Кемпир. Архивдик сүрөт

Бишкектеги батирден 78 жаштагы кемпирдин сөөгү табылды

132
(жаңыланган 10:18 28.08.2020)
Улгайган аялдын сөөгү кечээ борбор калаадагы 7-кичи райондогу батирлердин биринен табылган. Аны куткаруучулар ИИМ кызматкерлерине өткөрүп беришкен.

БИШКЕК, 28-авг. — Sputnik. Бишкектеги батирлердин биринен 78 жаштагы кемпирдин сөөгү табылгандыгын ӨКМдин маалымат кызматы кабарлады.

Билдирмеге ылайык, көз жумган кемпирдин сөөгү кечээ, 27-августта, 7-кичи райондогу №18 үйдүн бириндеги батирден табылган. Куткаруучулар үйдүн бекилип калган эшигин ачканда көрүп калышкан.

Өмүрдү алган 200 сом. Өзгөндө таксист жигитти муунтуп, сөөгүн өрттөп кетишкен

Маркумду ӨКМ кызматкерлери милицияга өткөрүп берилгени айтылды.

132
Белгилер:
куткаруучу, эшик, батир, сөөк, Бишкек
Тема боюнча
Эшикти талкалап киришкен. Бишкекте үч кыз каракчылыкка шектелип кармалды
Бишкекте акча алмаштыруу жайын тоноого шектелип "актер" кармалды. Фото
Жарылган дөңгөлөк. Архив

Дөңгөлөк жарылганда асманга топтой ыргыган киши. Бишкекте тартылган видео

575
(жаңыланган 16:45 24.09.2020)
Мээси чайкалып, сөөктөрү сынып кеткен жабырлануучу Бишкек илим изилдөө травматология жана ортопедия борборуна жаткырылды.

БИШКЕК, 24-сен. — Sputnik. Бишкектеги автоунааларды техникалык жактан тейлөө станцияларынын биринин кызматкери дөңгөлөктүн жарылып кетишинен улам катуу жабыркады.

Окуя болгон учурдагы видео "Короче" Telegram-каналына жүктөлдү. Кадрларда көрүнүп тургандай, жүк жашуучу автоунаанын дөңгөлөгүн оңдоп жатканын көрүүгө болот. Бир маалда ал жарылып кетип, жумушчу кадимкидей ыргып кетет.

Медиктер бул  маалыматты тастыкташты. Окуя бүгүн саат 11:00дө айланма жол тараптагы  Ак-Жар жаңы конушу жакта болгон. Жабырлануучунун мээси чайкалып, сөөктөрү сынып кеткен. Учурда ал Бишкек илим изилдөө травматология жана ортопедия борборуна жаткырылды.

575
Белгилер:
оорукана, жарылуу, жумушчу, дөңгөлөк, Бишкек
Тема боюнча
Индия: премьердин туулган күнүндө 100 шар жарылып кетип, адамдар жабыркады
Унаанын жанында турган адам. Архив

Бишкекте багаждан коляска чыгарып жаткан кишини унаа коюп кетип көз жумду

335
(жаңыланган 15:22 24.09.2020)
40 жаштагы жаран окуя болгон жерден жан берген. Милициянын кайгуул кызматы кырсыктын чоо-жайын аныктап жатат.

БИШКЕК, 24-сен. — Sputnik. Бишкекте унаасынын багажынан балдар коляскасын алып жаткан кишини унаа коюп кетти. Ал ошол жерден көз жумган. Бул тууралуу милициядан билдиришти.

Кырсык кечээ түнкү саат 02:00дө Фучик көчөсүндө болгон. KIA Spectra унаасы 40 жаштагы кишини сүзгөн.

Учурда тергөө амалдары жүрүүдө.

335
Белгилер:
Бишкек, өлүм, жол кырсык, унаа
Тема:
2020-жылдын башынан бери Кыргызстанда болгон жол кырсыктар
Тема боюнча
Нарында Toyota менен Honda Stepwgn кагышып, үч адам каза тапты
Жабыла чуркап сууруп чыгышты. Өрттөнгөн унаадагы кишилерди куткарган видео
Ала-Тоо аянтында бараткан адамдар. Архив

Жаңжал, жаза, акыркы тизме. Шайлоонун кызыган учурундагы окуялар

0
(жаңыланган 20:23 24.09.2020)
Жогорку Кеңештин депутаттарын канча адам шайлай алары белгилүү болду. Массалык мушташка жооптуу талапкерлер жарыштан четтетилди.

БИШКЕК, 24-сен. — Sputnik. Бүгүн Борбордук шайлоо комиссиясынын төрайымы жана башкы прокурор менен ички иштер министринин орун басарлары маалымат жыйын өткөрүштү. Анда алдыдагы парламенттик шайлоону уюштуруу жана даярдыктары тууралуу маалымат беришти.

Sputnik Кыргызстан агенттиги жыйында айтылган маанилүү билдирүүлөрдүн топтомун сунуштайт.

Шайлоо учурундагы коопсуздук талкууланды. Жээнбеков УКМК төрагасын онлайн кабыл алды

  • Шайлоочулардын акыркы тизмеси жарыяланып, 3 миллион 523 миң 532 кыргызстандык катталды. Бул 2015-жылдагы парламенттик шайлоого салыштырмалуу 762 735 адамга көп же 27,6 пайызга өсүш болду;
  • Убактылуу жашаган жеринен добуш берүү үчүн 488 873 шайлоочу №2 формасын алды;
  • Чет өлкөдө жүргөн 32 582 мигрант ЖК депутаттарын шайлоого катыша алат. 2015-жылы 15 312 гана кыргызстандык добуш берүүгө укук алган;
  • Документтерди кароо учурунда ар кайсы партиядан 42 талапкер шайлоого катышуу укугунан ажыратылды;
  • Жалпы жонунан 2 475 шайлоо участкасы ачылды. Анын ичинен 45и чет өлкөдөгү дипломатиялык өкүлчүлүктөрдө;
  • Шайлоо өнөктүгү маалында 128 мыйзам бузуу катталып, прокуратура тергеп жатат. Анын 82си Жазык кодекси, 46сы Жоруктар кодекси менен каралууда;
  • Башкы прокуратура административдик ресурсту колдонуу боюнча 11 фактыны иликтеп жатат. Азырынча эч бир мамлекеттик кызматкерге чара колдонула элек;
  • Шайлоочулардын добушун сатып алуу беренеси менен 40 кылмыш иши козголду;
  • Араванда үгүт учурунда массалык мушташты тутандырган деп алты адам айыпталууда. Учурда анын бешөө тергөө абагына киргизилген, бирөө ооруканада жатканына байланыштуу баш коргоо чарасы тандала элек. Жалпысынан тогуз адам ооруканада жатат;
  • Шайлоо күнү өлкөдө коомдук коопсуздукту камсыздоо жана шайлоо участкаларын кайтаруу үчүн 11 507 милиция кызматкери тартылат;
  • 27-сентябрдан тарта Ички иштер министрлиги күчөтүлгөн тартипте иштөөгө өтөт;
  • ИИМ шайлоо тартиптерин бузуу боюнча 236 фактыны Кылмыш жана жоруктардын бирдиктүү реестрине каттады;
  • 24-сентябрда кечки саат 17:00дө БШКнын отуруму болуп, Аравандагы массалык мушташ боюнча маселе каралды. Натыйжада жаңжалга жооптуу "Мекеним Кыргызстан" партиясынан талапкер Илхам Маннанов жана "Биримдиктин" талапкери Шүкүрулло Файзуллаев жарыштан четтетилди.
0
Белгилер:
прокурор, мыйзам бузуулар, талапкер, каттоо, шайлоо, БШК
Тема:
Шайлоо-2020
Тема боюнча
Шайлоодо ат салышчу партиялардын талапкерлери. Толук тизме
Президент Жээнбеков аны сындаган талапкерлер боюнча оюн айтты
Бир партия 105 млн. сом. Шайлоого аттангандар канча каражат короткону айтылды