүрү үчүн да кооптуу

"Ал эми уйдун этин 12 үй-бүлө сатып алган. Азыркы тапта 68 адам үй көзөмөлүндө турушат. Аларда оорунун белгилери жок. Таратылган эттин баары кайтарып алынды. Баш-Кайыңды айыл өкмөт башчысынын буйругу менен Кара-Тал айыл өкмөтүнө карантин жарыяланды. Уйдун баш-териси лабораторияга берилген. Жыйынтыгында анда сибирь жарасы бар экени аныкталды. Азыркы тапта уйду союп, ооруу жугузган эки адам ооруканада", — деди Кадыркулов.

Сибирь жарасы — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.

418
Белгилер:
лаборатория, аныктоо, оору, сибирь жарасы, Ат-Башы
АКШнын полиция кызматкерлери

АКШда кайрадан каршылык акциясы башталып, эки адам көз жумду

103
(жаңыланган 15:45 19.09.2020)
Кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган.

БИШКЕК, 19-сен. – Sputnik. Нью-Йорк штатындагы Рочестер шаарында өтүп жаткан каршылык акциясында эки адам окко учуп, 14 киши жабыркады. Бул тууралуу РИА Новости шаардык полициянын жетекчиси Марк Симмонско шилтеме берип жазды.

“Так маалыматтар боюнча бизде 16 адам жабыркады. Дагы эки адам ок жеп көз жумганын терең кайгыруу менен кабарлайм”, - деди Симмонс.

​Маалыматка караганда, атышуу болгон жерде көптөгөн полиция кызматкерлери жүрөт. Бир нече көчө жабылды.

Белгилей кетсек, кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган. Пруд жергиликтүү полиция анын башына баштык кийгизип, эки мүнөттөй асфальтка жаткырып кармагандыктан көз жумган.

103
Белгилер:
атышуу, акция, митинг, АКШ
Тема боюнча
Трамп АКШнын гипер үндүү, укмуштуудай ракетасы бар экенин айтып мактанды
В гипермаркете Карусель в городе Сергиев Посад Московской области.

Чөнтөккө да күч келбейт, ден соолукка да пайдалуу. Диетолог 7 азыкты санады

0
(жаңыланган 11:43 20.09.2020)
Тизмедеги пайдалуу азыктардын бири жумурткада адамга керектүү делген мультивитаминдер, минералдар, пайдалуу май жана антиоксиданттар камтылган.

БИШКЕК, 20-сен. — Sputnik. Диетолог Кристина Андерссон анча кымбат эмес жана ден соолукка пайдалуу жети азык-түлүктү санап бергенин РИА Новости Svenska Dagbladet басылмасына шилтеме берип жазды.

Дарыгер күнүмдүк тамакка пиязды колдонууну улантуу керектигин белгилеген. Анын курамында витаминдер, пайдалуу заттар бар, ошондой эле бактерициддик натыйжага ээ. Бөтөнчө кызыл пияз антиоксиданттарга бай.

Адистин айтымында, капустада организмди рактан сактай турган заттар камтылган. Ашказан оорусунан жапа чеккен адамдар бул азыкты чийки эмес, бышырылганын жеши керек.

Ал эми картошканы диета кармагандар дагы жесе болот, себеби анын аз эле өлчөмү организмге керектүү каллорияны берет.

Адис: банан нерв системасын бекемдөөгө жардам берет

Ошондой эле жерден казылып алынган жашылчалардын ичинен сабиз, пастернак жана кызылчанын ар кандай түрү углевод менен өсүмдүк талчасына бай.

Мындан тышкары, сулунун курамындагы бета-глюкан деп аталган пайдалуу талча кандагы кант менен холестериндин деңгээлине оң таасирин тийгизет.

Буурчак, нокот, жасмык сыяктуу өсүмдүктөрдө белок менен минералдык заттар көп. Андерссон кошумчалагандай, консерваланган төө буурчак азыктык баалуулугун жоготпойт, бирок баасы бир аз кымбат турат.

Ошондой эле жумуртка адамга керектүү делген мультивитаминдерди, минералдарды, пайдалуу майды жана антиоксиданттарды камтыйт.

0
Белгилер:
ден соолук, витамин, жумуртка, жашылча, азык, диетолог
Тема боюнча
Дүкөндө сатылган шире баланын ден соолугуна зыян тийгизет