Муштумун көтөрүп турган адам. Архив

Араванда үгүт учурунда мушташтан 12 адам ооруканага түшүп, 10у сурак берүүдө

(жаңыланган 10:16 21.09.2020)
Ош облустук ички иштер башкармалыгы шайлоо мыйзамдарын бузган тараптар катуу жазалана турганын эскертти.

БИШКЕК, 21-сен. — Sputnik. Ош облусунун Араван районунда саясий партиянын үгүт иштерин өткөрүү маалында жаңжал чыгып, 12 адам жаракат алды. Бул туурасында Ош облустук милициянын маалымат кызматы кабарлады.

Билдирмеге караганда, кечээ, 20-сентябрда, саат 19:15те Араван РИИБдин нөөмөт бөлүмүнө райондун Юсупов айыл өкмөтүнө караштуу Араван айылында белгисиз адамдар мушташып жатканы кабарланган.

Аталган факт Кылмыш жана жоруктардын бирдиктүү реестрине саат 19:42де катталган.

"Алгачкы текшерүүдө саат 18:30дар чамасында айылда 100 чакты адамдын катышуусунда саясий партиянын талапкери үгүт ишин өткөрүүгө элди чогулткан. Ошол маалда белгисиз себептерден улам чыр чыккан. Натыйжада 20-сентябрь күнү саат 21:30га карата Араван райондук ооруканасына 11 жаран, Ош шаардык ооруканасына бир адам ар кандай жарааты менен кайрылышкан. Мындан сырткары, беш автоунаа талкаланган", — деп айтылат билдирүүдө.

Бул окуя боюнча Жазык кодексинин 266-беренесинин 2-бөлүгү ("Жашы жете электер 2 жыл 6 айдан 4 жылга чейин, ал эми чоңдор 5 жылдан 7 жыл 6 айга чейин эркинен ажыратылат") менен сотко чейинки өндүрүш иши ачылган.

Аксы: үгүтчүнү коркутуп башка партияга иштөөгө мажбурлагандар камалды

Учурда мушташкан 10 жаран кармалып сурак берип жатат. Жаңжалдан жаракат алган 12 адам ооруканада. Жакынкы убакта алар да суракка алынат. Тергөө кызматы тарабынан соттук-медициналык экспертиза дайындалып, келтирилген чыгым эсептелүүдө. Мушташ чыгарган жарандарга карата катуу чара көрүлөрү белгиленди.

"Урматтуу Жогорку Кеӊештин депутаттыгына талапкерлер, шайлоочулар менен жолугушуу болорун алдын ала коомдук тартипти көзөмөлдөө боюнча ички иштер органдарына кабарлап коюуну суранабыз. Бул окуяда эл чогулткан талапкер жолугушуу өтчү жери жана убактысы туралуу маалымдаган эмес, — деп кайрылды милиция.

Ошону менен катар шайлоо мыйзамдарын бузгандар катуу жазалана турганын эскертти.

Белгилер:
оорукана, кармоо, үгүт, мушташ, Араван району, Ош облусу
Тема:
Шайлоо-2020 (253)
Тема боюнча
Ош шаарында милиционер менен тургундар мушташа кетти. Видео
"УИК качан жабылат?", "Мен ишенбейм!". Шайлоонун эсте калган чатактары
Жалал-Абад облусунда Кызыл китепке кирген күрөң аюуну өлтүрүп, терисин алып бараткан жаран кармалды

Жалал-Абадда аюуну өлтүрүп, терисин алып бараткан жаран кармалды. Сүрөт

(жаңыланган 17:50 12.04.2021)
Шектүү адам балчы экенин, аюу бал челектерин талкалай бергенде аны өлтүргөнүн айткан. Бул фактынын негизинде акт түзүлүп облустук милицияга өткөрүп берилген.

БИШКЕК, 12-апр. — Sputnik. Жалал-Абад облусунда Кызыл китепке кирген күрөң аюуну өлтүрүп, терисин алып бараткан жаран кармалды. Бул тууралуу Sputnik Кыргызстанга Биотүрдүүлүктү сактоо жана өзгөчө корголуучу жаратылыш аймактары департаментинин Жалал-Абаддагы өкүлчүлүгүнүн башчысы Турат Сатимбаев билдирди.

  • Жалал-Абад облусунда Кызыл китепке кирген күрөң аюуну өлтүрүп, терисин алып бараткан жаран кармалды
    Жалал-Абад облусунда Кызыл китепке кирген күрөң аюуну өлтүрүп, терисин алып бараткан жаран кармалды
    © Фото / Турат Сатимбаев
  • Шерсть краснокнижного бурого медведя, обнаруженная у жителя Джалал-Абадской области
    Окуя 9-апрель күнү Базар-Коргон районунун Кызыл-Үңкүр айылынын жайлоосунда катталган
    © Фото / Турат Сатимбаев
  • Шерсть краснокнижного бурого медведя, обнаруженная у жителя Джалал-Абадской области
    Бул фактынын негизинде акт түзүлүп, 12-апрель күнү Жалал-Абад облустук ички иштер башкармалыгына өткөрүп берилген.
    © Фото / Турат Сатимбаев
1 / 3
© Фото / Турат Сатимбаев
Жалал-Абад облусунда Кызыл китепке кирген күрөң аюуну өлтүрүп, терисин алып бараткан жаран кармалды

Анын айтымында, окуя 9-апрель күнү Базар-Коргон районунун Кызыл-Үңкүр айылынын жайлоосунда катталган.

"Бизге түшкөн маалыматтын негизинде эки кызматкерди ээрчитип алып айтылган аймакка барганбыз. Тоодон баштык көтөрүп келе жаткан адам баштыгын катып жатканын көрдүк. Текшере келгенде жаңы союлган аюунун териси чыкты. Ал Кызыл-Үңкүр токой чарбасында балчы экенин, аюу бал челектерин талкалай бергендиктен ага тузак коюп кармап, өлтүргөнүн айтты", — деди Сатимбаев.

Бул фактынын негизинде акт түзүлүп, 12-апрель күнү Жалал-Абад облустук ички иштер башкармалыгына өткөрүп берилген.

Сатимбаев Жалал-Абад облусунда 2020-жылдын аягындагы эсеп боюнча 234 аюу бар экенин кошумчалады.

Белгилер:
Жалал-Абад облусу, кызыл китеп, аюу
Тема боюнча
Жапайы жаныбарларды атууга салынган айып пулдун өлчөмү көбөйтүлдү
Кыз полиция кызматкерлердин жанында массалык каршылыктар учурунда

АКШда полиция афроамерикалыкты атып салып, башаламандык жаралды. Видео

(жаңыланган 15:35 12.04.2021)
Полиция ынды кара кишини жол эрежесин бузгандыгы үчүн токтоткон. Текшерүү учурунда буга чейин аны камакка алууга ордер берилгени белгилүү болгон.

БИШКЕК, 12-апр. — Sputnik. Американын Бруклин-Сентер шаарында полициянын ынды кара кишини атып салганы массалык каршылыктарды жаратты. Бул тууралуу The Independent жазды.

Маалыматка караганда, тартип сакчылары 20 жаштагы Данте Райтаны жол эрежесин бузгандыгы үчүн токтотушкан. Документтерди текшерүү учурунда полиция кызматкерлери буга чейин аны камакка алууга ордер берилгенин аныкташкан.

​"Америкалык жаран полициянын талабына баш ийгиси келбей, өзүнүн унаасына барып отуруп алган. Мындан улам тартип сакчыларынын бири Райтты көздөй ок чыгарган. Анын унаасы бир нече көчөдөн өтүп барып башка машинаны сүзгөн. Натыйжада рулдагы аял жаракат алып ооруканага жеткирилген. Ал эми Райт ошол жерден көз жумган", — деп айтылат маалыматта.

​Окуядан кийин кырсык болгон жерге 500гө жакын киши чогулуп, полиция менен жарандар кагылышкан. Натыйжада бир нече күзөт унаасы жарактан чыкканы айтылды. Топтолгондорду таратыш үчүн тартип сакчылары желим окторду колдонушкан.

Кечке жуук каршылык акциясы токтоп, жарандар "Даунт Райтка акыйкаттык" деген жазууларды калтырып кетишкен.

Белгилер:
акция, каршылык, кара, полиция, Америка
Тема боюнча
Муунтулуп өлгөн Флойддун аты актыга ыйгарылды. АКШ полициясы реформаланат
Биринчи вице-премьер-министр Артем Новиков

Новиков адам уурдоодо ыкчам реакция кылуу алгоритмин иштеп чыгууну сунуштады

(жаңыланган 23:46 12.04.2021)
Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

БИШКЕК, 12-апр. — Sputnik. Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады. Бул тууралуу өкмөттүн маалымат кызматынан билдиришти.

  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады
    © Пресс-служба правительства / Алишер Алиев
  • Первый вице-премьер-министр КР Артем Новиков на совещании по вопросу насилия в отношении женщин и детей. 12 апреля 2021 года
    Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Биринчи вице-премьер Артём Новиков адам уурдоо фактысы катталган учурда “Коопсуз шаардын” камералары менен издөө боюнча алгоритм иштеп чыгууну сунуштады

Новиковдун айтымында, бул кадам милициянын ыкчам иш алып баруусуна шарт түзүп, бюрократияны жоюуга жардам берет.

Ал аялдар менен балдарга карата зордук-зомбулукту алдын алуу маселелери боюнча кеңешме өткөрдү.

"Айзаданын (Канатбекова — ред.) трагедиялуу окуясы баарыбыздын жүрөгүбүздү оорутту. Тилекке каршы, бул жалгыз гана мисал эмес. Акыркы кезде жаңылыктардан мектеп окуучуларынын урушу, аялдардын кордолушу, жашы жете электердин зордукталышы тууралуу гана окуп калдык. Бүгүн биз бул нерселерди алдын алуу үчүн аракеттерди кылышыбыз керек”, — деди Новиков.

Новиков ала качуу боюнча жазаны күчөтүп, адам уурдоо беренесине теңөөнү сунуштады. Ал кагаз жүзүндө көптөгөн концепциялар, стратегиялар иштелип чыкканы менен турмушта колдонулбай келгенин кошумчалады.

Белгилер:
алгоритм, аял, бала, зомбулук, өкмөт, Артем Новиков
Тема боюнча
"Апаңды да өлтүрүп кетем" деп коркутуп жүрүптүр. Айзаданын жакындарынын видеомаеги
Айзада Канатбекованы уурдады делген шектүүлөр камакка алынды