Кайгуул милиция кызматкери. Архив

Бишкек: автоинспектордун колун эшикке кыпчыган айдоочу 260 миң сом айыпка жыгылды

273
(жаңыланган 17:38 31.08.2020)
Айдоочудан өндүрүлгөн каражат мамлекеттин эсебине түшөт. Бирок сот инспекторго дарылоого кеткен каражатты төлөтүп берүүдөн баш тарткан.

БИШКЕК, 31-авг. — Sputnik. Биринчи май райондук соту коменданттык саат учурунда Кайгуул милиция кызматкеринин колун эшикке кыпчып айдап кеткен Mazda Demio автоунаасынын айдоочусун күнөөлүү деп таап айыпка жыкты.

Өкүмдө Т. у. И. аттуу Бишкектин тургуну кызматтык милдетин аткарып жаткан бийлик өкүлү — Кайгуул милициянын кенже инспекторунун өмүрүнө жана ден соолугуна коркунуч келтирбеген күч колдонгону белгиленет.

Айыптоочу тараптын айтканы

Окуя Жибек Жолу проспектиси жана Тоголок Молдо көчөсүнүн кесилишинде 4-май күнү саат 22.40 чамасында болгон.

"Инспектор айдоочудан автоунаасынын документин сураган, ал эшигин ачып кандайдыр бир кагазды көрсөткөн. Кайрадан айдоочулук күбөлүгү менен машинанын документин көрсөтүүсүн талап кылганда эшикти катуу жаап, инспектордун колун кыпчыган тейде айдай качкан. Милиционер автоунаа менен кошо чуркаганга аргасыз болгон. 30 метрден кийинки бурулушта инспектордун колу чыгып кетип жерге жатып калган. Мунун кесепетинен денесинен жаракат алган. Ал эми айдоочу токтобой чыгыш тарапты көздөй кеткен", — деп жазылат соттун өкүмүндө.

Капотко сүйрөлүп, жерге жыгылып... Бишкекте милиционерди сүзгөн учурдун видеосу

Айдоочунун жүйөсү

Ал 4-майда туугандарына чарбалык иштерине жардам берүү үчүн барганын айткан. Кечке чейин иштеп, коменданттык саат башталып калганын билген, бирок ага карабай Т. у. И. үйүнө жөнөгөн. Жибек Жолу проспектиси менен Тоголок Молдо көчөлөрүнүн кесилишинен аны Кайгуул милиция кызматкерлери тоскон. Аларды көрүп ылдамдыкты жайлаткан, бирок кармаса коё бербей коёт деп коркуп, токтобой кайра айдап кеткен. Ошол учурда инспекторлордун бири машинанын капотуна жармашкан. Айдоочу оң тарапка бурулганда милиционер түшүп калган. Айыпкер автокөлүктүн эшигин такыр ачпаганын айтууда.

Бул окуядан кийин ал жаракат алган инспекторго материалдык жардам сунуштаган, бирок анын апасы миң доллар сураганын билдирген сотто. Айыпкер дарылоо үчүн 10 миң сом төлөгөнгө даяр болгонун айткан.

Ош: күйөөм УКМКда иштейт деп чатак салган аял мунапыстан улам жазадан бошотулду

Соттун чечими

Райондук сот айдоочуну Жазык кодексинин 355-беренеси ("Бийлик өкүлүнө күч колдонуу же коркутуу") менен күнөөлүү деп таап, ага мамлекеттин эсебине 260 миң сом айып пул төгүү жазасын бекитти.

Деген менен сот айыпкер инспекторго дарылоого кеткен акчасын төлөтүп берүүдөн баш тарткан. Буга материалдык чыгымды тастыктоочу документтер толук алып келинбегени себеп болгон.

273
Белгилер:
кылмыш, айып пул, чечим, айдоочу, инспектор, сот
Тема боюнча
Ошто милиционерди капотунда сүйрөп кеткен аялды ок чыгарып токтотушту
Ошто карантиндик постто чатак салган аялдын күйөөсү иштен алынды
Украинадагы кулаган учак

Кулаган учактан аман калган курсанттын атасы: мен дагы үч жолу кырсыктагам

61
(жаңыланган 13:05 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

61
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Бычак кармаган киши. Архивдик сүрөт

Милиция: таңда үйгө кирген каракчылар атасын бычактап, кызын өлтүрүп кетишти

430
(жаңыланган 22:01 26.09.2020)
Кылмышты ачуу боюнча Аламүдүн району менен Чүй облусунун тартип коргоочулары иштей тургандыктарын айтышты.

БИШКЕК, 26-сен. — Sputnik. Бишкекке жакын жайгашкан Төмөнкү Ала-Арча айылында үйгө ууруга киргендер кызды өлтүрүп кетишкен. Бул туурасында Чүй облустук милициясынан кабарлашты.

Кол салуу боюнча маалымат милицияга 26-сентябрда болжол менен саат 03:10до түшкөн.

Маалыматка караганда, саат 02:50лөр чамасында үйгө бет капчан белгисиз эки киши кирген. Алар 62 жаштагы Т.Ж. аттуу киши менен анын 26 жаштагы Т.А. аттуу кызын бычактап, андан соң качып кетишкен.

Автомат, мылтык жана тапанча табылды. Бишкекте жети киши кармалган видео

Кыз көз жуумп, ал эми киши Бишкектеги ооруканалардын биринде. Жазык кодексинин негизинде 130-берене ("Киши өлтүрүү") менен кылмыш иши ачылган.

Кылмышкерлерди табуу үчүн тартип коргоо органдарынын Аламүдүн райондук жана Чүй облустук, республикалык деңгээлдеги тажрыйбалуу делген ыкчам кызматкерлеринен турган топ түзүлүп, иштеп жатат.

430
Белгилер:
милиция, киши өлтүрүү, каракчылык, уурулук, Кыргызстан
Тема боюнча
Өзгөндө таксистти өлтүрүп, сөөгүн өрттөдү делген эки өспүрүм камакка алынды
Тейлөө кызматкерлер жолду белгилөө учурунда. Архив

Кырсыктарды алдын алуу үчүн Алматыда өзгөчө жол белгисин чийүү пландалууда

4
(жаңыланган 13:36 27.09.2020)
Шаардык административдик полиция башкармалыгынын жетекчиси Жандос Мураталиев кызыл түстөгү жол чийин айдоочулардын көңүлүн өзүнө бурат деп эсептейт.

БИШКЕК, 27-сен. — Sputnik. Алматы шаарында авариялык кооптуу делген жерлерге кызыл түстөгү жол белгисин чийүү пландалууда. Бул тууралуу Sputnik Казакстан жазды.

Шаардык административдик полиция башкармалыгынын жетекчиси Жандос Мураталиевдин айтымында, жол белгилерин чийүүдө азыр ар кандай инновациялык материалдар колдонулууда. Ошондой эле ак, сары, жашыл, кара сыяктуу ар кандай түстөр да кеңири пайдаланыла баштаган. Бирок натыйжаны күчөтүү максатында кызыл түстү да колдонуп көрүү каралууда.

"Кызыл түстөгү чийин — айдоочулардын көңүлүн буруудагы эң натыйжалуу ыкма", — деди Мураталиев.

Кызыл жол чийинин шаардагы кооптуу делген жерлерге колдонуу пландалып жатканы кошумчаланды.

4
Белгилер:
коопсуздук, кырсык, жол чийин, Алматы
Тема боюнча
Жолдун экинчи катарынан кайсы учурда кайрылса болот? Айдоочуга кулак кагыш