Колуна кишен тагылган киши. Архивдик сүрөт

Баткен облусунун башчысынын уулу Москвадан кармалды. Окуянын чоо-жайы

244
(жаңыланган 17:12 11.09.2020)
Аткаминердин уулу ири өлчөмдөгү акчага алдап кетти деп айыпталууда. Аны мындан бир жума мурун колго түшүрүшкөн.

БИШКЕК, 11-сен. — Sputnik. Москвада өкмөттүн Баткен облусундагы өкүлү Алишер Абдрахмановдун баласы Азиз Орозбаев кармалды. Бул тууралуу Ички иштер министрлигинин маалымат кызматы кабарлады.

Билдирүүгө ылайык, 2019-жылдын апрель айында Азиз Орозбаев жана башка эки жаран ишкердин ишеничине кирип, чет өлкөдөн алып келген автоунааларын сатып алууну убадалаган. Баасы 20 миң доллар турган Toyota Avalon жана 11 миң долларлык Hyundai Elantra үлгүсүндөгү автоунааны алып, бирок акчасын берген эмес. Мунун натыйжасында ишкерди 2 миллион 165 миң 350 сом материалдык чыгымга учураткан.

507 млн. сом менен из жашырып кеткен. ЖК депутатынын уулу Болгарияда кармалды

Аталган факт Кылмыш жана жоруктардын бирдиктүү реестрине катталып, Жазык кодексинин 204-беренеси ("Алдамчылык") менен сотко чейинки өндүрүш ачылган. 

“Эки шектүү, анын ичинде Азиз Орозбаев 2019-жылы жазда алдамчылык ишинен кийин укук коргоо органдарынан качып кеткен. Тергөөчү тарабынан бир нече ирет шектүүлөрдү алып келүү тапшырмасы берилген. Бирок алардын жүргөн жери аныкталбай жаткан”, — деп жазылат маалыматта.

Мындан улам тергөө иштери бүтүп, 2020-жылы январь айында А.М. аттуу 31 жаштагы шектүүгө жана Азиз Орозбаевге ири өлчөмдөгү алдамчылык боюнча сыртынан айып тагылган. Биринчи май райондук соту да алардын бөгөт чарасын сыртынан карап, камакка алуу чечимин чыгарган. Ал эми ушул жылдын март айында шектүүлөргө издөө жарыяланып, сотко чейинки өндүрүш токтотулган.

Атасын жер каратып... Чиновник, саясатчылардын кылмышка аралашкан балдары

“Алдын ала маалымат боюнча, Азиз Орозбаев 4-сентябрда Москванын Красносельское айылынан укук коргоо органдары тарабынан кармалган. Бишкектин Ленин РИИБинин Криминалдык милиция кызматы Россияга издөөдө жүргөн жарандардын тийиштүү документтерин жиберди”, — деп айтылат.

ИИМ аларды экстрадициялоо иши менен мындан ары Башкы прокуратура алектене турганын кошумчалады. 

244
Белгилер:
Москва, кармоо, алдамчылык
Тема боюнча
Кыргызстанда эл аралык издөөгө алынган адам Москванын метросунан кармалды
Акча алдап из жашырган кыргызстандыктар 7 жылдан кийин Москвадан кармалды
Жол кырсыгынан жабыркаган унаа. Архив

Бишкекте төрт машина кагышты. Видео

19
(жаңыланган 19:39 29.09.2020)
Төрт машина кагышкан жол кырсыктан жабыркагандар жок. Окуя шаардын түндүк тарабында, Элебесов көчөсүндө болгон.

БИШКЕК, 29-сен. – Sputnik. Бишкекте бүгүн төрт жеңил унаа кагышканын Кайгуул милициясынан билдиришти.

Жол кырсыгынын видеосу Telegram-каналынын “Короче” тайпасына жарыяланды.

Окуя Фере жана Элебесов көчөлөрүнүн кесилишинде болгон. Күбөлөрдүн айтымында, кырсыктын айынан Баялинов көчөсүнө чейин тыгын жаралган.

Милициядан билдиришкендей, жабыркагандар жок.

19
Белгилер:
жол кырсык, Бишкек
Тема боюнча
Анжиянда кыргызстандык айдоочу эки кызды коюп, өзү кошо көз жумду
Анжиянда болгон жол кырсыгы

Анжиянда кыргызстандык айдоочу эки кызды коюп, өзү кошо көз жумду

166
(жаңыланган 12:32 29.09.2020)
Факты боюнча "Жол эрежесин бузуу" беренеси менен кылмыш иши козголду. Учурда тергөө амалдарын улантуу үчүн иш Анжиян облустук ИИБине өткөрүлдү.

БИШКЕК, 29-сен. – Sputnik. Булакбашы — Анжиян трассасында Volvo жүк ташуучу унаасынын кыргызстандык айдоочусу жолдо бараткан эки кызды коюп кеткен. Бул тууралуу Өзбекстандын Ички иштер министрлигинин сайтына жарыяланды.

  • Последствия ДТП грузовым транспортным средством марки Volvo который несправившись с управлением, выехал на встречную полосу движения и совершил наезд на пешеходов на автодороге Булакбаши-Андижан в Андижанской области
    Булакбашы — Анжиян трассасында Volvo жүк ташуучу унаасынын кыргызстандык айдоочусу жолдо бараткан эки кызды коюп кеткен
    © Фото / пресс-служба МВД Узбекистана
  • Последствия ДТП грузовым транспортным средством марки Volvo который несправившись с управлением, выехал на встречную полосу движения и совершил наезд на пешеходов на автодороге Булакбаши-Андижан в Андижанской области
    Маалыматка караганда, окуя 28-сентябрь күнү саат 17:20да болгон
    © Фото / пресс-служба МВД Узбекистана
  • Последствия ДТП грузовым транспортным средством марки Volvo который несправившись с управлением, выехал на встречную полосу движения и совершил наезд на пешеходов на автодороге Булакбаши-Андижан в Андижанской области
    Аталган факты боюнча Булакбашы районунун ички иштер башкармалыгынын тергөө бөлүмү тарабынан "Жол эрежесин бузуу" беренеси боюнча кылмыш иши козголду
    © Фото / пресс-служба МВД Узбекистана
  • Последствия ДТП грузовым транспортным средством марки Volvo который несправившись с управлением, выехал на встречную полосу движения и совершил наезд на пешеходов на автодороге Булакбаши-Андижан в Андижанской области
    Учурда тергөө амалдарын улантуу үчүн иш Анжиян облустук ИИБине өткөрүлдү
    © Фото / пресс-служба МВД Узбекистана
1 / 4
© Фото / пресс-служба МВД Узбекистана
Булакбашы — Анжиян трассасында Volvo жүк ташуучу унаасынын кыргызстандык айдоочусу жолдо бараткан эки кызды коюп кеткен

Маалыматка караганда, окуя 28-сентябрь күнү саат 17:20да болгон.

"28 жаштагы Ш.Л. Саноат айылынын аймагында жүк ташуучу унаасын айдап баратып кырсыктаган. Кыргызстандык айдоочу рулду башкара албай калып, жолдун каршы тилкесине чыгып кеткен. Натыйжада жолдун четинде бараткан 10 жана 3 жаштагы кыздарды коюп, андан ары турак үйдү сүзүп токтогон. Кырсыктын кесепетинен эки кыз менен айдоочу жеринде көз жумган", — деп айтылат маалыматта.

Аталган факты боюнча Булакбашы районунун ички иштер башкармалыгынын тергөө бөлүмү тарабынан "Жол эрежесин бузуу" беренеси боюнча кылмыш иши козголду. Учурда тергөө амалдарын улантуу үчүн иш Анжиян облустук ИИБине өткөрүлдү.

166
Белгилер:
жол кырсык, Өзбекстан, Анжиян
Тема боюнча
Кырсыктарды алдын алуу үчүн Алматыда өзгөчө жол белгисин чийүү пландалууда