Жалда эки жигитти аёосуз сабагандар 10-11 жылга кесилди. Соттун өкүмү
(жаңыланган 17:33 02.09.2020)
Алар Кылмышка аракеттенүү жана ден соолукка анча оор эмес зыян келтирүү беренелери боюнча күнөөлүү деп табылган.БИШКЕК, 2-сен. — Sputnik. Ленин райондук соту Бишкектин Жал кичи районунда адамдарды аёосуз сабаган кишилерге карата өкүм чыгарды.
Ага ылайык, кылмышкердин бири Жаныбек Бапышев 10 жылга, шериги Калысбек Сейитбеков 11 жылга эркинен ажыратылды.
Алар Кылмышка аракеттенүү жана ден соолукка анча оор эмес зыян келтирүү фактысы боюнча (Жазык кодексинин 39 жана 139-беренеси) күнөөлүү деп табылган.
Бишкек: автоинспектордун колун эшикке кыпчыган айдоочу 260 миң сом айыпка жыгылды
Эске салсак, 2019-жылы 28-августта болжол менен саат 7:00дөр чамасында Бишкек ШИИБге Жал кичи районундагы супермаркеттин жанында кишилердин мушташып жатканы кабарланган. Жерине милициянын кайгуул күзөт кызматы барган. Мындан сырткары, Чүй ОИИББдин кызматкери Казыбек Бапышев дагы келип (кийин ал шектүүнүн бир тууганы болуп чыккан), эки шектүүнү алып кеткен. Эки жабырлануучу оор абалда ооруканага жеткирилген. Кийин шектүүлөр милицияга өздөрү келген.
Ал эми милициядагы тууганы Казыбек Бапышев кызматтан бошотулган. Кийинчерээк аны УКМК кылмышты жашырууга айыптап кармаган. Башында ал тергөө абагына киргизилип, кийин баш коргоо чарасы өзгөртүлүп үй камагына чыккан. Ага карата кандай өкүм чыкканы азырына белгисиз.
Мүйүзүн кесип салышкан. Чек арадан эликтерди алып өтмөкчү болгондор кармалды
(жаңыланган 13:52 23.04.2021)
Унааны текшерүү учурунда ичинде мүйүзү кесилген 1 жаштан 4 жашка чейинки беш элик табылган. Айдоочунун документтери болгон эмес.БИШКЕК, 23-апр. — Sputnik. Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылган адамдарды кармады. Бул тууралуу УКМКдан билдиришти.
Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады© Фото / пресс-служба ГКНБ КР
Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан© Фото / пресс-служба ГКНБ КР
Тийиштүү документтер толтурулгандан кийин жаныбарлар компетенттүү органдарга өткөрүп берилген© Фото / пресс-служба ГКНБ КР
©
Фото / пресс-служба ГКНБ КР
Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан.
"Текшерүү учурунда унаанын ичинде 1 жаштан 4 жашка чейинки мүйүзү кесилген беш элик табылды. Окуянын чоо-жайын аныктоо үчүн айдоочу менен өзбекстандык жүргүнчү кармалды. Сурак учурунда алар эликтерди Өзбекстанга алып өтүүгө аракет кылышканын билдиришкен. Айдоочунун жаныбарларга документи болгон эмес. Беш эликтин баасы такталып жатат", — дешти УКМКдан.
Тийиштүү документтер толтурулгандан кийин жаныбарлар компетенттүү органдарга өткөрүп берилген.
Белгилер:
Кар көчкүдөн улам Каракол — Эңилчек жолу жабылды. Сүрөт
(жаңыланган 09:42 23.04.2021)
ӨКМдин билдиришинче, кар көчкү Ысык-Көл облусунун Ак-Суу районуна кечээ саат 15:00дөр чамасында түшкөн. Бүгүн жеринде тазалоо иштери уланууда.БИШКЕК, 23-апр. — Sputnik. Кар көчкүдөн улам Каракол — Эңилчек унаа жолу 25-апрелге чейин жабылды. Бул тууралуу ӨКМ кабарлады.
©
Фото / пресс-служба МЧС КР
Кар көчкүдөн улам Каракол — Эңилчек унаа жолу 25-апрелге чейин жабылды
Кар көчкү Ысык-Көл облусунун Ак-Суу районуна кечээ саат 15:00дөр чамасында түшүп, жерине тазалоо иштерин жүргүзүү үчүн №11 жол тейлөө ишканасынан бир жүктөгүч тартылган.
Ушу тапта тазалоо иштери уланууда.
Белгилер:
АУЦАнын президенти Эндрю Качинс суракка чакырылды
(жаңыланган 19:11 23.04.2021)
Ички иштер министрлиги окуу жайдын жетекчиси каттоого алынган кылмыш ишинин алкагында суракка чакырылганын айтты.БИШКЕК, 23-апр. — Sputnik. Борбор Азиядагы Америкалык университеттин (БААУ — АУЦА) президенти Эндрю Качинс ИИМдин Тергөө кызматына суракка чакырылды. Бул тууралуу министрликтин маалымат кызматы кабарлады.
Окуу жайдын жетекчиси каттоого алынган кылмыш ишинин алкагында чакырылганы айтылат.
Министрлик сотко чейинки өндүрүш боюнча маалымат Жазык-процессуалдык кодексинин 160-беренесине ылайык ачыкка чыгарылбай турганын кошумчалады.
Белгилер: