Бишкекек шаарындагы травматология жана ортопедия илим-изилдөө борбору

Бешөөнүн абалы оор. Митингден жаракат алгандардын саны 70тен ашты

881
(жаңыланган 23:59 05.10.2020)
Оорукананын жетекчисинин айтымында, жаракат алгандардын көбү милиция кызматкерлери. Учурда дарыгерлердин бардыгы жумушка чакырылган.

БИШКЕК, 5-окт. — Sputnik. Бишкекте митинг учурунда жаракат алгандардын саны 70тен ашты. Бул тууралуу Sputnik агенттигине Травматология жана ортопедия илим-изилдөө борборунун жетекчиси Сабырбек Жумабеков билдирди.

Анын айтымында, жаракат алгандардын көбү милиция кызматкерлери.

"Болжолдуу түрдө беш кишинин абалы оор, алар жандандыруу бөлүмүнө жаткырылды. Ошондой эле бутунан ачык жаракат алгандар, дене-башы көгөргөндөр, резина октон зыян тарткандар бар", — деди дарыгер.

Милиция митингчилерди кайрадан кубалоого аракет жасап жатат. Видео

Ал учурда дарыгерлердин бардыгы жумушка чакырылып, иштеп жатканын кошумчалады.

Эске салсак, бүгүн түшкө чейин "Ала-Тоо" аянтында акырындан эл топтолуп, түштөн кийин шайлоодон утулуп калган сегиз партиянын башын бириктирген ири митингге айланган. Алар 4-октябрь күнү өткөн парламенттик шайлоонун жыйынтыгын тааныбай турганын айтып, адилеттүүлүктү талап кылууда. Кечке маал аянтта элдин саны көбөйүп, учурда ал чоң митингге айланды.

881
Белгилер:
оорукана, жаракат, митинг, Бишкек
Тема:
Парламенттик шайлоодон кийинки окуялар (464)
Тема боюнча
ИИМ: митингге чыккандарды атайын каражаттар менен таркатууга аргасыз болдук
Борбордук аянттын митингден кийинки көрүнүшү. Видео
Спецназ элге кошулуп кеттиби? Интернетке тараган видеонун таржымалы
Сооронбай Жээнбеков 16 партиянын лидерлери менен жолугууну пландап жатат
Милиция митингчилерди кайрадан кубалоого аракет жасап жатат. Видео
"Ата Мекендин" дагы бир мүчөсү Элдар Абакиров жаракат алды. Сүрөт
ӨКМ кызматкерлери. Архив

Токмоктун базарында чыккан өрттү толугу менен өчүрүштү

27
(жаңыланган 00:22 29.10.2020)
Токмоктун базарындагы дүкөндөн чыккан жалынды өрт өчүрүүчүлөр болжол менен эки сааттан ашык алышып жатып өчүрүшкөн.

БИШКЕК, 29-окт. — Sputnik. Токмоктогу "Булак" базарынын аймагында эт саткан дүкөндөн чыккан өрттү үч бригада өчүрдү. Бул тууралуу ӨКМдин маалымат кызматынан кабарлашты.

"Тилсиз жоо алгач чектөөгө алынып, андан кийин толугу менен саат 23:29да өчүрүлдү", — деп билдирди маалымат кызматы.

Эске салсак, ӨКМге Токмок шаарынын базарындагы дүкөндөрдүн биринен чыккан тилсиз жоо тууралуу маалымат 19:12де түшүп, ал жерге үч бригада жөнөп кеткени кабарланган.

Министрликтен кырсыктан жабыркагандар жок экендигин айтышты. Өрттүн жалпы аянты болжол менен 600 чарчы метрге жеткен. 

27
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү
Өрт өчүрүү учурунда. Архив

Токмокто базар өрттөнүп, аны өчүрүп жатышат. Видео

39
(жаңыланган 23:27 28.10.2020)
Базардагы дүкөндөрдүн бириндеги тилсиз жоо тууралуу маалымат 19:12де түшүп, ал жерге үч бригада жөнөп кеткен.

БИШКЕК, 28-окт. — Sputnik. Токмоктогу "Булак" базарынын аймагындагы жалынды өрт өчүрүүчүлөр чектегендигин ӨКМдин маалымат кызматы кабарлады.

Өрттүн видеосу "Короче" Telegram-каналына жүктөлгөн.

Базардагы дүкөндөрдүн бириндеги тилсиз жоо тууралуу маалымат 19:12де түшүп, ал жерге үч бригада жөнөп кеткен. Жалынды саат 21:12де чектөөгө алышкан.

39
Белгилер:
видео, өрт, базар, Токмок, Кыргызстан
Тема боюнча
Ош шаарындагы өрт: эки киши ооруканага түштү