Тапанча кармаган киши. Архивдик сүрөт

Баткен: бир түндө үч кишиге куралчан кол салып, сабап кеткендер кармалды

186
(жаңыланган 11:51 27.08.2020)
Аталган факты боюнча "Бейбаштык" беренеси менен сотко чейинки өндүрүш иши башталып, 21 жаштан 31 жашка чейинки Жалал-Абад менен Баткендин төрт тургуну кармалган.

БИШКЕК, 27-авг. — Sputnik. Баткен облусунда жергиликтүү тургундарга курал-жарак менен кол салган адамдар кармалды. Бул тууралуу ИИМ кабарлады.

Маалыматка ылайык, 12-август күнү саат 23:30дар чамасында Кадамжай районунун Марказ айыл аймагынан белгисиз кишилер 23 жаштагы жергиликтүү тургунду ээн талаага алып барып сабашкан. Андан кийин тапанча менен коркутуп, акча талап кылышкан. Бирок жабырлануучу качып кетүүгө үлгүргөнү айтылат. 

В Баткенской области задержаны подозреваемые в вооруженных нападениях на трех местных жителей.
© Фото / пресс-служба МВД КР
Баткен облусунда жергиликтүү тургундарга курал-жарак менен кол салган адамдар кармалды

Андан кийин кылмышкерлер 26 жаштагы башка тургунду дагы тапанча менен коркутуп, сабап, акча талап кылышкан. Ошол эле түнү унаасы менен кетип бара жаткан дагы бир 26 жаштагы кишини токтотуп, эч себепсиз таяктап салышкан.

Баткенде ири суммага алдап кетти делген аял 10 жылдан кийин Москвадан кармалды

Үч окуяда тең кылмышкерлер тапанча колдонуп, унаанын кузовун жабыркатышкан. 

Газотравматический пистолет найденный у подозреваемых в вооруженных нападениях на трех местных жителей в Баткене
© Фото / пресс-служба МВД КР
Шектүүлөрдүн алдынан табылган тапанча

Аталган фактылар боюнча "Бейбаштык" беренеси менен сотко чейинки өндүрүш иштери башталган. Ыкчам иш-чаралардын жүрүшүндө 21 жаштан 31 жашка чейинки Жалал-Абад менен Баткен облусунун төрт тургуну кармалган. Соттун чечими менен шектүүлөр эки айга камакка алынды.

186
Белгилер:
коркутуу, сабоо, курал, кармоо, шектүү, ИИМ, Баткен
Тема боюнча
Лейлекте 49 жаштагы кишини бычактап өлтүрдү делген шектүү кармалды
Жол кырсыкка кабылган унаа. Архивдик сүрөт

Катуу соккудан автоунаа тегеренип кеткен. Бишкектеги жол кырсыктын видеосу

133
(жаңыланган 21:12 25.09.2020)
Жол кырсыгы 20-сентябрда болуп, андан үч адам жабыркаганы айтылды. Окуянын видеосун материалдан көрүңүздөр.

БИШКЕК, 25-сен. — Sputnik. Бишкекте Күйүкова менен Шералиев көчөлөрүнүн кесилишинде эки автоунаа кагышып, кырсык болгон учур кадрга түшүп калган.

Видео "Короче" Telegram-каналына жарыяланды.

Маалымдалгандай, кырсык 20-сентябрда болуп, анда Volkswagen менен Mazda үлгүсүндөгү автоунаалар кагышкан. Видеодо көрүнүп тургандай, биринчи автоунаа солго бурулайын деп жатканда артында келе жаткан машина аны катуу сүзгөн. Жыйынтыгында бурулайын деген автоунаа тегеренип кеткен.

Бишкекте багаждан коляска чыгарып жаткан кишини унаа коюп кетип көз жумду

Тез жардам медициналык борбору кабарлагандай, кырсыктан үч адам жабыркаган.

133
Белгилер:
автоунаа, видео, жол кырсык, Бишкек
Тема:
2020-жылдын башынан бери Кыргызстанда болгон жол кырсыктар
Тема боюнча
Оштогу жол кырсыгында өрт чыгып, беш киши жабыркады. Сүрөттөр
Жол кырсыгы болгон жерге эмнеге инспектор чакыруудан качышат? Эреже, кеңештер
Тапанча кармаган адам. Архив

Бишкектин четинде Түркиянын жаранын атып, акчасы менен унаасын карактап кетишти

343
(жаңыланган 18:23 25.09.2020)
Жабырлануучу окуядан кийин ар кандай жаракат алып, борбор калаадагы ооруканалардын бирине жаткырылган.

БИШКЕК, 25-сен. — Sputnik. Аламүдүн районунда белгисиз адамдар Түркиянын жаранына кол салып, атып кетишти. Бул тууралуу Чүй облустук милициянын маалымат кызматы билдирди.

Окуя Бишкектин четиндеги Кашка-Суу айылында болгон. Кол салуу боюнча милицияга 24-сентябрда түнкү саат 23.50дө кабарлашкан.

Жерине барган милиционерлер саат 23:40та бет кап кийген белгисиз адамдар 42 жаштагы чет элдик жаранга күч колдонуп, курал менен атып кетишкенин аныкташкан. Каракчылар анын 80 миң сом акчасын алып, машинасын айдап качып кеткен. Жабырлануучу ар кандай жарааты менен ооруканага жаткырылган.

Бишкекте эки милиционерге бычак кезеген кишини ок чыгарып кармашты. Видео

Учурда шектүүлөр изделип жатат. Иш менен Чүй РИИБдин жана ОИИБдин тажрыйбалуу тергөөчүлөрү алектенүүдө.

343
Белгилер:
ок атуу, акча, кылмыш, тергөө
Тема боюнча
Аравандагы массалык мушташ: 13 шектүү аныкталып, тогузу ооруканада
Кыз талашкан. Бир жигитти алтоолоп сабаган Оштогу окуянын чоо-жайы
Украинада аскер учагы кулады

Украинада аскер учагы кулады. 23 адамдын өмүрүн алган кырсыктын видеосу

98
(жаңыланган 01:46 26.09.2020)
Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу.

БИШКЕК, 26-сен. — Sputnik. Украинанын Харьков облусунда Ан-26 деп аталган аскер учагы кулады. Андан каза болгондор жана жабыркагандар бар. Бул тууралуу РИА Новости Украинанын аскер-аба күчтөрүнүн маалыматына таянып кабарлады.

Кырсыктын видеосу басылманын Telegram -каналына жарыяланган.

​"25-сентябрь күнү кечинде Харьков облусунда Украинанын аскер-аба күчтөрүнө тиешелүү болгон АН-26 учагы кырсыктады. Учак жерге коноюн деп жатканда кулаган. Бортто экипаж мүчөлөрүнөн сырткары аскер-аба күчтөрүнүн Харьков университетинде билим алган курсанттары бар болчу. Арасында каза болгондор, жабыркагандар бар. Маалымат такталып жатат", — деп айтылат билдирмеде.

Ички иштер министрлиги билдиргендей, учак кырсыгынан 23 адам каза болуп, эки адам оор абалда ооруканага жеткирилген. Акыркы маалыматтар боюнча жеринде куткаруучулар, өрт өчүрүүчүлөр иштөөдө.

Украинанын президенти Владимир Зеленский кырсык болгон жерге чыгып кеткени кабарланды.

98
Белгилер:
өрт, кырсык, учак, Харьков, Украина
Тема боюнча
Бразилияда учак автожолго кулап, талкаланып калды. Видео
14 киши көз жумду. Индияда учак экиге бөлүнүп кетип, кырсыктаган видео