БИШКЕК, 4-окт. — Sputnik. Ош облусунда күчү 3,5 баллга жеткен жер титиреди. Бул тууралуу ӨКМдин маалымат кызматы кабарлады.
Ага ылайык, жер силкинүү 4-октябрь күнү болжол менен саат 20:12де катталган.
Жер титирөө Кара-Суу районунун Жаңы-Арык, Отуз-Адыр, Кызыл-Ордо, Мады айылдарында 3,5 балл, Баш-Булак айылында 3 баллга чейин сезилген.
ӨКМ белгилегендей, жаратылыш кырсыгынан жабыркагандар жана кыйроолор катталган жок.
