Жалал-Абад облустук милициясы жеке фирмаларга, бизнесмендерге кол салып, тоноп жүргөн кылмыштуу топту колго түшүрдү

Аял-күйөөсүн байлап алып сабашкан... Тоноочулукка шектүүлөр кармалды. Сүрөт

2117
(жаңыланган 16:52 16.09.2020)
Иликтөөнүн натыйжасында 22 жана 44 жаштагы шектүүлөр колго түштү. Алар уюшкан кылмыштуу топтун мүчөсү катары ИИМдин каттоосунда турат.

БИШКЕК, 16-сен. — Sputnik. Кечээ, 15-сентябрь күнү, Жалал-Абад облустук милициясы жеке фирмаларга, бизнесмендерге кол салып, тоноп жүргөн кылмыштуу топту колго түшүрдү. Бул тууралуу ИИМден билдиришти.

Задержанные в Джалал-Абадской области по подозрению в разбойных нападениях
© Фото / пресс-служба УВД Джалал-Абадской области
Кечээ, 15-сентябрь күнү, Жалал-Абад облустук милициясы жеке фирмаларга, бизнесмендерге кол салып, тоноп жүргөн кылмыштуу топту колго түшүрдү

Маалыматка караганда, үстүбүздөгү жылдын 27-июлунда таңкы саат 4.00дө облустук ооруканадан сузактык 59 жаштагы киши ок жеп түшкөнү кабарланган. Жерине барган милиция кызматкерлери жабырлануучу Бишкек — Ош трассасындагы газ куюучу жайда иштей турганын аныкташкан. Ага белгисиз адамдар келип көзүнө газ баллон чачып, ок чыгарышкан. Бирок айлана-тегерек ызы-чууга түшкөндүктөн станцияны тоной албай качып кетишкен.

Автомат, мылтык жана тапанча табылды. Бишкекте жети киши кармалган видео

Факты Кылмыш жана жоруктардын бирдиктүү реестрине каттоого алынып, Кылмыш-жаза кодексинин 202-беренеси ("Каракчылык") боюнча иш козголгон. Натыйжада шектүүлөр кармалып, алардын Жалал-Абад облусунун аймагында жасалган башка дагы кылмыштарга катыштыгы бар экени аныкталган.

  • Оружие и боеприпасы обнаруженные у задержанных в Джалал-Абадской области, по подозрению в разбойных нападениях
    Факты Кылмыш жана жоруктардын бирдиктүү реестрине каттоого алынып, Кылмыш-жаза кодексинин 202-беренеси ("Каракчылык") боюнча иш козголгон
    © Фото / пресс-служба УВД Джалал-Абадской области
  • Оружие и боеприпасы обнаруженные у задержанных в Джалал-Абадской области, по подозрению в разбойных нападениях
    Иликтөөнүн натыйжасында 22 жаштагы К.Ж. (мурда экстремисттик материалдарды таркатканы үчүн соттолгон), 44 жаштагы Ж.С. (мурда мыйзамсыз негизде курал алып, сактаганы үчүн соттолгон) кармалды
    © Фото / пресс-служба УВД Джалал-Абадской области
  • Вещи обнаруженные у задержанных в Джалал-Абадской области, по подозрению в разбойных нападениях
    Экөө тең уюшкан кылмыштуу топтун мүчөсү катары ИИМдин каттоосунда турат.
    © Фото / пресс-служба УВД Джалал-Абадской области
1 / 3
© Фото / пресс-служба УВД Джалал-Абадской области
Факты Кылмыш жана жоруктардын бирдиктүү реестрине каттоого алынып, Кылмыш-жаза кодексинин 202-беренеси ("Каракчылык") боюнча иш козголгон

2020-жылдын 7-августунда болжол менен таңкы саат 03.00дөр чамасында Базар-Коргон районунда жашаган 63 жаштагы ишкердин үйүнө куралчан кишилер кирип келген. Кылмышкерлер үй ээсин, жубайын жана уулун байлап сабап, акча талап кылышкан. Бирок үйдөн чоң сумма таба албай дүкөндөгү 2000 сомдой акчаны алып кетишкен. Бул факты боюнча дагы 202-берене менен иш козголгон.

Иликтөөнүн натыйжасында 22 жаштагы К.Ж. (мурда экстремисттик материалдарды таркатканы үчүн соттолгон), 44 жаштагы Ж.С. (мурда мыйзамсыз негизде курал алып, сактаганы үчүн соттолгон) кармалды. Экөө тең уюшкан кылмыштуу топтун мүчөсү катары ИИМдин каттоосунда турат.

2117
Белгилер:
тоноо, кылмыш, милиция, Жалал-Абад облусу
Тема боюнча
Автомат, мылтык жана тапанча табылды. Бишкекте жети киши кармалган видео
Уй эти. Архив

Ат-Башы: сибирь жарасы менен ооруган уйдун эти элге тарап, эки киши жабыркады

390
(жаңыланган 17:14 19.09.2020)
Оору илештирип алгандар Нарын шаардык ооруканасына жаткырылып, изоляцияга алынганы маалым болду. Ал эми уй союлган жердин айланасы толугу менен тосулган.

БИШКЕК, 19-сен. — Sputnik. Ат-Башы районунун эки тургунунан сибирь жарасы аныкталды. Бул тууралуу Sputnik Кыргызстан агенттигине райондун администрация башчысынын биринчи орун басары Максат Кадыркулов билдирди.

Анын айтымында, оору илештирип алгандар Нарын шаардык ооруканасына жаткырылып, изоляцияга алынган.

"Бул окуя 2-сентябрда болуптур. Анда Ак-Сай өрөөнүндөгү Коенду-Колот деген жеринде малчылар бир уйдун ичи көөп, абалы жакшы эместигин байкап, союшкан. Уйдун ашказанынан аркандын калдыктарын таап, мал ошол себептен ооруп жаткан го деп болжоп коюшкан. Ошол жерден ичеги карындарын алып, уйду автоунаага жүктөп Баш-Кайыңды айылына караштуу Кара-Тал деген айылга алып барышкан. Уйдун ээсинин үйүнөн аны союп, эт алам дегендерге таратышкан. Кийинчерээк, 11-сентябрда, уй сойгон адамдардын биринин колу шишип Ат-Башы аймактык ооруканасына кайрылган. Ал сибирь жарасына шектелип, анализ алынып, жыйынтыгында чындап эле жугузуп алганы аныкталган", — деди Кадыркулов.

Акимдин орун басары уй союлган жердин баары курчоого алынып, малчылар изоляция болгонун кошумчалады.

Тогузбаева: шарп, кутурма, күйдүргү — адам өмүрү үчүн да кооптуу

"Ал эми уйдун этин 12 үй-бүлө сатып алган. Азыркы тапта 68 адам үй көзөмөлүндө турушат. Аларда оорунун белгилери жок. Таратылган эттин баары кайтарып алынды. Баш-Кайыңды айыл өкмөт башчысынын буйругу менен Кара-Тал айыл өкмөтүнө карантин жарыяланды. Уйдун баш-териси лабораторияга берилген. Жыйынтыгында анда сибирь жарасы бар экени аныкталды. Азыркы тапта уйду союп, ооруу жугузган эки адам ооруканада", — деди Кадыркулов.

Сибирь жарасы — жер кыртышында узак жылдар бою сакталып, адамдарга жана жаныбарларга коркунуч алып келген бактериялык жугуштуу дарт.

390
Белгилер:
лаборатория, аныктоо, оору, сибирь жарасы, Ат-Башы
АКШнын полиция кызматкерлери

АКШда кайрадан каршылык акциясы башталып, эки адам көз жумду

96
(жаңыланган 15:45 19.09.2020)
Кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган.

БИШКЕК, 19-сен. – Sputnik. Нью-Йорк штатындагы Рочестер шаарында өтүп жаткан каршылык акциясында эки адам окко учуп, 14 киши жабыркады. Бул тууралуу РИА Новости шаардык полициянын жетекчиси Марк Симмонско шилтеме берип жазды.

“Так маалыматтар боюнча бизде 16 адам жабыркады. Дагы эки адам ок жеп көз жумганын терең кайгыруу менен кабарлайм”, - деди Симмонс.

​Маалыматка караганда, атышуу болгон жерде көптөгөн полиция кызматкерлери жүрөт. Бир нече көчө жабылды.

Белгилей кетсек, кечээ күнү Рочестерде Black Lives Matter кыймылынын кезектеги каршылык акциясы өткөн. Митинг афроамерикалык Дэниел Пруддун өлүмүнө байланыштуу уюштурулган. Пруд жергиликтүү полиция анын башына баштык кийгизип, эки мүнөттөй асфальтка жаткырып кармагандыктан көз жумган.

96
Белгилер:
атышуу, акция, митинг, АКШ
Тема боюнча
Трамп АКШнын гипер үндүү, укмуштуудай ракетасы бар экенин айтып мактанды
Бишкек шаарындагы Курмажан датканын айкели. Архив

Күн сууктайбы? Бир жумага карата аба ырайы

0
(жаңыланган 09:45 20.09.2020)
Синоптиктердин маалыматына караганда, өлкөдө аптанын биринчи жарымында күндүзү жаан жаабаганы менен түнкүсүн жаан-чачындуу болот.

БИШКЕК, 20-сен. — Sputnik. Кыргызгидромет агенттиги келерки жумага карата аба ырайы тууралуу болжолдуу маалымат берди.

Бишкек шаары

Борбор калаада 20-21-сентябрда жаан-чачын күтүлбөйт. 22-сентябрда түнкүсүн жаан жаашы мүмкүн. Аптанын аягында дагы күндүн көзү ачылбасы божомолдонууда. Батыштан соккон шамалдын ылдамдыгы секундасына 4-9 метрге жетет.

Чүй, Талас облустарында

Аптанын башында жаан-чачын күтүлбөйт. 22-сентябрда түнкүсүн кээ бир райондордо жаан жаап, бийик тоолуу райондордо карга айланат. Мындай аба ырайы 24-сентябрга чейин кармалып турат. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Ош, Жалал-Абад, Баткен облустарында

20-21-сентябрда жаан жаабайт. 22-сентябрь күнү Жалал-Абад облусунун тоо этектеринде жана тоолуу райондорунда жаан жаап, бийик тоолуу райондорунда кар жаашы күтүлөт.

Аптанын акыркы күндөрүнө чейин көпчүлүк аймактарда күндүз күн ачык болгону менен түнкүсүн бийик тоолуу жерлерде жаан жаап, карга айланышы ыктымал.

Жер бетиндеги эң жогорку температура катталган аймак аталды

Ысык-Көл облусунда

20-сентябрда түнкүсүн кээ бир райондордо жаан жаап, тоолуу райондордо кар жааса, 20-сентябрь күндүз дагы мындай аба ырайы уланат. 23-сентябрда күндүз жана 24-сентябрда кээ бир райондордо жаан жаайт. Батыштан соккон шамалдын ылдамдыгы секундасына 4-9 метрден, 23-сентябрда кээ бир райондордо 15-20 метрге жетиши күтүлөт.

Нарын облусунда

Нарында аптанын ортосуна чейин жаан жаабайт. 23-сентябрдан тарта күндүз кээ бир райондордо жаан жаап, бийик тоолуу райондордо кар жаашы күтүлөт.

0
Белгилер:
жаан-чачын, Кыргызгидромет, аба ырайы, Кыргызстан
Тема боюнча
Ак-Сай жайлоосуна малчылар жакага түшө электе кар жаап салды. Видео