Бишкектеги үйлөрдүн биринен табылган жалпы салмагы 4,6 килограммга жеткен маң заты

Бишкектеги үйлөрдүн биринде 5 килограммга жакын баңгизат табылды

60
(жаңыланган 18:18 28.08.2020)
Тинтүүгө алынган үйдө жалпы салмагы 4,6 килограмм нашаа, марихуана жана героин табылды. Ошондой эле маңзаттарды колдонуу үчүн кальян аппараты, шприц сыяктуу буюмдар алынды.

БИШКЕК, 28-авг. — Sputnik. Баңгизаттарды мыйзамсыз жүгүртүүгө каршы күрөшүү кызматы Бишкектеги үйлөрдүн биринен жалпы салмагы 4,6 килограммга жеткен маңзаттын бир нече түрүн тапты. Бул тууралуу аталган кызматтан билдиришти.

Аталган кызмат буга чейин наркотикалык заттарды даярдоо жана сатуу боюнча кылмыш ишин каттоого алган. Сотко чейинки өндүрүштүн негизинде борбор калаадагы үйлөрдүн бири тинтүүгө алынган.

Ысык-Көлдө уюшкан кылмыштуу топтун мүчөсү баңгизат менен кармалды. Сүрөт

"Анда жалпы салмагы 4,6 килограмм нашаа, марихуана жана героин табылды. Ошондой эле маңзаттарды колдонуу үчүн кальян аппараты, шприц сыяктуу буюмдар алынды. Шектүү катары Бишкек шаарынын тургуну колго түшүрүлүп, иликтөө иштери башталды", — деп айтылат билдирүүдө.

Милициядан билдиришкендей, учурда анын өнөктөштөрүн аныктоо боюнча иш-аракеттер көрүлүп жатат.

60
Белгилер:
кылмыш, тинтүү, үй, милиция, баңги зат, Бишкек
Тема боюнча
Баткен: бир түндө үч кишиге куралчан кол салып, сабап кеткендер кармалды
Украинадагы кулаган учак

Кулаган учактан аман калган курсанттын атасы: мен дагы үч жолу кырсыктагам

66
(жаңыланган 13:05 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

66
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Бычак кармаган киши. Архивдик сүрөт

Милиция: таңда үйгө кирген каракчылар атасын бычактап, кызын өлтүрүп кетишти

436
(жаңыланган 22:01 26.09.2020)
Кылмышты ачуу боюнча Аламүдүн району менен Чүй облусунун тартип коргоочулары иштей тургандыктарын айтышты.

БИШКЕК, 26-сен. — Sputnik. Бишкекке жакын жайгашкан Төмөнкү Ала-Арча айылында үйгө ууруга киргендер кызды өлтүрүп кетишкен. Бул туурасында Чүй облустук милициясынан кабарлашты.

Кол салуу боюнча маалымат милицияга 26-сентябрда болжол менен саат 03:10до түшкөн.

Маалыматка караганда, саат 02:50лөр чамасында үйгө бет капчан белгисиз эки киши кирген. Алар 62 жаштагы Т.Ж. аттуу киши менен анын 26 жаштагы Т.А. аттуу кызын бычактап, андан соң качып кетишкен.

Автомат, мылтык жана тапанча табылды. Бишкекте жети киши кармалган видео

Кыз көз жуумп, ал эми киши Бишкектеги ооруканалардын биринде. Жазык кодексинин негизинде 130-берене ("Киши өлтүрүү") менен кылмыш иши ачылган.

Кылмышкерлерди табуу үчүн тартип коргоо органдарынын Аламүдүн райондук жана Чүй облустук, республикалык деңгээлдеги тажрыйбалуу делген ыкчам кызматкерлеринен турган топ түзүлүп, иштеп жатат.

436
Белгилер:
милиция, киши өлтүрүү, каракчылык, уурулук, Кыргызстан
Тема боюнча
Өзгөндө таксистти өлтүрүп, сөөгүн өрттөдү делген эки өспүрүм камакка алынды
Тейлөө кызматкерлер жолду белгилөө учурунда. Архив

Кырсыктарды алдын алуу үчүн Алматыда өзгөчө жол белгисин чийүү пландалууда

9
(жаңыланган 13:36 27.09.2020)
Шаардык административдик полиция башкармалыгынын жетекчиси Жандос Мураталиев кызыл түстөгү жол чийин айдоочулардын көңүлүн өзүнө бурат деп эсептейт.

БИШКЕК, 27-сен. — Sputnik. Алматы шаарында авариялык кооптуу делген жерлерге кызыл түстөгү жол белгисин чийүү пландалууда. Бул тууралуу Sputnik Казакстан жазды.

Шаардык административдик полиция башкармалыгынын жетекчиси Жандос Мураталиевдин айтымында, жол белгилерин чийүүдө азыр ар кандай инновациялык материалдар колдонулууда. Ошондой эле ак, сары, жашыл, кара сыяктуу ар кандай түстөр да кеңири пайдаланыла баштаган. Бирок натыйжаны күчөтүү максатында кызыл түстү да колдонуп көрүү каралууда.

"Кызыл түстөгү чийин — айдоочулардын көңүлүн буруудагы эң натыйжалуу ыкма", — деди Мураталиев.

Кызыл жол чийинин шаардагы кооптуу делген жерлерге колдонуу пландалып жатканы кошумчаланды.

9
Белгилер:
коопсуздук, кырсык, жол чийин, Алматы
Тема боюнча
Жолдун экинчи катарынан кайсы учурда кайрылса болот? Айдоочуга кулак кагыш