Жал кичи районундагы өрт

Жалда көп кабаттуу үй күйүп жатат. Жалындаган өрттүн видеосу

523
(жаңыланган 00:16 17.09.2020)
Күбөлөр Жогорку Жалда жаңыдан курулуп жаткан көп кабаттуу үйдүн чатыры күйүп жатканын айтышууда. 

БИШКЕК, 16-сен. — Sputnik. Бишкектин Жал кичи району жайгашкан Тыналиев көчөсүндөгү турак үйдөн өрт чыкты. Бул тууралуу Өзгөчө кырдаалдар министрлиги алдын ала алынган маалыматка таянып кабарлады. 

Билдирүүгө ылайык, өрттү өчүрүүгө саат 22:23тө Биринчи май райондук бөлүмдөн бир бригада, саат 22:30да дагы бир бригада тартылган. Кошумча маалымат берилет.

  • Сотрудники МЧС на месте пожара в строящемся многоэтажном доме по улице Тыналиева в Бишкеке
    Бишкектин Жал кичи району жайгашкан Тыналиев көчөсүндөгү турак үйдөн өрт чыкты
    © Sputnik / Азамат Тотубаев
  • Скорая помощь на месте пожара в строящемся многоэтажном доме по улице Тыналиева в Бишкеке
    Бул тууралуу Өзгөчө кырдаалдар министрлиги алдын ала алынган маалыматка таянып кабарлады
    © Sputnik / Азамат Тотубаев
  • Пламя огня в строящемся многоэтажном доме по улице Тыналиева в Бишкеке
    Билдирүүгө ылайык, өрттү өчүрүүгө саат 22:23тө Биринчи май райондук бөлүмдөн бир бригада, саат 22:30да дагы бир бригада тартылган
    © Sputnik / Жоомарт Ураимов
1 / 3
© Sputnik / Азамат Тотубаев
Бишкектин Жал кичи району жайгашкан Тыналиев көчөсүндөгү турак үйдөн өрт чыкты

Ал эми күбөлөр жаңыдан курулуп жаткан көп кабаттуу үйдүн үстү жагы күйүп жатканын айтышууда. Өрттүн видеосу дагы социалдык тармактарга жарыяланды.

523
Белгилер:
өчүрүү, турак үй, өрт, Бишкек
Тема боюнча
Бишкекте турак үйдөн чыккан өрт өчүрүлдү
Кыргызстандын өрт көп чыккан аймагы. 2020-жылга статистика
Кишен.Архивдик сүрөт

Тендердин ишин өздөрү жасаган. Жалал-Абадда токой чарба башчысы кармалды

69
(жаңыланган 13:54 22.09.2020)
Финполдун билдиришинче, токой чарбасынын кызматкерлери тендерде көрсөтүлгөн иштерди өздөрү жасашкан. Жетекчи кызмат көрсөтө турчу ишканага берилген каражатты кайра которуп алган.

БИШКЕК, 22-сен. — Sputnik. 15-сентябрь күнү сотко чейинки өндүрүштүн жүрүшүндө Жалал-Абад облусундагы токой чарбасын жетектеген адамдардын бири кармалды. Бул тууралуу Экономикалык кылмыштарга каршы күрөшүү кызматы (Финпол) кабарлады.

"Токой чарбасына жооптуу адамдар өрттү алдын алуу жана токойчулук иштерин жүргүзүү үчүн эки миллион сомго бааланган тендерлерди өткөргөндүгү аныкталды. Алардын жыйынтыгы менен "А" жана "А.А" ЖЧКлары жеңүүчү деп табылган", — деп айтылат маалыматта.

Кара-Суу райондук сотунун төрагасы пара алып жатып кармалды. Сүрөт

Бирок Финполдун билдирүүсү боюнча, иш жүзүндө тендерде көрсөтүлгөн жумуштарды токой чарбасынын кызматкерлери өздөрү жүргүзүшкөн.

"Акча ЖЧКлардын эсептерине которулгандан кийин токой чарбасынын директорунун көрсөтмөсү боюнча каражат кайра башкы бухгалтерге берилген", — деп айтылат маалыматта.

Учурда сотко чейинки өндүрүш боюнча тергөө иштери жүрүүдө. Иштин бардык жагдайлары изилденгенден кийин токой чарба директорунун, башкы бухгалтердин, ошондой эле ЖЧКнын жетекчилеринин аракеттерине юридикалык баа берилери айтылды.

69
Белгилер:
жетекчи, кармоо, каражат, тендер, Айлана-чөйрөнү коргоо жана токой чарбасы мамлекеттик агенттиги, финансы полициясы, Жалал-Абад
Тема боюнча
Финпол пандемия учурундагы шалаакылык боюнча беш кылмыш ишин иликтеп жатат
Колуна кишен тагылган киши. Иллюстративдик сүрөт

Пара алды деп кармалган УКМКнын экс-кызматкери №1 тергөө абагына киргизилди

57
(жаңыланган 13:40 22.09.2020)
Шектүү буга чейин үй камагында болчу. Мындай чечимге прокуратура каршы чыгып, аппеляциялык арыз берген.

БИШКЕК, 22-сен. — Sputnik. Пара алууга шектелген УКМКнын мурдагы кызматкери №1 тергөө абагына киргизилди. Бул тууралуу Бишкектин шаардык соту кабарлады.

Атайын кызматтын өкүлү пара талап кылууга шектелип, 4-сентябрда Финансы полициясы жана УКМКнын өздүк коопсуздук кызматы тарабынан кармалган. Даттануучунун айтымында, УКМКнын мурдагы кызматкери анын уулу үчүн ЗАГСта аталыкты аныктоо маселесин оң жагына чечкендиги үчүн арыздануучудан 3000 доллар пара талап кылган. Кийинчерээк УКМК кызматтык иликтөөдөн соң шектүү кызматтан бошотулганын билдирген.

Жумушунан четтетилген кызматкер, мындан сырткары, алдамчылыкка шектелип жатканы айталат. Ал Финансы полициясынын кызматкери деп өзүн тааныштырып келген. Бул иш боюнча Коопсуздук кеңеши бардык маалыматтарды ачыктаган.

УКМК кызматкерлери Россиядан уурдалган унаалардын тралын коштогону айтылды

Маалыматка ылайык, Бишкек шаарынын прокуратурасы 6-сентябрда Биринчи май райондук сотуна кайрылып, шектүүнү эки айга камакка алууну өтүнгөн. Ага карабастан тергөө судьясы прокуратуранын өтүнүчүн четке кагып, кармалган УКМК кызматкерин үй камагына чыгарган.

Соттук коллегиянын 22-сентябрда чыгарган аныктамасына ылайык, соттун буга чейинки токтому жокко чыгарылып, прокуратуранын камакка алуу өтүнүчүнүн негизинде шектүү эки айга камакка алынды.

Чечим арызданууга жатпайт.

57
Белгилер:
арыз, прокуратура, сот, пара, УКМК
Тема боюнча
Кара-Суу райондук сотунун төрагасы пара алып жатып кармалды. Сүрөт
50 миң сом пара алып жаткан Бишкек мэриясынын кызматкерин УКМК колго түшүрдү
Спорт комитетинин аткаминерлери пара сураса кайда кайрылуу керек? Телефондор
Ош облусунун Өзгөн районунда 200 орундуу мектептин курулушу аяктап, ишке берилди

Өзгөндө 200 орундуу мектеп курулуп, пайдаланууга берилди. Сүрөт

0
Курулуш иштерине республикалык бюджеттен 32 миллион 700 миң сом бөлүнгөн. Мектептин спорт залынын курулуш иштери уланууда.

БИШКЕК, 22-сен. — Sputnik. Ош облусунун Өзгөн районунда 200 орундуу мектептин курулушу аяктап, ишке берилди. Бул тууралуу Билим берүү жана илим министрлигинен билдиришти.

 

  • Церемония открытия новой школы на 200 мест в Узгенском районе Ошской области
    Ош облусунун Өзгөн районунда 200 орундуу мектептин курулушу аяктап, ишке берилди
    © Фото / пресс-служба Министерства образования и науки КР
  • Церемония открытия новой школы на 200 мест в Узгенском районе Ошской области
    Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды
    © Фото / пресс-служба Министерства образования и науки КР
  • Начало строительствановой школы в Узгенском районе Ошской области
    Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген.
    © Фото / пресс-служба Министерства образования и науки КР
1 / 4
© Фото / пресс-служба Министерства образования и науки КР
Ош облусунун Өзгөн районунда 200 орундуу мектептин курулушу аяктап, ишке берилди

Алча-Башат айылында жайгашкан №86 Кысык-Алма орто мектебинин ачылышына министрликтин статс-катчысы Жапаркул Ташиев катышкан.

 

"Мектептин курулушу 2015-жылы башталып, республикалык бюджеттен 32 миллион 700 миң сом бөлүнгөн. Мектептин ашканасы заманбап талапка ылайык салынган. Компьютердик классы бар. Мектептин спорт залынын курулуш иштери уланууда", — деп айтылат маалыматта.

Мындан сырткары, ушул эле райондун Жалпак-Таш айыл аймагына караштуу Т. Оморкулов атындагы мектептин жаңы 150 орундуу имаратынын (спорт залы менен бирге) курулушу башталды.

Аталган мектеп 1990-жылы салынган. Анын 1-корпусу 2015-жылдын 17-ноябрындагы жер титирөөдөн улам жараксыз абалга келген. Курулуш иштерине республикалык бюджеттен 54 миллион сом бөлүнгөнү маалым болду.

0
Белгилер:
Билим берүү жана илим министрлиги, курулуш, курулуш материалдары, Өзгөн
Тема боюнча
Министрлик: окуучулар мектепке октябрда барар-барбасы арсар