Бычак кармап турган адам. Архив

Энесин сабаган инисин мууздап салган... Август айындагы соттук чечимдер

1032
(жаңыланган 19:00 05.09.2020)
Узап кеткен айда өлкө аймагындагы фемида өкүлдөрү жүздөгөн кылмыш иштерин карап чыгып, аларга карата чечимдерди кабыл алды.

Арасында бир тууганын, шеригин өлтүрүп, тааныш кызын зордуктап салган кылмышкерлер да бар. Sputnik Кыргызстан агенттиги ошол айрым чуулуу иштерге чыккан өкүмдөрдү сунуштайт.

Видео жүктөп соттолгон улан. Жалал-Абад облусунун 22 жаштагы тургуну өзүнүн уюлдук телефону менен Instagram тармагына кирип, Кыргызстанда тыюу салынган "Ислам мамлекети" (ДАИШ) террордук уюмунун символикалары камтылган видеолорду тараткан. Укук коргоо кызматкерлери тергөө иштерин жүргүзүп, жаш жигитти колго түшүргөн. Сот отурумунда айыпталуучу мындай аракеттеринин аркасында кылмыш жоопкерчилигине тартылып калышы мүмкүн экендигин билбегендигин, жөн гана аларды жүктөп жүргөндүгүн айткан. Жаш жигит эки жылга шарттуу эркинен ажыратылды.

Экс-депутат Дамирбек Асылбек уулу абактан кантип чыгып кетти. Соттун жообу

Баңгизат жана 260 миң сом айып. Бишкек шаарынын 26 жаштагы тургуну өзүнүн кымбат баалуу автоунаасы менен ИИМдин Баңгизаттарды мыйзамсыз жүгүртүүгө каршы кызматынан качкан. Жолдон бир унааны сүзүп, погончондорго баш ийген эмес. Анда укук коргоо кызматкерлери асманга үч жолу ок атууга мажбур болгон. Колго түшкөн жигит өз эрки менен жанында алып жүргөн он граммга жакын баңгизатты (мефедрон) өткөрүп берген. Өкүмгө ылайык, эми ал мамлекетке 260 миң сом төлөшү керек.

Тааныш кызын зордуктап... Буга чейин кылмыш жоопкерчилигине тартылган адам достору менен арак ичип, чаламандын чак түшүндө тааныш кызына карата күч колдонуп бакчага алып барып зордуктап салган. Андан соң кылганын жашыруу үчүн аны "бирөөнө айтсаң өлтүрүп кетем" деп коркутуп, телефонун, акчасын, зер буюмдарын тартып алган. Сот зөөкүрдү 15 жылга темир тор артында калтырды.

Жалда эки жигитти аёосуз сабагандар 10-11 жылга кесилди. Соттун өкүмү

Аскердеги чатак. Баткен облусундагы чек ара бөлүгүндө иштеген 20 жана 26 жаштагы эки кызматкер катардагы жоокерлерди узак убакыттан бери басмырлап, шылдыңдап, сабап жүрүшкөн. Жыйынтыгында алардын бири кечинде күзөткө чыкканда кемсинтүүгө чыдабай ок атуучу курал менен өзүн атууга аракет кылып, алгач асманга ок чыгарган. Чек арачылардын жетекчилиги чогулуп, жаш жигит менен сүйлөшүү жүргүзүп, тынчтык жолу менен куралды алган. Адамдын кадыр-баркын түшүрүп, басмырлоого аракет кылган эки ефрейтор үч жылга кесилип, айыпталуучуларга карата мунапыс колдонулуп камактан бошотулду.

Бишкек: автоинспектордун колун эшикке кыпчыган айдоочу 260 миң сом айыпка жыгылды

Энесин аяп инисин мууздаган тууган. Каргаша болгон күнү улгайган кемпир уулунун үйүнө ыйлап келип, колундагы баласы мас болуп алып аны сабаганын айтып берген. Мындай жагымсыз окуялар буга чейин да бир нече жолу болуп келген. Энесинин көз жашын көргөн улуу баласы аракеч инисинин үйүнө ачууланып барып кол көтөргөн. Эркектердин ортосунда мушташ чыгып, шектүү бир тууган инисин короодо турган бычак менен мууздап салган. Эми ал 12,5 жыл өмүрүн түрмөдө өткөрөт.

Жээнбеков 13 судьяны дайындоого макул болуп, бирөөнү жаратпай койду. Тизме

Акча үчүн кыйылган өмүр. 22 жаштагы эки жигит арак ичип алып 2500 сом үчүн өздөрү курактуу таанышын мектептин короосунан катуу сабап койгон. Таяк жеген жигит ооруканада өзүнө келбей көз жумган. Соттук-медициналык экспертизанын корутундусуна ылайык, каза болгон баланын мээсине кан куюлуп кеткен. Фемида өкүлдөрү арзыбаган акчанын айынан адам өмүрүн алган жаштарды 7,6 жылга темир тор артына калтырып, ар бирин 100 миң сом айып пул төлөмөр кылган. Ошол эле маалда аларга карата мунапыс колдонулуп, алардын жаза өтөө мөөнөтү үчтөн бир бөлүккө кыскартылды.

1032
Белгилер:
өкүм, сот, кылмыш, Кыргызстан
Тема боюнча
Экс-депутат Дамирбек Асылбек уулу абактан кантип чыгып кетти. Соттун жообу
Жээнбеков 13 судьяны дайындоого макул болуп, бирөөнү жаратпай койду. Тизме
Уй эти. Архив

Ат-Башы: сибирь жарасы менен ооруган уйдун эти элге тарап, эки киши жабыркады

395
(жаңыланган 17:14 19.09.2020)
Оору илештирип алгандар Нарын шаардык ооруканасына жаткырылып, изоляцияга алынганы маалым болду. Ал эми уй союлган жердин айланасы толугу менен тосулган.

БИШКЕК, 19-сен. — Sputnik. Ат-Башы районунун эки тургунунан сибирь жарасы аныкталды. Бул тууралуу Sputnik Кыргызстан агенттигине райондун администрация башчысынын биринчи орун басары Максат Кадыркулов билдирди.

Анын айтымында, оору илештирип алгандар Нарын шаардык ооруканасына жаткырылып, изоляцияга алынган.

"Бул окуя 2-сентябрда болуптур. Анда Ак-Сай өрөөнүндөгү Коенду-Колот деген жеринде малчылар бир уйдун ичи көөп, абалы жакшы эместигин байкап, союшкан. Уйдун ашказанынан аркандын калдыктарын таап, мал ошол себептен ооруп жаткан го деп болжоп коюшкан. Ошол жерден ичеги карындарын алып, уйду автоунаага жүктөп Баш-Кайыңды айылына караштуу Кара-Тал деген айылга алып барышкан. Уйдун ээсинин үйүнөн аны союп, эт алам дегендерге таратышкан. Кийинчерээк, 11-сентябрда, уй сойгон адамдардын биринин колу шишип Ат-Башы аймактык ооруканасына кайрылган. Ал сибирь жарасына шектелип, анализ алынып, жыйынтыгында чындап эле жугузуп алганы аныкталган", — деди Кадыркулов.

Акимдин орун басары уй союлган жердин баары курчоого алынып, малчылар изоляция болгонун кошумчалады.

Тогузбаева: шарп, кутурма, күйдүргү — адам өмүрү үчүн да кооптуу

"Ал эми уйдун этин 12 үй-бүлө сатып алган. Азыркы тапта 68 адам үй көзөмөлүндө турушат. Аларда оорунун белгилери жок. Таратылган эттин баары кайтарып алынды. Баш-Кайыңды айыл өкмөт башчысынын буйругу менен Кара-Тал айыл өкмөтүнө карантин жарыяланды. Уйдун баш-териси лабораторияга берилген. Жыйынтыгында анда сибирь жарасы бар экени аныкталды. Азыркы тапта уйду союп, ооруу жугузган эки адам ооруканада", — деди Кадыркулов.

Сибирь жарасы — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.

395
Белгилер:
лаборатория, аныктоо, оору, сибирь жарасы, Ат-Башы
АКШнын полиция кызматкерлери

АКШда кайрадан каршылык акциясы башталып, эки адам көз жумду

99
(жаңыланган 15:45 19.09.2020)
Кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган.

БИШКЕК, 19-сен. – Sputnik. Нью-Йорк штатындагы Рочестер шаарында өтүп жаткан каршылык акциясында эки адам окко учуп, 14 киши жабыркады. Бул тууралуу РИА Новости шаардык полициянын жетекчиси Марк Симмонско шилтеме берип жазды.

“Так маалыматтар боюнча бизде 16 адам жабыркады. Дагы эки адам ок жеп көз жумганын терең кайгыруу менен кабарлайм”, - деди Симмонс.

​Маалыматка караганда, атышуу болгон жерде көптөгөн полиция кызматкерлери жүрөт. Бир нече көчө жабылды.

Белгилей кетсек, кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган. Пруд жергиликтүү полиция анын башына баштык кийгизип, эки мүнөттөй асфальтка жаткырып кармагандыктан көз жумган.

99
Белгилер:
атышуу, акция, митинг, АКШ
Тема боюнча
Трамп АКШнын гипер үндүү, укмуштуудай ракетасы бар экенин айтып мактанды
Бишкек шаарындагы Курмажан датканын айкели. Архив

Күн сууктайбы? Бир жумага карата аба ырайы

0
(жаңыланган 09:45 20.09.2020)
Синоптиктердин маалыматына караганда, өлкөдө аптанын биринчи жарымында күндүзү жаан жаабаганы менен түнкүсүн жаан-чачындуу болот.

БИШКЕК, 20-сен. — Sputnik. Кыргызгидромет агенттиги келерки жумага карата аба ырайы тууралуу болжолдуу маалымат берди.

Бишкек шаары

Борбор калаада 20-21-сентябрда жаан-чачын күтүлбөйт. 22-сентябрда түнкүсүн жаан жаашы мүмкүн. Аптанын аягында дагы күндүн көзү ачылбасы божомолдонууда. Батыштан соккон шамалдын ылдамдыгы секундасына 4-9 метрге жетет.

Чүй, Талас облустарында

Аптанын башында жаан-чачын күтүлбөйт. 22-сентябрда түнкүсүн кээ бир райондордо жаан жаап, бийик тоолуу райондордо карга айланат. Мындай аба ырайы 24-сентябрга чейин кармалып турат. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Ош, Жалал-Абад, Баткен облустарында

20-21-сентябрда жаан жаабайт. 22-сентябрь күнү Жалал-Абад облусунун тоо этектеринде жана тоолуу райондорунда жаан жаап, бийик тоолуу райондорунда кар жаашы күтүлөт.

Аптанын акыркы күндөрүнө чейин көпчүлүк аймактарда күндүз күн ачык болгону менен түнкүсүн бийик тоолуу жерлерде жаан жаап, карга айланышы ыктымал.

Жер бетиндеги эң жогорку температура катталган аймак аталды

Ысык-Көл облусунда

20-сентябрда түнкүсүн кээ бир райондордо жаан жаап, тоолуу райондордо кар жааса, 20-сентябрь күндүз дагы мындай аба ырайы уланат. 23-сентябрда күндүз жана 24-сентябрда кээ бир райондордо жаан жаайт. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Нарын облусунда

Нарында аптанын ортосуна чейин жаан жаабайт. 23-сентябрдан тарта күндүз кээ бир райондордо жаан жаап, бийик тоолуу райондордо кар жаашы күтүлөт.

0
Белгилер:
жаан-чачын, Кыргызгидромет, аба ырайы, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео