Бишкек - Ош унаа жолу. Архив

Бишкек Ош жолунда автоунаа 60 метр бийиктиктен кулап, үч адам мерт кетти

282
(жаңыланган 10:21 02.09.2020)
Toyota Wish үлгүсүндөгү автоунаа Бишкек — Ош жолунун 449-чакырымына келгенде трассадан чыгып кетип, Нарын дарыясынын жээгине болжол менен 50-60 метр бийиктиктен кулап түшкөн.

БИШКЕК, 2-сен. — Sputnik. Жалал-Абад облусуна караштуу Таш-Көмүр шаарында, тагыраагы, Бишкек — Ош унаа жолунда жеңил автоунаа кырсыктап, эки кыз жана 9 жаштагы бала көз жумду. Бул тууралуу ӨКМ кабарлады.

Билдирмеге ылайык, Toyota Wish үлгүсүндөгү автоунаа Бишкек — Ош жолунун 449-чакырымына келгенде трассадан чыгып кетип, болжол менен 50-60 метр бийиктиктен кулап кеткен.

"Кырсыктын кесепетинен эки кыз жана тогуз жаштагы бала каза болуп, беш эркек адам ар кандай жаракат алышкан. Учурда баарынын аты-жөндөрү такталууда", — деп айтылат маалыматта.

Асел Кадырбекованы сүзүп кеткен айдоочуну ырчынын үй-бүлөсү кечирди

Окуя болгон жерге ӨКМдин беш куткаруучусу жана ИИМдин беш кызматкери барган. Куткаруучулар каза болгон жана жабыркаган адамдарды унаадан чыгарып, Тез жардам кызматына өткөрүп бергени кошумчаланды.

282
Белгилер:
кырсык, ӨКМ, Бишкек – Ош жолу, унаа, Таш-Көмүр шаары, Жалал-Абад
Тема:
2020-жылдын башынан бери Кыргызстанда болгон жол кырсыктар (241)
Тема боюнча
Бишкек — Ош жолунда автокырсык болуп, 9 жаштагы бала көз жумду
Бишкек — Ош трассасында фура кырсыктап, жолдун жарымын тосуп калды. Видео
Украинадагы кулаган учактын кырсыгы

Кулаган учактан аман калган курсанттын атасы: мен дагы үч жолу кырсыктагам

44
(жаңыланган 11:26 27.09.2020)
25-сентябрь күнү кечинде Украинанын Харьков облусунда аскер учагы кулап, борттогу 27 кишинин ичинен бир гана курсант аман калган.

БИШКЕК, 27-сен. — Sputnik. Украинадагы учак кырсыгынан аман калган курсанттын атасы Виталий Золочевский дагы үч ирет учак кырсыгына кабылган. Бул тууралуу "Сегодня" басылмасына өзү билдиргенин "Известия" жазды.

Эске салсак, 25-сентябрь күнү кечинде Украинанын Харьков облусунда аскер учагы кулаган. Борттогу 27 кишинин ичинен бир гана курсант аман калган.

"Мен дагы буга чейин үч ирет учак кырсыгына кабылгам. Балам да эсен калды. Бул — атасынын уулу дегенди түшүндүрөт", — деди Золочевский.

Ал учак кырсыгынан баласы болгону этин оорутуп алганын кошумчалаган.

Украинада аскер учагы кулады. 23 адамдын өмүрүн алган кырсыктын видеосу

"Баары эле уулумду учактан секирип кеткен деп айтышууда. Бирок чындыгында андай болгон эмес. Ал катуу басымдан ыргып кеткен. Мен билгенден ал досун куткарууга аракет кылган", — деди ал.

Маалым болгондой, кырсыктаган аскер учагынын ичинде 27 киши болгон. Анын жетөө экипаж мүчөлөрү, 20сы аскер-аба күчтөрүнүн Харьков улуттук университетинде билим алган курсанттары эле.

Аман калган курсант учурда ооруканада жатат.

44
Белгилер:
ата, курсант, окуя, кырсык, учак, Украина
Тема боюнча
38 адам жер алдында калган. Жер көчкүгө күбө болгон өзгөндүк Калдыбаевдин маеги
Бычак кармаган киши. Архивдик сүрөт

Милиция: таңда үйгө кирген каракчылар атасын бычактап, кызын өлтүрүп кетишти

418
(жаңыланган 22:01 26.09.2020)
Кылмышты ачуу боюнча Аламүдүн району менен Чүй облусунун тартип коргоочулары иштей тургандыктарын айтышты.

БИШКЕК, 26-сен. — Sputnik. Бишкекке жакын жайгашкан Төмөнкү Ала-Арча айылында үйгө ууруга киргендер кызды өлтүрүп кетишкен. Бул туурасында Чүй облустук милициясынан кабарлашты.

Кол салуу боюнча маалымат милицияга 26-сентябрда болжол менен саат 03:10до түшкөн.

Маалыматка караганда, саат 02:50лөр чамасында үйгө бет капчан белгисиз эки киши кирген. Алар 62 жаштагы Т.Ж. аттуу киши менен анын 26 жаштагы Т.А. аттуу кызын бычактап, андан соң качып кетишкен.

Автомат, мылтык жана тапанча табылды. Бишкекте жети киши кармалган видео

Кыз көз жуумп, ал эми киши Бишкектеги ооруканалардын биринде. Жазык кодексинин негизинде 130-берене ("Киши өлтүрүү") менен кылмыш иши ачылган.

Кылмышкерлерди табуу үчүн тартип коргоо органдарынын Аламүдүн райондук жана Чүй облустук, республикалык деңгээлдеги тажрыйбалуу делген ыкчам кызматкерлеринен турган топ түзүлүп, иштеп жатат.

418
Белгилер:
милиция, киши өлтүрүү, каракчылык, уурулук, Кыргызстан
Тема боюнча
Өзгөндө таксистти өлтүрүп, сөөгүн өрттөдү делген эки өспүрүм камакка алынды

Кыргызстан тууралуу тасма эл аралык фестивалда гран-при алды. Видео

0
(жаңыланган 12:56 27.09.2020)
Тасмада дүйнөдө биринчилерден болуп суу тартыштыгына кептелген Кыргызстан тууралуу баяндалат. Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

Кыргызстандагы суу тартыштыгы тууралуу баяндаган "Вода. Время жажды" даректүү тасмасы “Түндүктүн мүнөзү: green screen" фестивалында гран-при сыйлыгына татыды. Бул тууралуу "Би-порт" сайты жазды

Режиссёр Евгений Безбородовдун тасмасында дүйнөдө биринчилерден болуп суу тартыштыгына кептелген Кыргызстан тууралуу көрсөтүлөт. Автор бүтүндөй адам баласынын көйгөйүн бир өлкөнүн мисалында чагылдырат.

Шевченко катышкан Холли Берринин тасмасын Netflix чоң акчага сатып алды

Иркутск облустук кинофондунун YouTube-каналында тасманын трейлери жүктөлгөн. Фильм 39 мүнөткө созулат.

"Суунун жаратылышта түбөлүктүү айлануусу. Миңдеген жылдар бою адам бул мыйзам менен жашап келген. Бирок XXI кылымда адам баласы чоң көйгөйгө кептелди. Мөңгүлөрдүн, тоодон аккан таза суунун мекени болгон Кыргызстан суу тартыштыгы менен дүйнөдө биринчилерден болуп жабыркай баштады. Суунун бир тамчысы жана өлкөдөгү көйгөйлөр аркылуу бүткүл адам баласынын трагедиясы көрсөтүлдү”, — деп айтылат сүрөттөмөдө.

Фестивалда Россия, Норвегия, Финляндия жана Швеция режиссёрлорунун эмгектери көрсөтүлдү.

“Түндүктүн мүнөзү: green screen" — экологиялык жана социалдык тасмалардын эл аралык фестивалы.

0
Белгилер:
фестиваль, сыйлык, тасма, көйгөй, Суу, Кыргызстан
Тема боюнча
Кыргыз режиссёрунун "Көл" тасмасы Кытайдагы ири фестивалга чакыруу алды