Нарын облусунун Кочкор районундагы Кубакы ашуусунда болгон жол кырсыгы

Кубакы ашуусундагы жол кырсыгында 25 жаштагы жигит каза болду. Сүрөт

373
(жаңыланган 11:40 08.09.2020)
Жол кырсыгы 7-сентябрь күнү Бишкек — Нарын — Торугарт унаа жолунун 175-чакырымында катталган. Айдоочунун рулду башкара албай калганы айтылууда.

БИШКЕК, 8-сен. — Sputnik. Нарын облусунун Кочкор районундагы Кубакы ашуусунда адам өмүрүн алган жол кырсыгы катталды. Бул тууралуу Өзгөчө кырдаалдар министрлиги (ӨКМ) кабарлады.

Кырсык 7-сентябрь күнү Бишкек — Нарын — Торугарт унаа жолунун 175-чакырымында катталган. Volkswagen Polo үлгүсүндөгү унаанын айдоочусу рулду башкара албай калып, жолдон чыгып оодарылып кеткен. Анын кесепетинен 25 жаштагы жигит каза болгон.

Спасатели МЧС на месте ДТП на перевале Кувакы
© Фото / пресс-служба МЧС
Кырсык 7-сентябрь күнү Бишкек — Нарын — Торугарт унаа жолунун 175-чакырымында катталган

ӨКМдин №42 өрткө каршы куткаруу бөлүгүнүн кызматкерлери маркумдун сөөгүн унаадан чыгарып, милиция кызматкерлерине өткөрүп беришкен.

373
Белгилер:
унаа, Нарын, өлүм, жол кырсык
Тема:
2020-жылдын башынан бери Кыргызстанда болгон жол кырсыктар (235)
Тема боюнча
ӨКМ: Ысык-Көлдө автоунаа бетонду сүзүп, бир киши көз жумду
Уй эти. Архив

Ат-Башы: сибирь жарасы менен ооруган уйдун эти элге тарап, эки киши жабыркады

408
(жаңыланган 17:14 19.09.2020)
Оору илештирип алгандар Нарын шаардык ооруканасына жаткырылып, изоляцияга алынганы маалым болду. Ал эми уй союлган жердин айланасы толугу менен тосулган.

БИШКЕК, 19-сен. — Sputnik. Ат-Башы районунун эки тургунунан сибирь жарасы аныкталды. Бул тууралуу Sputnik Кыргызстан агенттигине райондун администрация башчысынын биринчи орун басары Максат Кадыркулов билдирди.

Анын айтымында, оору илештирип алгандар Нарын шаардык ооруканасына жаткырылып, изоляцияга алынган.

"Бул окуя 2-сентябрда болуптур. Анда Ак-Сай өрөөнүндөгү Коенду-Колот деген жеринде малчылар бир уйдун ичи көөп, абалы жакшы эместигин байкап, союшкан. Уйдун ашказанынан аркандын калдыктарын таап, мал ошол себептен ооруп жаткан го деп болжоп коюшкан. Ошол жерден ичеги карындарын алып, уйду автоунаага жүктөп Баш-Кайыңды айылына караштуу Кара-Тал деген айылга алып барышкан. Уйдун ээсинин үйүнөн аны союп, эт алам дегендерге таратышкан. Кийинчерээк, 11-сентябрда, уй сойгон адамдардын биринин колу шишип Ат-Башы аймактык ооруканасына кайрылган. Ал сибирь жарасына шектелип, анализ алынып, жыйынтыгында чындап эле жугузуп алганы аныкталган", — деди Кадыркулов.

Акимдин орун басары уй союлган жердин баары курчоого алынып, малчылар изоляция болгонун кошумчалады.

Тогузбаева: шарп, кутурма, күйдүргү — адам өмүрү үчүн да кооптуу

"Ал эми уйдун этин 12 үй-бүлө сатып алган. Азыркы тапта 68 адам үй көзөмөлүндө турушат. Аларда оорунун белгилери жок. Таратылган эттин баары кайтарып алынды. Баш-Кайыңды айыл өкмөт башчысынын буйругу менен Кара-Тал айыл өкмөтүнө карантин жарыяланды. Уйдун баш-териси лабораторияга берилген. Жыйынтыгында анда сибирь жарасы бар экени аныкталды. Азыркы тапта уйду союп, ооруу жугузган эки адам ооруканада", — деди Кадыркулов.

Сибирь жарасы — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.

408
Белгилер:
лаборатория, аныктоо, оору, сибирь жарасы, Ат-Башы
АКШнын полиция кызматкерлери

АКШда кайрадан каршылык акциясы башталып, эки адам көз жумду

101
(жаңыланган 15:45 19.09.2020)
Кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган.

БИШКЕК, 19-сен. – Sputnik. Нью-Йорк штатындагы Рочестер шаарында өтүп жаткан каршылык акциясында эки адам окко учуп, 14 киши жабыркады. Бул тууралуу РИА Новости шаардык полициянын жетекчиси Марк Симмонско шилтеме берип жазды.

“Так маалыматтар боюнча бизде 16 адам жабыркады. Дагы эки адам ок жеп көз жумганын терең кайгыруу менен кабарлайм”, - деди Симмонс.

​Маалыматка караганда, атышуу болгон жерде көптөгөн полиция кызматкерлери жүрөт. Бир нече көчө жабылды.

Белгилей кетсек, кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган. Пруд жергиликтүү полиция анын башына баштык кийгизип, эки мүнөттөй асфальтка жаткырып кармагандыктан көз жумган.

101
Белгилер:
атышуу, акция, митинг, АКШ
Тема боюнча
Трамп АКШнын гипер үндүү, укмуштуудай ракетасы бар экенин айтып мактанды
Медработник берет мазок для проведения анализа на Covid-19

Коронавирус жуктургандар менен айыккандар. Кыргызстандагы соңку статистика

24
(жаңыланган 10:42 20.09.2020)
Учурда 566 бейтап ооруканада дарыгерлердин көзөмөлүндө жатат, ал эми 1762 киши үй шартында дарыланууда.

БИШКЕК, 20-сен. — Sputnik. Соңку бир сутканын ичинде коронавирус илдетинен 94 адам айыгып чыкты. Бирок ушул эле убакыттын аралыгында 81 кыргызстандык вирус жуктуруп алганы аныкталды. Бул туурасында Республикалык штабдан билдиришти.

COVID-19дан сакайып чыккандар:

  • Бишкек – 15;
  • Ош шаары – 2;
  • Чүй облусу – 18;
  • Ош облусу – 8;
  • Нарын облусу – 2;
  • Ысык-Көл облусу – 12;
  • Жалал-Абад облусу – 12;
  • Баткен облусу – 25.

Ушуну менен өлкөдө 41 578 бейтап коронавирусту жеңип чыкты.

Окумуштуулар коронавируска кабылуу коркунучун 5 эсе азайткан ыкма табышты

Бир сутка ичинде COVID-19 жуктуруп алгандар:

  • Бишкек – 10;
  • Ош – 2;
  • Чүй облусу – 5;
  • Ош облусу – 8;
  • Талас облусу – 3;
  • Ысык-Көл облусу – 14;
  • Жалал-Абад облусу – 20;
  • Баткен облусу – 19.

Пандемия башталгандар бери коронавирус илештирип алган кыргызстандыктардын саны 45 416га жетти.

Боронов: форс-мажордук абалга даяр болуп, дарыларды камдайлы

Аны менен катары кечээтен бери өлкө боюнча 9 медицина кызматкери коронавирус жуктуруп алганы тастыкталды. Ал эми 4 медик айыгып ооруканадан чыгарылды, үй карантининдеги 18 медкызматкер сакайды.

Кыргызстанда ак халатчандардын арасында 3 199 учур катталып, алардын ичинен 2 801и ооруну жеңе алган.

Өткөн сутка оорулан көз жумгандар болгон жок. Өлкөдө буга чейин COVID-19 илдетинен ажал тапкандардын саны 1 063дү түзөт.

Учурда 566 бейтап ооруканада дарыгерлердин көзөмөлүндө жатса, 1762 киши үй шартында дарыланууда.

24
Белгилер:
оорукана, медик, айыгуу, жуктуруу, статистика, Кыргызстан, коронавирус
Тема:
Коронавируска байланыштуу Кыргызстандагы кырдаал
Тема боюнча
Көнүп баратат... Коронавирус сезондук оорулардын катарын толукташы ыктымал
COVID-19дан дарылаган препараттар жүрөктү талкалашы мүмкүн. Жаңы иликтөө